Свет
Русија го зема нигерискиот гас

Најголемата бунтовничка група во јужна Нигерија, Движење за еманципација на делтата на Нигер (MEND), издаде соопштение дека во четврток го нападнала нафтоводот на англиско-холандската компанија Ројал Дач Шел. Повод бил посетата на рускиот претседател
Бунтовниците соопштуваат дека со вој напад сакаат да го одбележат доаѓањето на рускиот претседател Дмитриј Медведев кој во средата навечер во Абиџа најави дека неговата држава е подготвена да вложи милијарди долари во нафтениот и гасниот сектор на Нигерија. Рускиот енергетски гигант „Газпром“ чии претставници беа во делегацијата предводена од Медведев, потпиша договор за соработка со Нигериската национална нафтена компанија, со кој е предвидено да добие пристап до резервите на нигерискиот гас. Инаку, овие резерви се проценети дека се меѓу најголемите на светот.Нигерискиот претседател Јар’Адуа Умару по средбата со Меведев изјавил дека договорот меѓу двете држави овозможува остварување на големи енергетски проекти меѓу кои е и грандиозниот транс-сахарски гасовод о кој неигерсискито гас би требало да се извезува во Европа. MEND честопати за високи откупи ги киднапира странските работници кои во делтата на реката Нигер, исто така, организира и големи кражби на нафта од нафтоводот или од цистерни. Од 7-ми јуни објави отворена војна за нафтата, како што соопшти – во името на сиромашното население за кое вели дека е безобѕирно експлоатирано од странските компании. Се проценува дека организација има 20 илјади борци на кои нигериската власт им понуди амнестија.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Свет
Неколкумина загинаа откако патнички воз излета од шините во југозападна Германија

Неколку лица загинаа, а многу други се повредени откако патнички воз излета од шините во југозападна Германија, јави ДПА, повикувајќи се на безбедносни извори.
Спасувачките тимови се на местото на настанот и го пребаруваат возот и околината во потрага по патници.
Свет
Тројца мажи завршија во болница поради топлотен удар во Кипар

Тројца мажи се хоспитализирани денеска во Лимасол и Никозија во Кипар поради топлотен удар, при што еден од нив е во критична состојба.
Во исто време, двајца постари мажи, на возраст од 78 и 89 години, се хоспитализирани во Никозија во сериозна, но стабилна состојба. Уште еден 88-годишен пациент бил примен со симптоми на топлинска исцрпеност и е надвор од животна опасност.
Се апелира населението, особено до ранливите категории, да избегнуваат директна изложеност на сонце, да бидат внимателни и да внесуваат доволно течности, поради екстремно високите температури што зафатија делови од островот.
Свет
Фон дер Лајен се сретна со Трамп во обид да се договорат околу царините

Претседателката на Европската комисија, Урсула фон дер Лајен попладнево во шкотското место Трнбери ќе се сретне со американскиот претседател Доналд Трамп, во обид да биде постигнат трговски договор во пресрет на истекот на крајниот рок – 1 август за воведување на царини од 30 отсто за извозот на европски производи во САД.
Најавувајќи ја средбата во објава на Икс, Фон дер Лајен наведе дека со Трамп ќе „разговараат за трансатлантските трговски односи и за тоа како тие може да се одржат силни“.
Американската администрација веќе воведе царина од 50 отсто за увозот на челик и алуминиум од ЕУ, од 25 проценти за автомобили и автомобилски делови, како и основен данок од 10 отсто за поголемиот дел европски производи, со кои е опфатен околу 70 проценти од вкупниот извоз на Унијата во САД.
Средбата се одржува во услови на зголемени надежи во ЕУ дека Европската комисија би можела да постигне договор со Вашингтон по примерот на оној постигнат претходно неделава меѓу САД и Јапонија за просечна царина од 15 отсто на извозот на јапонски стоки на американскиот пазар.
ЕУ се надева дека, исто така, ќе постигне договор со САД за царинска стапка од 15 проценти, која би ја вклучувала и просечната царина од 4,8 отсто што ја плаќаат европските извозници на американскиот пазар уште од пред враќањето на Трамп во Белата куќа во јануари годинава.
Средбата доаѓа откако во четвртокот Европската комисија усвои пакет контрамерки на увозот на американски стоки во ЕУ, како одговор на најавената царина од САД од 30 отсто.
Портпаролот на ЕК за економска безбедност, трговија и царини Олоф Гил во четвртокот изјави дека фокусот на ЕУ е на постигнување на договор со САД за царините, а доколку тоа не се случи усвоените контрамерки ќе стапат во сила на 7 август.