Свет
Нетанјаху во посета на Египет

Израелскиот премиер Бенјамин Нетанјаху ќе престојува денеска во Египет каде ќе се обиде да оформи коалиција против Иран и да размени идеи за блискоисточниот мировен процес.
За време на првата посета на некоја арапска држава откако дојде на чело на израелската влада, Нетанјаху ќе се обиде да пронајде заеднички ставови со египетските лидери непосредно пред клучното патување во Вашингтон што треба да се реализира кон крајот на овој месец.Одлуката на Нетанјаху да се состане со египетскиот претседател Хосни Мубарак пред состанокот со претседателот на САД; Барак Обама го потврдува неговото уверување дека е време да се „интензивира координацијата и соработката на Израел со арапските држави кои што веруваат во мир“, изјави претставник од кабинетот на Нетанјаху.„Наша заедничка цел е желбата да се зајакне регионалната стабилност и да се напредува во блискоисточниот мировен процес“, изјави претставникот кој побара да остане анонимен. „Нашите заеднички закани се Иран и неговите регионални приврзаници, Хезболах во Либан и Хамас во Газа“, додаде истиот извор.Египет претходно побара од израелскиот лидер да ја прифати идејата за палестинска држава која што има поддршка од меѓународната заедница.Стапувањето на Нетанјаху на чело на израелскиот кабинет лошо е прифатено во арапскиот свет поради неговиот „тврд“ став кон идејата Израел да ги препушти териториите освоени во блискоисточните војни, како и одбивањето да ја поддржи државата на Палестинците.Нетанјаху, од друга страна се надева дека ќе ги промени приоритети во регионот насочувајќи се на Иран како на главна закана за стабилноста на Блискиот истокЈорданскиот кралот Абдула II за лондонски Тајмс изјави дека администрацијата на претседателот Барак Обама притиска на сеопфатен мировен договор што треба да го реши израелско-палестинскиот конфликт, како и територијалните спорови на еврејската држава со Сирија и ЛибанНеуспехот да се постигне договор на овој критичен јазол ќе го одведе светот во нова блискоисточна војна следната година, предупреди кралот
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Регион
(Видео) На детско игралиште во Белград убиен маж

Едно лице беше убиено синоќа во пукотница на булеварот „Вудро Вилсон“ во Белград на вода, објави РТС.
Докторката Виолета Николиќ од Одделот за итни случаи потврди за РТС дека 35-годишен маж бил застрелан синоќа во 23:13 часот.
„Нашиот тим можеше само да заклучи дека 35-годишниот маж е мртов“, рече д-р Николиќ.
На социјалните мрежи се објавени снимки на кои се гледа телото на убиениот маж на детско игралиште и апсењето на друго лице.
фото: принтскрин
Европа
Започнува судењето на бездомничката од Алжир која ја силувала и убила 12-годишната Лола во Париз

Денес започнува судењето на жена обвинета за злоупотреба, мачење и на крајот убиство на 12-годишната Лола Давиет, во случај што ја шокираше Франција пред три години и предизвика политичка реакција, објавува „Гардијан“. Телото на несреќното девојче е пронајдено спакувано во пластичен ковчег фрлен на улица во близина на нејзиниот дом во Париз.
Дабија Бенкиред (27) е обвинета за тешко убиство на малолетник, тешко силување и мачење и варварски дела. Случајот предизвика длабок ужас во француската јавност. Лола Давиет се враќала од училиште во петок, 14 октомври 2022 година.
Таа пристигнала во својот дом во 19-тиот арондисман во Париз, каде што нејзините родители работеле, веднаш по 15 часот. Снимките од безбедносните камери ја снимиле како се среќава со Бенкиред, тогаш бездомничка која престојувала во станот на нејзината сестра во истата зграда.
Кога Лола не се појавила дома, нејзините родители кренале тревога. Час и половина подоцна, камерите ја фатиле Бенкиред во лобито на зградата опкружена со неколку ковчези, вклучувајќи го и оној во кој подоцна било пронајдено телото на девојчето.
Случајот брзо доби политичка димензија кога беше откриено дека Бенкиред, која е родена во Алжир, имала наредба за депортација издадена два месеци пред убиството. Крајнодесничарската партија Национален собир на Марин Ле Пен ги искористила овие информации за сопствена политичка промоција, објавува „Гардијан“.
За време на истрагата, Бенкиред даде збунувачки изјави, но по серија психијатриски и психолошки прегледи, таа беше прогласена за способна да се соочи со судење. Последните три години ги помина во притвор во затворот Фресне, јужно од Париз.
Според францускиот закон, секој чин на сексуална пенетрација извршен со сила, принуда, закана или изненадување се смета за силување. Доколку биде осудена, Бенкиред се соочува со доживотен затвор. Се очекува судењето да трае до следниот петок, кога се очекува пресудата.
фото: принтскрин
Европа
Орбан: Денес ќе разговарам со Путин

Унгарскиот премиер Виктор Орбан објави дека планира утрово да разговара телефонски со рускиот претседател Владимир Путин за претстојната средба на Путин со американскиот претседател Доналд Трамп во Будимпешта, што Трамп ја објави вчера по телефонскиот разговор со рускиот претседател.
Орбан, исто така, рече дека разговарал со Трамп синоќа.
„Разговарав со американскиот претседател синоќа по телефон. И утрово ќе разговарам со претседателот Путин“, рече унгарскиот премиер на радио „Кошут“.
Орбан, исто така, објави дека средбата меѓу Трамп и Путин во Будимпешта би можела да се одржи за околу две недели.
„Вчера претседателот (Трамп) ни рече да се подготвиме; средбата на двајцата министри за надворешни работи е на дневен ред… Тие (Трамп и Путин) одлучија двајцата министри за надворешни работи да се обидат да ги решат преостанатите прашања во рок од една недела, а потоа, една недела подоцна, ќе можат да дојдат тука во Будимпешта“, рече Орбан на радиото.
фото: принтскрин