Адвокатот на контроверзниот богаташ, Џефри Епстејн, кој беше обвинет за педофилија, тврди дека неговиот клиент не се самоубил.

Дејвид Шоен го тври тоа, бидејќи, како што рекол, подготвувал повеќестручна правна и медиумска стратегија во борбата против обвиненијата за злоставување и трговија на девојчиња.

Шоен, кој од Епстејн барал да го води неговиот правен тим во последните денови, рекол дека девет дена пред смртта со Епстејн имал петчасовен разговор за време на кој се договориле за стратегијата.

Шоен рекол дека Епстејн бил „вознемирен и возбуден“ и дека се радувал на тоа што ќе ја тргне „дамката од своето име“. Како што навел, Епстејн бил во опасна ситуација во затворот, бидејќи другите затвореници можеле да го уценуваат поради неговото богатство.

Шоен зборувал во новиот документарец за смртта на Епстејн под името „Кој го уби Џефри Епстејн?“, кој денеска е премиерно претставен, пренесе Спутник.

Во серијата се поставува прашањето дали Епстејн си го одзел сам животот чекајќи го судењето за обвинението за педофилија, како што официјално тврди обдукцијата.

Неговата смрт поттикна низа теории на заговор, бидејќи стражарите наводно не го посетувале цела ноќ, а камерите во близина на неговата ќелија не работеле.

Тајниот судски документ за контроверзниот богаташ се објавени само еден ден пред неговата смрт.

Поранешната висока комесарка на ЕУ и шефица за дипломатија, Федерика Могерини е именувана за ректорка на Колеџ на Европа и на нова должност ќе стапи на 1 септември.

Нејзиното именување го одобри мнозинството членови на советот на Колеџот, а еден бил воздржан, пренесе „Политико“.

Со Советот, кој е највисок извршен орган на Колеџот, претседава поранешниот претседател ма Европскиот совет Херман ван Ромпуј, а Могерини е избрана наспроти противењето на одделни предавачи и претставници на ЕУ, кои сметаат дека таа не е квалификувана за таа работа и дека не ги исполнува критериумите.

Таа е избрана денеска откако беше претставена пред Советот, како единствен кандидат за тоа место и ќе биде првата жена ректор на Колеџот со седиште во Бриж и кампусот во Полска.

Минатите години за избор на ректор се пријавиле 30 кандидати, а условите биле мастер диплома. Дека Могерини е заинтересирана за тоа место се дознало откако Европската комисија на 22 април објавила официјално одобрување на нејзината пријава.

Бројот на починати од коронавирус во Франција денеска се зголеми за 73, на вкупно 28.530. Тоа е сличен раст како и претходниот ден, наспроти тоа што здравствените власти продолжија по четиридневниот прекин да ги сметаат и починатите во старските домови.

Министерството за здравство соопшти дека бројот на починати во болниците се зголемил за 83, односно на 18.195, но е намален бројот на починати за 10 во домовите за стари лица во однос на претходните податоци, така што во нив вкупно починати 10.335, пренесе Ројтерс.

Франција со вкупно 28.530 починати е на четвртото место во светот после САД, Британија и Италија.

Бројот на заболени од коронавирус порасна денеска за 276, на вкупно 145.555, додека бројот на пациенти на одделението на интензивна нега падна на вчерашниот број, кој изнесува 1.609 на 1.555.