Две лица загинале во протестите на север од Индија, како реакција на вчерашниот напад врз храм на сиките во Виена и загинувањето на еден свештеник

Од пладнево избувнаа протести откако вчера во Виена беа повредени 30-ина лица, а гуруто Сант Рама Нанд претпладнево почина од здобиените повреди при нападот на светилиштето при судирот на двете ривалски заедници. Жртвите на нередите во северната индиска држава Пенџаб ги изгубиле во два одвоени инцидента, јавуваат светските агенции. Едната загинала од истрели од огнено оружје во градот Џаланхару, а другата во блиското село Лабра, а притоа биел тешко повредени други 12-мина.Протестирајќи против убиството на својот гуру, претставника на пониските касти, многу сики протестирале во поголемите градови на Пенџаб, а до најголеми немири дошло во Џаландаху, центарот на сектата на сиките именуван Дара Саш Кхнада која ја сочунуваат т.н. „недопирливи“. Судирите биел жестоки и не биле спречени ниту со прогласување полициски час. Низ Пенџаб биле каменувани возови и автобуси, блокирани железничките линии и патиштата, а во светиот град Амриштар биле запалени десетици автобуси.Индиската полиција употребува солзавец и огнено оружје во растерувањето на разјарената толпа, па се претпоставува дека загинатите се жртви на истрели на полицајци, што дополнително може да ги разгоре безредијата. Премиерот Манмохан Сингх кој и самиот и’ припаѓа на религиозната заедница на сиките, изјавил дека е многу загрижен со нападите врз гуруата во Виена и апелирал да се смират страстите. „Без оглед на провокацијата, важно е да се одржи мирот и хармонијата меѓу различните заедници“, изјавил за индиските медиуми Сингх.Гуруто Нанд инаку претставник на сиките од кастата на „недопирливите“, односно на најниската каста, им подлегна на раните здобиени откако при неговото обраќање во светилиштето во Виена беше нападнат со ножеви и пиштоли кога се судрија две спротиставени заедници на сиките. Во Виена покрај 16-те лица, тешко е повреден и уште еден гуру, Сант Нирњан Дас. Се претпоставува дека до судирите дошло поради несогласување околу улогите на кастите во религијата на сиките. Во светот има 25 милиони сики кои претежно живеат во северна Индија, а во Австрија нивната заедница брои речиси три илјади припадници. Австриската полиција во понеделникот соопшти дека уапсила шест лица за планирање на нападот.