Свет
Мистериозна смрт на агентот што ја бомбардираше Србија
Американските приврзаници на теоријата на светскиот заговор деновиве обраќаат големо внимание на едно убиство во зафрлениот округ Лоудоун во државата Вирџинија.Причината за тоа е премолчената улога на убиениот во операциите на Пeнтагон и на CIA и бомбрадирањето на Кинеската амбасада во Белград
Според исказите на соседите кои го пронашле безживотното тело на Вилијам (57-годишен) и неговата претепана сопруга Синтија Бенет (55-годишна) со бејзбол палки, пронајдени на автопатот до градчето Ленсдаун, чудно било што Бенет последните неколку години откако се вселил во куќата речиси и да не излегувал од неа, живеал многу повлечено и претпазливо и многу малку комуницирал со нив. Полицијата за убиството, пак, сомничи некоја од бандите на средноамериканските доселеници, претпоставувајќи дека бруталното убиство е крвава иницијација на нивните нови членови. Претпоставките ги темели на тоа што во тој регион делувале многу улични банди, но досега од нив страдале само хиспаноамериканските имигранти, а не англосаксонските староседелци.Под наслов „Повеќе теории од одговори“, локалниот весник Loudoun Independent вели дека мистеријата ја подгрева и тоа што во истрагат за убиството на Бенет се вклучени и агенти на FBI, што е необично за случај на спорадичнио улично насилство, се зебележува во американските весници. Вилијам Бенет бил пензиониран полковник на американската армија а работел и на стручни анализи за употребата на противракетниот систем Патриот во странство. Работел и за CIA (до 2000 г.) при одредувањето на целите во Србија за време на операциите на НАТО во пролетта 1999 г..На 7-ми април 1999 г., три наведувачки ракети од типот „Патриот“ ја погодија амбасадата на Кина во Белград, по што следеше жестока реакција на Пекинг и насилни протести против САД. Во внатрешната истрага за наводната грешка спроведена од американската администрација прогласен за виновин беше токму Вилијам Бенет.Американските медиуми велат дека иако лесно може да се покаже дека станвуа збро за случајно убиство или злосторство без мотив, над убиството на Бенет сепак секогаш ќе остане сенката на мистериозноста, како впрочем и до причините кои придонесле да се случи катастрофалната погрешна проценка и да се ракетира кинеската амбасада. Тоа ракетирање беше поврзано со тоа што над Војводина претходно беше урнат супермодерниот ткн. невидлив ловец-бомбардер F-117-A, кога пиолотот беше спасен а авионската технологијата уништена за да не дојде во противничкит раце. За ова соборување на американскиот авион беа сомничени руски или кинески воени стручњаци кои тогаш ги имаше во Белград. Треба да се напомене дека меѓу загинатите во кинеската амбасада пријавени како дипломати и новинари, западните служби тврдеа дека повеќето се стручњаци за воено воздухопловство.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Свет
Шефот на НАТО: Кина сака добри односи со Западот и и помага на Русија, не може да ги има и двете
Кина мора да престане да ја поддржува руската војна во Украина ако сака да ужива во добри односи со Западот, изјави денеска генералниот секретар на НАТО Јенс Столтенберг, предупредувајќи го Пекинг со невообичаено остри зборови дека не може да ги има и двете. За време на посетата на Берлин, шефот на западната воена алијанса рече дека помошта на Пекинг е од витално значење за воените напори на Москва бидејќи ја зајакнува воената економија на Русија со споделување на врвна технологија, како што се полупроводниците.
„Минатата година Русија увезе 90 отсто од својата микроелектроника од Кина, која се користи за производство на проектили, тенкови и авиони. Кина исто така работи на Русија да и обезбеди подобрени сателитски способности“, рече Столтенберг. „Кина вели дека сака добри односи со Западот. Во исто време, Пекинг продолжува да го поттикнува најголемиот вооружен конфликт во Европа од Втората светска војна. Не може да ги има и двете“, предупреди тој.
Столтенберг ги предупреди западните сојузници да не станат зависни од Кина како што беа од Русија. „Во минатото направивме грешка што станавме зависни од руската нафта и гас. Не смееме да ја повториме таа грешка со Кина и да зависиме од нејзините пари, суровини и технологии. Зависноста не прави ранливи“, додаде тој.
Кина ги зајакна трговските и воените врски со Русија во последниве години, бидејќи САД и нивните сојузници воведоа санкции и на двете, но особено на Москва, поради нејзината инвазија на Украина. Рускиот претседател Владимир Путин изјави во четвртокот дека планира да отпатува за Кина во мај, но не прецизираше точно кога.
Свет
САД градат привремено пристаниште во близина на Газа за испраќање хуманитарна помош
Соединетите Држави почнаа да градат пристаниште во Газа, соопшти денеска Пентагон, проект кој треба да ја олесни испораката на хуманитарна помош на палестинската територија. Пристаништето треба да профункционира на почетокот на мај.
Во март, претседателот Џо Бајден објави дека американската војска ќе изгради привремено пристаниште на медитеранскиот брег на Газа за да добива хуманитарна помош по море.
Изградбата е дел од напорите да се спречи гладувањето во палестинската енклава, која веќе пет месеци се наоѓа во средината на израелската воена кампања против Хамас, која го опустоши Појас Газа и ги потопи нејзините 2,3 милиони луѓе во хуманитарна катастрофа.
„Можам да потврдам дека американските воени бродови, вклучително и УСНС Бенавидез, почнаа да градат привремено пристаниште…“ изјави за новинарите портпаролот на Пентагон, Патрик Рајдер.
ОН предупредија дека Газа е во опасност од глад и се пожалија на „огромни пречки“ при добивањето помош и нејзино дистрибуирање низ енклавата.
Агенциите за помош и администрацијата на Бајден го молеа Израел да ја олесни испораката на помош во Газа и да им дозволи на нивните конвои безбедно поминување на територијата.
Рајдер рече дека Пентагон следи некој вид минофрлачки напад во Газа што предизвика минимална штета во близина на областа каде што се гради пристаништето, но додаде дека американските сили сè уште не почнале да преместуваат ништо во областа и дека нема американски сили на теренот.
Свет
(Видео) Големи поплави во Танзанија, загинаа 155 луѓе
Во поплавите во Танзанија загинаа 155 луѓе, а најмалку 236 се повредени, изјави денеска премиерот Касим Мајалива. Во поплавите оштетени се повеќе од 10.000 куќи.
Премиерот додаде дека обилните дождови предизвикани од Ел Нино и придружени со силен ветер доведоа до поплави и лизгање на земјиштето во различни делови на земјата.
„Многу луѓе загинаа. Имаше штета на посевите, куќите, инфраструктурата како патишта, мостови и железници“, рече Мајалива.
Поплави ја погодија и Кенија, која се граничи со Танзанија на истокот на Африка, при што загинаа повеќе од 30 луѓе, пишува Си-ен-ен.
Во Кенија врне силен дожд од средината на март, а врнежите се интензивираа минатата недела. Кенискиот Црвен крст изврши повеќе од 188 спасувачки операции од март. Властите вчера затворија некои патишта во главниот град на Кенија, а неколку населби беа поплавени.