Свет
„Сандеј тајмс“: Разузнавачка „битка“ на Израел и Иран за територијата на Еритреја
Разузнавачките агенции на Израел и на Иран секоја за себе, спроведуваат шпионски операции на територијата на Еритреја насочени едни спроти други за да се неутрализира дејствувањето на противникот, пишува „Сандеј тајмс“.
Лондонскиот неделник, открива дека Израел е загрижен што еритрејското пристаниште Асаб на брегот на Црвеното Море е претворено во „попатна станица“ на патот по кој оружјето се доставува до исламистичките екстремисти во Газа. Во Еритреја израелското разузнавање се вели дека има две свои „прислушно-набљудувачки“ станици, па дури дека е создадена и воена база. Весникот објавува дека наводно од неа е извршен неодамнешниот напад врз еден конвој со оружје во Судан за кого се тврди дека бил наменат за територијата на Газа.Претседателот на оваа источноафриканска држава Исаија Афеверки чие владеење од 1993 година се опишува како „диктаторско“ не одржува блиски односи со Иран, но има пријателски врски со Израел. Од почетокот на 2008 година, меѓутоа, Еритреја и Иран имаат потпишано спогодби за економска и трговска соработка откако претседателот Афеверки беше во посета на Техеран и се сретна со иранскиот претседател Махмуд Ахмадинеџад. По тоа, Иранците отворија морнаричка база на еритрејскиот брег, од каде го „надгледуваат транспортот на нафтата на Иран“ кон светот.„Сандеј тајмс“ стравува дека Еритреја би можела да биде сцената на која би се случил првиот директен воен судир меѓу Иран и Израел чие разузнавање инфилтрирањето на Техеран во оваа африканска земја го доживува како тежок пораз во моментите кога Иранците настојуваат да се стекнат со поголемо влијание на Блискиот Исток и на подрачјето од Рогот на Африка.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Свет
Крим ја повика Русија да отвори истрага против Зеленски за тероризам
Претседателот на Кримската меѓуетничка мисија Заур Смирнов изјави дека мисијата ја повикала Русија да отвори кривична постапка против украинскиот претседател Володимир Зеленски за тероризам на руски територии.
„Зеленски води и насочува терористички активности против Крим и други руски области кои резултираа со човечки жртви. Оваа активност треба да биде предмет на кривично гонење и истрага. Верувам дека руските истражни органи треба да отворат кривична постапка против Зеленски“, рече Смирнов.
Кримската меѓуетничка мисија се состои од неколку јавни организации, а е основана со цел да се постигне „меѓуетничка хармонија“ на Крим, пренесува ТАСС.
Свет
(Видео) Невидени поплави во Бразил: „Ова е катастрофа, ќе се влошува“
Десет лица загинаа, а 21 се водат за исчезнати по обилните дождови кои предизвикаа бројни поплави и лизгање на земјиштето оваа недела во јужната бразилска држава Рио Гранде до Сул, а локалните власти предупредуваат дека ситуацијата е критична и може да се влоши.
На прес-конференцијата во средата, гувернерот на државата Едуардо Леите рече дека разговарал со претседателот Луис Инасио Лула да Силва барајќи секаква можна федерална помош.
Quem está no Rio Grande do Sul, se proteja. Fiquem em locar seguro. Tomo todos os cuidados possíveis. Por pouco não aconteceu uma tragédia, neste caso. pic.twitter.com/cy2TEwSf2m
— Tumulto BR (@TumultoBR) May 1, 2024
„Поминуваме низ најлошиот момент во Рио Гранде до Сул, најголемата катастрофа во нашата историја. Она што се случува во Рио Гранде до Сул во моментов е апсолутно, незамисливо, крајно сериозно. И за жал, само ќе се влоши“, рече Леите.
O dilúvio no Rio grande do Sul não está poupando nem os porcos! pic.twitter.com/QBsHYpr2GC
— Ney (@neydux17) May 1, 2024
Според гувернерот, невремето предизвикало најголемо уништување во државата во последните години, оставајќи неколку градови изолирани по уривањето на мостовите и уништените патишта.
Maior enchente já registrada na minha cidade no Rio Grande do Sul tive que socorrer os bichinhos da minha cunhada pic.twitter.com/oKefGh7aJA
— henrique Rhoden (@henriqueRhoden3) May 1, 2024
Властите избројаа повеќе од 3.400 раселени лица откако бурите предизвикаа покачување на нивото на реките и поплави во различни делови на земјата, погодувајќи 114 општини.
Во извештајот во вторникот, државната влада предвиде ризик од поплави „практично низ целата држава“ со оглед на изгледите за продолжување на „обилните врнежи“ во наредните денови.
Que coisa triste, meu Deus do céu
Eu espero que todo mundo que esteja fazendo piada com a situação do Rio Grande do Sul veja esse vídeo e repense pic.twitter.com/5E4DGleHSO
— O Bon Vivant MuitoHumilde (@muitohumildee) May 2, 2024
Во извештајот се наведува и дека поплавите ќе бидат сериозни во сливовите на многу реки, а можни се поројни поплави и масовни лизгања на земјиштето во регионите со стрмни падини.
Свет
Хамас веројатно ќе го отфрли последниот предлог за договор за заложници, пишува „Тајмс оф Израел“
Хамас најверојатно ќе го отфрли последниот предлог за договор за заложници, подготвен од посредниците, кој доби зелено светло од Израел, пишува „Тајмс оф Израел“.
Осама Хамдан, функционер на Хамас со седиште во Либан, за телевизијата Ал-Манар, поврзана со Хезболах, изјави дека позицијата на Хамас за сегашниот предлог за преговори е негативна.
Од прес-службата на Хамас подоцна појаснија дека негативната позиција не значи дека преговорите се прекинати.