Свет
Напад врз шиитите во Ирак
Загинале тројца американски војници при напад на воена база до градот Басра, јужен Ирак, а во други делови од земјата страда и цивилното население
Покрај информацијата за загинатите војници, агенциите јавуваат и за други насилства врз цивилното население. Имено, две цивилни лица загинале при експлозија на бомба во Багдад, откако стотина илјади аџии се собрале да ја одбележат смртта на почитувана шиитска религиозна личност. Исто така во Кармах, 80 километри западно од престолнината, ќерка и внука на полициски офицер загинале при бомбардирање на неговата куќа.Asocciated Press оценува дека безбедносната ситуација во Ирак била драматично подобрена во последниве две години, иако милитантите се’ уште извршуваат смртоносни напади на регуларните воени бази.„Тројца мулти-национални војници од јужната дивизија се убиени кога операционата база на Контингентот беше нападната со индиректен оган“, изјавиле од американската војска.Британија ги завршила воените операции откако ги повлекла трупите. Британските бази околу градот и аеродромот некогаш биле скоро константно заплиснати со огнен бран од страна на шиитските милитанти, за кои се сметало дека се организирани и тренирани од Иран. Иран пак, ги одбива обвинувањата дека имал некаква врска со шиитските екстремисти. Минатата година, ирачките сили со поддршка од САД, ги истерале шиитските милитанти од нивните утврдувања во Басра. Денешниот напад индицира дека овие милитанти доживуваат оживување.Во Кармах, рано утринава две бомби експлодирале во близина на куќата од полицискиот капетан Бахјат Кавам. Бомбите биле поствени под неговиот автомобил, паркиран пред портите од неговата куќа. Во нападот загинале неговата 12-годишна ќерка и неговата 4-годишна внука. Кавам, вработен во полициската станица во Кармах и уште шест членови на фамилијата биле повредени.Во Багдад, бомба поставена под мост погубила двајца сопружници кои биле меѓу стотината илјади шиитски аџии, во турканиците до светилиштето, каде што требало да се погреба Имам Муса ал-Казим, респектиран шиитски имам. Бомбата била планирана за уривање на мостот во источен Багдад. Други дванаесет лица биле повредени, согласно извештаите на полицијата и медицинските лица, а во вчерашниот напад на минибусот со кој се превезувале аџиите, повредени биле 18 лица.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Свет
Бакингемската палата ја објави здравствената состојба на кралот Чарлс: познато кога ќе се врати на должностите
Кралот Чарлс ќе продолжи со јавните ангажмани следната недела откако е постигнат охрабрувачки напредок во лекувањето на ракот, објави Бакингемската палата.
За кралот тоа нема да биде целосно враќање на официјалните ангажмани, но палатата испраќа позитивни сигнали, јавува Би-Би-Си.
Следниот вторник кралот ќе започне со симболично патување во центар за лекување рак, пренесува медиумот.
Неговите летни планови вклучуваат државна посета, каде што ќе биде домаќин на императорот и царицата на Јапонија.
Во наредните недели, соопштија од палатата, тој ќе преземе неколку надворешни ангажмани.
Свет
Стари книги обложени со отров отстранети од Француската национална библиотека
Властите отстранија четири книги од Француската национална библиотека поради можноста нивните корици да содржат отровен арсен. Имено, некои книги од 19 век, печатени во Британија, имаат смарагдно зелени корици. Арсенот често се користел за боење книги во тоа време.
Научниците од Универзитетот во Делавер во САД ги класифицираа отстранетите томови како потенцијално опасни, но библиотеката вели дека ракувањето со овие книги би предизвикало само мала штета на здравјето. „Ги ставивме во карантин овие дела. Ќе ги анализираме во лабораторија за да можеме да процениме колку арсен е присутен во секој том“, рече портпаролот на Француската национална библиотека, а пренесе Би-би-си.
Списокот на потенцијално опасни книги е составен од „Poison Book Proect“ , иницијатива покрената од научници од Универзитетот во Делавер во соработка со музејот Винтертур во Делавер. Од 2019 година, тимот тестираше стотици корици книги за тешки метали и состави листа на наслови кои се потенцијално опасни.
Издавачите од викторијанската ера користеле арсен за да ги обојат кориците. Светската здравствена организација (СЗО) предупреди на долгорочна изложеност на арсен во водата за пиење и храната, велејќи дека супстанцијата е многу токсична. Сепак, таа не дала никакви упатства за ракување со предмети што го содржат овој отров.
Во 2022 година, библиотекарите во Лидс, Англија открија ретка книга со арсен. Библиотекар ја открил потенцијално отровната книга додека ја споредувал збирката на библиотеката со базата на податоци на проектот „Poison Book“.
Свет
Мигранти плаќале 18.000 евра за превоз преку Ла Манш, биле сексуално експлоатирани
Виетнамска криминална мрежа беше пресечена со акција на полициите на Франција и Англија, со поддршка на Европол.
Оваа група шверцувала мигранти преку Ла Манш и организирала нивна сексуална и трудова експлоатација како и перење пари.
Главниот организатор, идентификуван како десна рака на водачот на оваа банда, го организирал шверцот, додека друг нивни соучесник бил задолжен за собирање пари и организирање на транспортот на мигрантите, кои плаќале од 15.000 до 18.000 евра за превоз преку каналот , соопшти Европол.
На пат од Полска за Франција, некои од мигрантите шверцувале метамфетамин во парискиот регион, снабдувајќи ги азиските групи за шверц на дрога со седиште во областа во замена за намалена цена на патувањето.
Уапсени се 16 членови на оваа група и одземени се разновидна луксузна стока, 100.000 евра во кеш и уште 298.000 евра на банкарски сметки.