Свет
Претседателот на Костарика заразен со свинскиот грип
![](https://makfax.com.mk/wp-content/uploads/2016/11/8457fa0a-5f86-4878-8b28-c66934f4f670.jpeg)
Костариканскиот претседател Оскар Ариас е заразен со вирусот A(H1N1), потврди тамошната влада. Тој се заразил со новиот вид грип минатиот викенд
Претседателот на Костарика, Оскар Ариас, кој последниве седмици беше медијатор во разговорите меѓу соборениот претседател на Хондурас Мануел Залеја и неговиот наследник Роберто Мичелети околу надминување на тензиите во таа држава, е првиот претседател за кој е познато дека боледува од оваа болест.Шеесет и осумгодишниот Ариас кој е добитник на Нобеловата награда за мир во 1987 г., се заразил минатиот викенд, а во вторникот лабораториските испитувања потврдиле присуство на новиот тип вирус на свинскиот грип. „Тестирањата покажале дека кај претседателот нема други компликации“, изјавила костариканската минситерка за информации Маји Антилион. Таа додала дека се очекува Ариас да почне со секојдневните активности на почетокот од идната седмица. Оскар Ариас првпат беше избран за претседател на Костарика во периодот од 1986 до 1990 г., а во 2006 г. беше повторно избран за прв човек на државата. Нобеловата награда за мир ја доби заради неговото залагање за постигнувањ мир во Средна Америка која тогаш беше зафатена со повеќе граѓански војни.Во Костарика досега од свинскиот грип починале повеќе од дваесет луѓе.И американскиот претседател Барак Обама беше во опасност да биде инфоциран со новиот сој на вирусот на свинскиот грип, за кој американските медиуми предупредуваат дека е реузлтат на вкрстување на вирусите на човечки, свински и птичји грип.Имено на 25 април десетина дена од избувнувањето на епидемијата во Мексико, почина Фелипе Солис кој му беше водич на претседателот Обама низ антрополошкиот музеј при неговата посета на Мексико Сити.„Патувањето на претседателот на Мексико не го загрози неговото здравје“, соопшти тогаш Белата куќа, по информациите дека Фелипе Солис починал од свински грип неколку дена откако на 16-ти април се видел со американскиот претседател Барак Обама, што би значело дека во тие мигови тој бил веќе инфицран од вирусот кој може да биде смртоносен и кој лесно се пренесува од човек на човек.Епидемијата на грипот А(H1N1) која се јави во април во Мексико од 11-ти јуни е прогласена за пандемија од светски размери.„До крајот на пандемијата со новиот вирус ќе бидат заразени меѓу 15 и 45 отсто од вкупната популација во светот. Триесет отсто е средна проценка, а 30 отсто од светската популација се две милијарди луѓе“, изјави неодамна портпаролката на Свеетската здравствена организација, Афалук Батиасеви. Како што додава, тоа се според неа само груби проценки.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
![](https://makfax.com.mk/wp-content/uploads/2022/08/makfax_logo_350px.jpg)
Свет
(Видео) Олимписки игри во Париз 2024: церемонијата на отворање започна со пловење по Сена
![](https://makfax.com.mk/wp-content/uploads/2024/07/Screenshot-2024-07-26-213525-1.jpg)
Олимписките игри во Париз беа свечено отворени со свечена церемонија која се разликува од сите досегашни, бидејќи парадата на најдобрите спортисти на планетата првпат не беше организирана на стадионот.
Овие, 33. Олимписки игри, беа отворени со пловење по реката Сена, каде што повеќе од 10.000 спортисти од светот во чамци им мавтаа на стотици илјади гледачи на брегот на познатата река што тече низ главниот град на Франција.
Со димни сигнали во боите на француското знаме, настапот на Лејди Гага, американската пејачка и стотици танчерки на бреговите и мостовите, првите натпреварувачи беа од Грција што испловија по Сена, што е обичај во најголемиот светски спортски настан, кој потекнува од таа европска земја.
Дожувувањето на стотици илјади гледачи низ Париз донекаде го расипа дождот, кој паѓаше цел ден во француската престолнина.
Регион
(Видео) Тешка сообраќајка во Грција: бебе меѓу загинатите
![](https://makfax.com.mk/wp-content/uploads/2024/07/Screenshot-2024-07-26-204400.jpg)
Тешка трагедија се случи во петокот попладне на автопатот Пиргос – Кипарисија, во близина на Месинија во Грција, кога четири лица, меѓу кои 12-месечно бебе и 13-годишно девојче, кои се наоѓале во два автомобили, загинаа во сообраќајма несреќа, пишува „Protothema“.
До несреќата дошло кога 39-годишниот камионџија, кој возел во правец на Кипарисија, од засега непозната причина изгубил контрола, излетал во спротивен правец и налетал на три возила, предизвикувајќи трагични последици.
Според написите, камионот всушност буквално ги стопил двете возила кои учествувале во несреќата. Противпожарната служба со 12 пожарникари ги извлекла настраданите.
Според информациите, во првиот патнички автомобил кој се судрил со камионот било семејство кое живее во странство и отпатувало за Нафплио за да се види со роднините и на одмор на Пелопонез. Во него се пронајдени мртви 38-годишен татко и 12-месечна ќерка, а повредени се 38-годишна мајка и нивниот шестгодишен син, кои се пренесени во болницата во Патра.
Од второто возило кое било заглавено под камионот извлечени се маж (50), девојка (13) и жена (60), кои се здобиле со тешки телесни повреди.
Повредени се и 25-годишен маж кој бил интубиран во Каламата, 39-годишен камионџија и 61-годишен маж, и двајцата се на лекување во болницата Кипарисија.
Затворен е магистралниот пат Пиргос – Кипарисија, а сообраќајот се пренасочува по заобиколен пат.
Свет
(Видео) Во Русија гори облакодер, има загинати меѓу кои и двегодишно дете
![](https://makfax.com.mk/wp-content/uploads/2024/07/Screenshot-2024-07-26-195828.jpg)
Пожар избувна во облакодер во градот Уљановск, соопшти прес-службата на регионалното Министерство за вонредни состојби.
„Според првичните информации, пожарот првично зафатил три стана на третиот кат“, се вели во соопштението. Загинаа двегодишно дете и уште едно лице, а три лица се повредени.
A powerful explosion took place in a high-rise building in the Russian city of Ulyanovsk
Three apartments in a residential building caught fire at once. Residents of the upper floors are waving their hands and asking for help from rescuers. An evacuation is underway.
According… pic.twitter.com/NNmcy6scfu
— NEXTA (@nexta_tv) July 26, 2024
Сите расположливи служби за итни случаи излегоа на терен и помагаат во евакуацијата. Со пожарот се борат вкупно 68 пожарникари со 22 возила. Повеќето од луѓето кои живеат во облакодерот се евакуирани.
🇷🇺 A high-rise building is on fire in Ulyanovsk.
A fire broke out on the third floor of a building on Korunkova Street. According to the Base, three apartments are on fire. The entrance was heavily smoky and all residents were evacuated from the house. pic.twitter.com/7JzpTz1sg5
— * (@V141NGs) July 26, 2024
Гувернерот на регионот Уљановск им нареди на раководството на Министерството за здравство и Министерството за социјален развој веднаш да излезат на местото на настанот за да ја координираат медицинската помош на жртвите и да ги решат прашањата за финансиска помош за жртвите.
Градските власти соопштија дека пожарот настанал по експлозија на плинска боца. „Некста“, канал на Х, пишува дека жителите од горните катови мавтале со рацете и побарале помош од спасувачите.