Потрагата по исчзнатиот „Ербас А 330-200“ е без конректни резултати. Откако беше утврдено дека дрвената палета, парчињата метал и мрсната дамка во морето не потекнуваат од авионот, се размислува за вклучување на нуклеарна подморница

Последните информации од потрагата по исчезнатиот авион со 228 патници и членови на екипажот се дека од воздух биле забележани седишта и парче метал долго околу седум метри. На досега ангажираните три брода на бразилската воена морнарица и толку француски, меѓу кои и истражувачки опремен со мини подморници, како и воздушното набљудување на морската површина, најверојатно ќе им се приклучи и една француска подморница на нуклеарен погон за испитување на поголемите далбочини во трката со времето за пронаоѓање на „црните кутии“. Тие имено уште 24 денови ќе емитуваат сигнал кој може да се регистрира на оддалеченост од 1.800 метри, а водите во кои се потонати се длабоки и преку шест километри со силни подводни морски струи. Нивното наоѓање би ја расветлило мистеријата што точно се случувало со авионот и во неговата кабина, затоа што тие ги бележат и летот и разговорот меѓу екипажот. Во меѓувреме во стручата светска јавност од доменот на воздухопловството се јавуваат повеќе теории за причините за урривањето на авионот. По читањето на автоматските пораки во последните четири минути од летот во седиштетот на „Ербас“, дојдено е до заклучок дека тие се контрадикторни, односно од првата дека е исклучен автоматскиот пилот па до последната дека кабината паѓа водорамно.Бразилските власти и натаму тврдат дека се забележани седишта и делови од авионот, како и керозин во морето, но бродовите кои биле наведувани од воздух заради невремето во петокот не можеле да дојдат до нив. Исто така и францускиот министер за сообраќај Доминик Бусеро изјавил дека ниту француската истрага не успеала да најде остатоци од авионот. Во Франција инаку, државното обвинителство отворило истрага за убиства, што е вообичаена мерка кога се работи за смрт на француски државјани во странство.