Свет
Во бомбашки напад на шиитски пазар убиени 56 лица
Бомба сокриена во двоколка со зеленчук убила најмалку 56 луѓе во багдадскиот дистрикт Садр Сити, само еден ден откако американската војска ја затвори базата во овој дел населен со шиити
Американската армија во Ирак вели дека ова е трет напад според жртвите годинава со кој се продолжува серијата самоубиствени напади од оваа седмица. Нападите зачестија како што се наближува 30 јуни, денот до кој треба да заврши нејзиното повлекување од базите во градовите со што почнува нејзиното целосно повлекување од државата кое завршува во 2011 г. Нападот се случил попладнево по срдноевропско време, кога повеќето луѓе пазарат за вечера. Експлозивот бил ставен во рачна количка со мотор, а шрапнелите се разлетувале и до километар, изјавил анонимен извор од багдадската полиција. Полициски и болнички извори соопштиле дека биле примени околу стотина повредени лица, но овие податоци не се потврдени. Инаку, како дел од американското повлекување, американската команда на 20 јуни почна со предавањето на контролата врз клучната база на перифериајта од Садр Сити.Пред четири дена но северноирачкиот град Киркук, претежно населен со шиитско население, во самоубиствен напад загинаа 82 лица, што е најголем напад годинава во Ирак, а во точно пред два месеца, жена бомбаш-самоубиец пред шиитско светилиште во Багдад разнесе 71 човек.Шиитите се’ почесто се на мета на сунитските бунтовниви и исламистички терористи кои соработуваат со Ал Каеда.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Свет
Почина бебето кое беше извадено од утробата на мртвата мајка во Газа
Почина бебето кое во неделата со царски рез во Газа беше спасено од утробата на мртвата мајка, пишува Би-Би-Си.
Бебето е родено по итен царски рез извршен врз трудница која била убиена во израелски напад врз градот Рафа во Газа.
Освен мајката на Сабрин Ал Сакани, меѓу загинатите се и таткото на новороденото девојче и нејзината тригодишна сестра Малак.
Бебето при раѓањето тежело 1,4 килограми, а се родило во триесеттата недела од бременоста на мајката. Веднаш по царскиот рез беше сместено во инкубатор во болницата во Рафа заедно со уште едно бебе.
Но, девојчето после неколку дена почнало да има сериозни здравствени проблеми. Лекарите го реанимирале, но сепак починало вчера.
16 деца биле убиени за време на два воздушни напади на Рафа минатиот викенд, при бомбардирање на комплекс од станбени згради.
Израелските одбранбени сили (ИДФ) соопштија дека цел биле борците и инфраструктурата на Хамас и воените комплекси.
Свет
Британските разузнавачи: Русите се’ побрзо напредуваат во Украина
По заземањето на источноукраинскиот град Авдијевка, руските трупи напредуваат побрзо во областа, објави денеска британското Министерство за одбрана во своето секојдневно известување.
„Руските копнени сили навлегоа и создадоа тесен коридор на украинска територија со цел да влезат во градот Очеретин, приближно 15 километри северно од центарот на Авдијивка“, пишува на профилот на Министерството за одбрана.
Оцеретин во областа Доњецк имал околу 3.500 жители пред почетокот на војната.
И по заземањето на Авдијивка во средината на февруари, Русите се уште сметаат дека освојувањето на таа област е една од клучните операции, оценува британското Министерство за одбрана.
„Иако претрпуваат големи загуби, многу е веројатно дека руските копнени сили се во позиција континуирано да ги гаѓаат украинските позиции во областа и дека презеле контрола врз неколку помали населби“, додаваат тие.
Украина се брани од руската инвазија повеќе од две години. Британското Министерство за одбрана редовно објавува информации за напредокот на војната. Москва го обвинува Лондон за ширење дезинформации.
Европа
16-годишно момче избодено во училиште во Германија
16-годишно момче е тешко повредено кога утрово околу 8 часот било избодено од тинејџер (17) во училиште во Нојкирхен-Влуин.
На нападот наводно му претходела вербална расправија.
Постариот ученик наеднаш извадил нож и го ранил 16-годишникот во горниот дел од телото.
Момчето итно било пренесено во болница, а лекарите велат дека неговата состојба е стабилна.
По прободувањето напаѓачот побегнал од училиштето, но полицијата брзо го лоцирала и го уапсила.
Според инспекторот, немало опасност по безбедноста на другите деца во училиштето.