Врховниот ирански лидер ајатолахот Хамнеи наредил да се почне со истрага по тврдењата дека претседателските избори од петокот биле фалсификувани. Досега Хамнеи ја повикуаше нацијата да го признае изборниoт резултат нарекувајќи го „божја волја“

Ајатолахот Али Хамнеи, неприкосновен лидер во Иран, му наредил на Советот на чуварите на уставот да ги проверат обвиненијата од реформистичкиот претседателски кандидат Мирхосеин Мусави дека на гласањето во петокот било лажирано во полза на старо-новиот ирански претседател Махмуд Ахмадинеџад.Иранската влада, пак, веќе го прогласи Ахамдинеџад за регуларен победник на изборите, па со големо влијание се следи каква ќе биде реакцијата на наредбата на врховниот ирански лидер и на моќниот Совет на чуварите на уставот.Иранскиот министер за внатрешни работи Садек Махсули потврди дека Ахамдинеџад е реизбран за претседател со 62,6 отсто од гласовите, пред Мусави за кого гласале 33,7 проценти од излезените гласачи. Притоа, се споменува дека излезноста на иранските избирачи била 85 отсто, што за Мусави и неговите следбеници е спорно.Во неделата не се појави ниту весникот што го финансираше Мусави, а уредникот за дописниците на западните медиуми изјавил дека новинарите избегале од просториите заради страв од одмазда на полицијата. Претходно овој весник на своето електронско издание имаше лиферувана информација дека на 10 милиони гласачки листови недостигал личниот број на гласачот.Тоа предизвика жестоки реакции и демонстрации на приврзаниците на Мусави, а странските медиуми останаа отсечени од нивните дописници од Техеран. На повеќето од западните новинари им беше наложено да го напуштат Иран, а дописништвото на Al Arabija беше затворено со образложение дека тоа е за период од една седмица.На запад се смета дека превратот на одлуката на ајатолахот Хамнеи доаѓа заради жестината на судирите меѓу демонстрантите и полицијата, но и со приврзаниците на Ахмадинеџад. Во саботата Corriere della Sera повикувајќи се на Аl Arabia извести дека имало и три жртви на овие судири.Сепак, можеби и не треба да се очекува овој потег на Хамени да измени многу нешта. Попрво би можело да се каже дека е тоа потег кој треба да ги смири страстите меѓу самите Иранци,особеноимајќи ги претходните изјави на ајатолахот. Имено Али Хамнеи и’ се обрати преку телевизијата на нацијата да ја почитува победата на претседателот Ахмадинеџад. Тој предупредил дека самиот Мусави и неговите следбеници се однесуваат многу провокациски. Ајатолахот претходно го поздрави повторниот избор на претседателот Ахмадинеџад, иако изјави дека нема да открие за кого гласал. Но пред изборите, се знаеше дека тој премолчно го поддржува Ахамдинеџад. Големито одзив на гласачите за Хамнеи значи дека тоа бил вистински празник која го гарантира напредокот на Иран и неговата безбедност.Инаку ова се најмасовните протести во Техеран по исламската револуција во 1979 г. Демонстрантите носеа транспаренти со натписи „Смрт за диктаторот“, „Што се случи со изборите?“, „Ние исто така сме Иранци“, „Мусави е нашиот претседател“…

Во Иран продолжуваат протестите против Ахмадинеџад Протестите во Техеран продолжија, тројца мртвиНемири во Иран по победата на Ахмадинеџад Махмуд Ахмадинеџад реизбран за претседател на ИранМоже ли Ахмадинеџад да ги изгуби изборите од Иранките?