Свет
Вооружен маж држи седум луѓе како заложници во авион во Јамајка
Вооружен маж кој неколку часа рано изутрината држеше како заложници патници во авион на канадската авиокомпанија на меѓународниот аеродром во Монтего Беј на Јамајка, ослободи 167 од нив, но во авионот останаа уште пет членови на екипажот и двајца патници и во тек се преговорите со киднаперите.
Повикувајќи се на Радио Јамајка, американската телевизиска мрежа Си-Ен-Ен јави дека се слушнал еден истрел, но оти нема повредени меѓу патниците во авионот на компанијата „Кенџет“ кој требаше да полета од аеродромот „Сангстер“ од Монтего Беј на Јамајка кон Халифакс во Канада.Медиумите јавија дека вооружениот маж успеал да влезе во авионот со лажни документи неколку минути пред полетувањето на авионот во 3 часот и 30 минути по средноевропско време.Како што јави Си-Ен-Ен, една од патничките Бренда Грениер успеала да му телефонира на својот сопруг во Канада и да го информира дека еден маж незабележително влегол во авионот и оти ги држи патниците како заложници.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Свет
Полицијата во САД уби ученик пред училиште во Висконсин по пријава за пукање
Американската полиција убила ученик пред средно училиште во Висконсин, откако добила дојава дека таму има вооружено лице, изјави Џош Кол, обвинител на таа американска држава.
Полицијата на Фејсбук соопшти дека нема повеќе осомничени и дека нема повредени „освен наводниот напаѓач“, пренесува Асошиејтед прес.
Кол одбил да одговори на прашањата на новинарите дали ученикот пукал и се обидел да влезе во училиштето.
Свет
При уривање на автопат во јужна Кина загинаа 36 лица
Бројот на загинати во уривањето на дел од автопатот во јужната кинеска провинција Гуангдонг се искачи на 36, соопштија локалните власти.
Несреќата се случи вчера наутро, а по уривањето на делницата долга 17,9 метри, 23 возила паднале во провалија, јавува агенцијата Синхуа.
Претходно беше соопштено дека загинале 24 лица, а 30 се повредени.
Свет
Трамп: Апсењето на студенти во Њујорк „беше убаво за гледање“
Поранешниот американски претседател Доналд Трамп изјави дека е „убаво да се гледа“ како полицијата во Њујорк упадна во зградата на Универзитетот Колумбија, окупирана од пропалестински демонстранти, нарекувајќи ги „бесни лудаци и симпатизери на Хамас“.
На митинг за претседателската кампања во Висконсин, Трамп рече дека „Њујорк е под опсада“ и го поздрави апсењето на околу 300 демонстранти, пренесува Ројтерс.
Некои членови на Републиканската партија ги обвинија универзитетските лидери за игнорирање на антисемитската реторика и малтретирање на пропалестинските протести низ САД.