Најмалку 12 лица, од кои четири деца, загинаа денеска во судир на автобус и камион во западниот дел на Словачка.
Во несреќата, што се случила околу 13 часот во близина на градот Нјитра, 100 километри источно од Братислава, повредени се најмалку 20 луѓе, кои со хеликоптер веднаш се префрлени во болница.

Како што пренесуваат медиумите, пожарникарите соопштиле дека бројот на жртвите би можел да расте и дека камионот бил полн со камења.

Како што пренесува Канал Тв Новину.ск, во автобусот се наоѓале средношколци. Според извори од полицијата, во автобусот има заглавени луѓе.

Словачкиот премиер Петер Пелегрини поради несреќата, која ја ,карактеризира како „ужасна трагедија“ од Кипар ќе се врати во земјата порано од предвиденото.

Во време на несреќата врнел дожд и лизгавиот коловоз се истакнува како една од можните причини за судирот.
Ова е најтешка сообраќајна несреќа во Словачка во последните 10 години. Во 2009 година, во судир меѓу автобус и воз загинаа 12 лица

Полицијата во Хонг Конг обвини еден универзитет дека е база за молотови коктели и уточиште за нереди и злосторници. Вечерва повторно дојде до судир меѓу полицијата и демонстрантите.

Како што пренесуваат светските медиуми, полицијата тепала и апсела демонстранти во центарот на градот, кој денеска беше парализиран, јавниот сообраќај во главно е во прекин, а универитетите затворени, пренесе„Гардијан“.

Стотина демонстранти се собраа на мостот преку автопат, каде изградиле импровизирани барикади, стравувајќи дека полицијата ќе се врати. Силите на редот, пак, ги оправдаа своите делувања кон студентите, поради тоа што претходната ноќ тие фрлале молотови коктели и цигли кон нив.

Полицијата исто така рекла дека демонстрантите фрлале запалени стрели.

Неколку универзитети соопштија дека завршуваат со првиот семестар, кој инаку би требало да заврши на почетокот на декември.

Во Претставничкиот дом на американскиот конгрес почна јавното сведочење во истрагата за отповикување на претседателот Доналд Трамп. Сведочат највисокиот дипломатски претставник на САД во Украина, Вилијам Тејлор и советникот на државниот секретар на САД, Џорџ Кент.

Сесијата ја отвори со обраќање претседавачот со Одборот на Претставничкиот дом за разузнавачки служби, Адам Шиф, кој како што истакна, суштината на истрагата е во тоа да утврди дали претседателот Трамп ја злоупотребил службената положба и ја повикал Украина да се меша во американските избори, дали ја изнудувал или ја уценувал земјата сојузник.

Шиф рекол дека одговорите на овие прашања ќе ја погодат не само иднината на овој претседател, туку и ќе одредат што Американците можат да очекуваат од кој било иден претседател.

„Ако ова не е за отповикување, тогаш што е? Дали претседателската должност е да го почитува Уставот? “ праша Шиф.

Планирано е најпрво сведоците да изнесат воведни излагања, а потоа адвокатите и претседателката на Конгресот, ќе можат да поставуваат прашања.

По неколку недели испитување зад затворени врати, во кои учествуваа сегашни и поранешни дипломати и функционери, пратениците и оние кои ќе го следат сведоњето ширум земјата, ќе имаат можност да го слушнат и Вилијам Тејлор, моментално висок американски дипломат во Украина и Џорџ Кент, кој ги надгледува работите во Украина.

И двајцата рекле дека Трамп му вршел притисок на украинскиот претседател Зеленски да отвори истрага за еден од главните демократски предизвикувачи на изборите во 2020 година, поранешниот потпретседател Џо Бајден. Тоа било пред да ѝ биде одобрена воена помош од 391 милион долари на Украина, која Киев ја побарал за борба против проруски сили на истокот од земјата.