Најголемиот светски производител на вакцини склучи договор со САД за почнување на производството на вакцина за свинскиот грип. Во Мексико се прави статуа на момченцето кај кое беше прво регистриран новиот тип грип

Соединетите Држави и фармацевтската компанија Sanofi Pasteur потпишале договор вреден 190 милиони долари за производство на вакцина за грипот од типот (AH1N1).Во мексиканскиот градот Веракруз се довршува бронзена статуа на момченцето кај кое беше прво потврден новиот тип вирус на свинскиот грип. Четиригодишниот Едгар Хернандез лекарите го лечеле само со антибиотик и тој набрзо беше излечен. Статуата ќе биде поставена во селото Ла Глориа каде се наоѓа свињарската фарма на најголемата американска компанија за производство на свинско месо Smithfield Foods, поточно нејзината мексиканска филијала Granjas Cаrroll. Научниците се’ уште се убедуваат да утврдат дали епидемијата почнала токму од оваа фарма, но иако уште пред речиси цел месец земаа примероци на крв од луѓето и животните на фармата, се’ уште нема објавени резултати. Од друга страна, пак, најпогодената држава со епидемијата од новиот грип Мексико ја почна кампањата за привлекување на туристите кои се’ поретко се одлучуваат за оваа до минатата година привлечна дестинација. Во таа насока тамошните власти покренаа кампања од 90 милиони долари за враќање ан туристите во која се појавуваат славниот оперски пејач Пласидо Доминго и други мексикански ѕвезди.