Свет
САД преку Бајден се враќаат во југоисточна Европа

Посетата на американскиот потпретседател Бајден на Сараево, Белград и Приштина следната седмица, според Белата куќа е порака на новата американска администрација дека повторно ќе се ангажира во југоисточна Европа, со цел да ги забрза нивните евроатлантски интеграции
„Факт е дека потпретседателот Џо Бајден и претседателот Барак Обама решија тој да го посети Балканот, е доказ за желбите на администрацијата да покаже дека се вративме во регионот, и дека Балканот во голема мерка е вашнито дел од нашата програма“, било речено на брифинг во Белата куќа пред посетата на Бајден на Босна и Херцеговина, Србија и Косово.Администрацијата на претседателот Обама дава уверувања дека се грижи за тоа што САД и европските сојузници вложиле на Балканот во текот на ’90-ите за надминување на етничкото чистење, насилствата о поделбите во регионот. Патувањето на Бајден, според нив, значи дека САД се многу заинтересирани да го поддржат напредувањето на трите држави кон нивната евро-атлантска иднина. Според програмата за посетата на Бајден, која детално не е обајвена, најверојатно Бајден ќе пристигне во Сараево во вторник, каде ќе се сретне со тричленото претседателство и со претставници на владата на БиХ. Предвиден е и негов говор во параламентот на федерацијата. Бајден ќе се сретне и со премиерот на српскиот ентитет, Милорад Додик и Харис Силајџиќ. Во негова придружба ќе бидат и високиот претставник за надворешна политика и безбедност на Европската Унија, Хавиер Солана, како и високиот претставник на межународната заедница за БиХ, Валентин Инжков.Во Белград, Бајден ќе допатува во среда и таму ќе се сретне со српскиот претседател Борис Тадиќ, со премиерот и министри и со началникот на српскиот Генералштаб.И според американските и според српските аналитичари, посетата на американскиот потпретседател на Србија е можност за поправање на односите меѓу двете држави. Или, како што било наведено на брифингот „… се надеваме на ’ресетирање’ на односите со Србија, и тоа е можност јасно да покажеме дека сакаме многу позитивна иднина за Србија во евроатлантската заедница, како водечка во регионот“.Во четврток, пак, Бајден ќе престојува во Приштина каде ќе разговара со највисоките носители на државните функции, а ќе ја посети и американската база Бондстил. Бајден ќе одржи и говор во косовското собрание, во кој, како што е најавено, ќе ја истакне американската поддршка за единствено, независно и мултиетничко Косово. Тема на разговорите со косовските политичари ќе бидат и малцинските права, подоброто управување до државните институции, јакнење на стопанството и подобрување на односите со некои европски држави. Џо Бајден во девеесетите повеќепати престојуваше во овој дел од Европа како претседател на Одборот за надворешна политика на американскиот Сенат и е еден од позаслужните што беше симнато ембаргото за купување оружје за Босна и Херцеговина и за воздушните напади врз босанските Срби. Исто така, во медиумите од регионот се нагласува и неговата голема активност во 1998/99 за преземањето на интервенцијата на НАТО на Косово и 11-седмичното бомбардирање на Србија.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Свет
Родено „најстарото бебе“ во светот

