Свет
Советот на Европа и ОБСЕ ги повикаа Грузија и Русија да ги смират страстите
Советот на Европа и Организацијата за безбедност и соработка во Европа апелираа до Русија и Грузија да се воздржат од непријателски активности пред годишнината од нивниот лански вооружен судир
Грузија во август 2008-та презема офанзива за преземање контрола во Јужна Осетија која сакаше да се отцепи, а Русија на тоа одговори со преземање голема офанзива и воени операции со кои ја потиснаа грузиската армија длабоко на нејзина територија.По завршување на краткотрајната војна, Мосвка ја призна независноста на Јужна Осетија и на Абхазија, два региона кои фунционираа како автономни региони во рамките на Грузија, но се стремеа да се отцепат. „Грузија и Русија, кои са членки на Советот на Европа, ја одбележуваат првата годишнина од конфликтот со полемични изјави и тензичност, исто како и на почетокот на судирите од пред една година. Во момент кога раните се’ уште се отворени, двете држави треба да си споменат за причинетите човечки жртви и пустошењата од војната и да сфатат дека секое обновување на борбените дејствија ќе донесе само нови човечки жртви и ќе предизвика нови разурнувања“, се наведува во соопштението на генералниот секретар на Советот на Европа, Тери Дејвис. Притоа во своето писмено обраќање Дејвис ја осудува неспособноста на меѓународната заедница да го реши проблемот со враќањето на бегалците во нивните домови. Рускиот премиер Владимир Путин, кој се наоѓа во посета на Турција, во врска со случувањата во Јужна Грузија изјавил дека Русија нема интерес да употребува оружје во Кавкаскиот регион. Сегашниот претседател на ОБСЕ, грчката министерка за надворешни работи Дора Бакојани, пак, изјави дека сите страни во спорот треба да се воздржат од непријателски активности и изјави што би можеле дополнително да ја дестабилизираат ситуацијата. „Раните се’ уште не са заздравени, а регионот продолжува да е нагласено нестабилен“, вели во својата изјава Бакојани.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Европа
Шолц: Војната во Украина може да трае уште неколку години
Германскиот канцелар Олаф Шолц изјави дека верува оти војната во Украина може да се пролонгира уште неколку години.
„Никој не може да каже дали оваа војна ќе трае можеби пет години“, рече Шолц вечерва во источниот германски град Кемниц.
Тој ја бранеше германската воена помош за Украина и додаде дека заедно со неа мора да се негува и дипломатијата.
„Меѓутоа, од почетокот на војната, рускиот претседател Владимир Путин не покажа знаци на движење напред“, рече тој.
„Диктиран мир е неприфатлив. Не смее да се дозволи да се извлече со ова“, додаде германскиот канцелар.
Свет
Шефот на НАТО: Никој нема корист од војната на Блискиот Исток
Генералниот секретар на НАТО Јенс Столтенберг изрази загриженост за ситуацијата на Блискиот Исток по израелскиот напад врз Иран.
„Клучно е конфликтот да не излезе од контрола и затоа ги повикуваме сите страни на воздржаност“, изјави Столтенберг денеска во Брисел. „Никој нема корист од војната на Блискиот Исток“, рече тој.
Израел го нападна иранскиот Исфахан
Според извештаите на медиумите, Израел ја нападнал иранската провинција Исфахан рано во петокот како одговор на големиот ирански напад со беспилотни летала и ракети минатиот викенд.
Според израелскиот весник Jerusalem Post, нападот бил насочен кон воздушна база во Исфахан, недалеку од иранските нуклеарни постројки. Сепак, според Меѓународната агенција за атомска енергија (МААЕ), нуклеарните капацитети не биле погодени.
Свет
Шефот на МААЕ: Не ги напаѓајте иранските нуклеарни постројки
Шефот на Меѓународната агенција за атомска енергија (МААЕ), Рафаел Гроси, ги предупреди земјите да не ги напаѓаат иранските нуклеарни постројки.
Во Исфахан, каде што беше извршен нападот, има неколку нуклеарни постројки во земјата. Гроси за програмата на Би-би-си Радио 4 изјави дека му олеснало кога слушнал дека ниту една нуклеарна постројка не била погодена во нападот.
„Нападот врз иранските нуклеарни постројки би бил страшна работа“, вели Гроси.
Тој смета дека во светот деновиве се појавува прашањето за таргетирање на нуклеарни постројки и дека МААЕ го смета за жално.