„Најстарото бебе“ во светот е родено од ембрион замрзнат пред повеќе од три децении. Тадеус Даниел Пирс е роден на 26 јули.
Линдзи и Тим Пирс од Охајо посвоија ембрион замрзнат во 1994 година минатата година. „Не влеговме во тоа мислејќи дека ќе срушиме никакви рекорди. Само сакавме да имаме бебе“, изјави Линдзи за MIT Technology Review.
Претходниот рекорд за најстаро бебе го држеа близнаци родени во Орегон во 2022 година, кои се родени од ембриони замрзнати 30 години претходно.
Ембрионот на Тадеус првично беше создаден за време на ин витро фертилизација (ИВФ) за Линда Арчерд и нејзиниот тогашен сопруг. Процесот резултираше со создавање на четири ембриони. Еден беше имплантиран во матката на Линда и резултираше со раѓање на ќерка, која сега има 30 години и самата е мајка на 10-годишна ќерка.
Останатите три ембриони беа зачувани. Проценките сугерираат дека милиони, можеби десетици милиони ембриони се замрзнати низ целиот свет како резултат на вишокот третмани со ин витро фертилизација, кои произведуваат многу повеќе ембриони отколку што може да се имплантираат.
По разводот од својот сопруг, на Линда ѝ беше доделено старателство над ембрионите. Години подоцна, таа дозна за посвојувањето на ембриони, форма на донација што обично ја организираат христијанските агенции во САД, и се согласи да ги предаде.
Ембрионите беа доделени на програма за ембриони кои „тешко се имплантираат“, обично затоа што долго време биле складирани или се смета дека е помалку веројатно да резултираат со здраво раѓање од други причини. Линдзи и Тим Пирс аплицираа за истата програма. Тие се обидуваа да имаат дете седум години пред тоа.
„Беше тешко раѓање, но сега двајцата сме добро“, рече Линдзи. Клиниката за плодност каде што беше имплантиран ембрионот ја води Џон Гордон, репродуктивен ендокринолог кој работи на намалување на бројот на ембриони во складирање.
„Имаме одредени принципи, а тие произлегуваат од нашата вера. Секој ембрион заслужува шанса за живот, а единствениот ембрион што не може да резултира со здраво бебе е ембрион на кој не му е дадена шанса да биде префрлен кај пациент“, рече Гордон.
Првото успешно раѓање со ин витро фертилизација се случи во 1978 година, кога Луиз Браун е родена во Велика Британија. Тој настан означи пробив во репродуктивната медицина и го отвори патот за милиони раѓања низ целиот свет со користење на оваа техника.
Фото: принтскрин
Регион
(Видео) Од топлотен бран до бури: силно невреме во Солун и на Халкидик

Силното невреме што го погоди Солун во четвртокот наутро предизвика проблеми кај населението.
Обилните дождови ги претворија главните патишта во реки, а локалните извештаи покажуваат дека шахтите пукнале под притисокот на водата, објавува „Товима“.
Πλημμύρισε το κέντρο της Θεσσαλονίκης και οι δρόμοι γύρω από το Βαρδάρη#tanea #taneagr #news #rain #βροχη #kairos #καιρος #weather #thessaloniki #skg #viral #summer #fyp pic.twitter.com/eYTi1EDe7y
— TA NEA (@ta_nea) July 31, 2025
Мотоциклист е повреден кога изгубил контрола на лизгава улица во центарот на градот, поточно на прометната авенија Цимиски.
Според анализите на феноменот преку страницата Weather Analysis на „Фејсбук“, за помалку од еден час се забележани 37 литри дожд на квадратен метар, количина што одговара на просечните вкупни врнежи од дожд за цел јули, пренесува медиумот.
Службите за цивилна заштита се во состојба на готовност бидејќи слични временски услови се очекуваат и во наредните денови според прогнозите, објавува grtimes.gr.
Обилни врнежи од дожд се регистрирани во Солун, на Халкидик и во Кукуш, како и на планинските делови во Епир, Тесалија, Спорадиските Острови и во некои делови од Тракија.
Фото: принтскрин
Свет
Иран: САД мора да ни ја надоместат штетата

САД мора да ја надоместат штетата предизвикана на Иран за време на минатомесечната војна, објави „Фајненшл тајмс“ цитирајќи го министерот за надворешни работи на Иран откога Техеран зазеде построг став и постави нови услови за продолжување на нуклеарните разговори со администрацијата на американскиот претседател, Доналд Трамп.
„Тие треба да објаснат зошто нè нападнаа во средината на преговорите и мора да се осигури дека нема да го сторат тоа повторно (во идните разговори). И мора да ја поправат штетата што ја предизвикаа“, изјави иранскиот министер за надворешни работи, Абас Арагчи, за „Фајненшл тајмс“ во интервју во Техеран.
„Фајненшл тајмс“ објави дека Арагчи и специјалниот американски пратеник Стив Виткоф размениле пораки за време и по војната, при што иранскиот функционер му ја нагласил на својот американски колега потребата од заемно корисно решение за да се стави крај на долготрајниот застој во врска со нуклеарната програма на Иран.
Главниот нуклеарен преговарач на Иран рече дека на Иран му се потребни вистински мерки за градење доверба од своја страна откога Виткоф предложи продолжување на разговорите. Тој рече дека ова треба да вклучува финансиска компензација, без да даде детали, како и гаранции дека Иран нема повторно да биде нападнат за време на разговорите, според „Фајненшл тајмс“.
Соединетите Американски Држави ги нападнаа иранските нуклеарни објекти во јуни за кои Вашингтон вели дека се дел од програмата за нуклеарно оружје. Техеран вели дека неговата нуклеарна програма е само за цивилни цели.
Фото: принтскрин