Свет
Најмалку 21 загинати во два самоубиствени напади во Ирак
Во двоен самоубиствен бомбашки напад во северозападниот дел од Ирак во кафуле преполно со млади луѓе загинало најмалку 21 лице, потврдија тамошните власти
Последниот од серијата напади врз малцинствата во четвртокот, се случил околу 17 часот во градот Синџар каде доминираат Јаздите кои говорат курдски јазик, кои главно го насилуваат овој ирачки регион близу границата со Сирија. Во нападот има и се’ уште непотврден, но голем број тешко ранети кои биел пренесени во болниците кои се во близина на овој полуавтономен курдски регион. Локалот кој бил целта на нападот бил омилено место за излез на младите од градот, а градските власти набрзо наредиле полициски час. „Ова што се случи попладнево е вистинска катастрофа за нашиот град. Млади луѓе се убиени, едноставно додека уживаа. “, изјавил членот на градскиот совет, Меијсар Субхи. Градоначалникот на Синџар, Касим Хасун потврдил дека поголемиот дел од загинатите се Јазди.Директорот на болницата во Синџар, Кифах Махмуд потврдил дека биле донесени 21 загинт меѓу кои и еден египетски државјанин и 32 ранети. Пред две години овој регион беше цел на еден од најжестоките напади на ирачките бунтовници од почетокот на американската инвазија во 2003 г. Точно на 14-ти август 2007 г. во четири синхронизирани самоубиствени напади со камиони полни со експлозив во градот Кахатанија беа убиени повеќе од 500 Јазди.Пред една седмица во овој регион беше жестоко нападнат со серија бомбашки акти градот Мосул, кој американските сили го сметаат за последниот и најголем град во кој Ал Каеда има свои силни групи. Самоубиствените напади во Ирак во последно време се насочени кон шиитското, туркменското и шабакшкото малцинство, при што од минатиот петок се убиени околу 120 луѓе. Ианку Јаздите живеат во чувствителниот регион на спорната територија межу Курдите и Арапите, а одбранбените пунктови на влезовите од Синџар се курдски. САД предупредија дека расте непријателството меѓу двете заедници заради превласт над територијата на која има богати извори на нафта, што мож да се претвори во нов судир во Ирак,
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Свет
Шефот на НАТО: Кина сака добри односи со Западот и и помага на Русија, не може да ги има и двете
Кина мора да престане да ја поддржува руската војна во Украина ако сака да ужива во добри односи со Западот, изјави денеска генералниот секретар на НАТО Јенс Столтенберг, предупредувајќи го Пекинг со невообичаено остри зборови дека не може да ги има и двете. За време на посетата на Берлин, шефот на западната воена алијанса рече дека помошта на Пекинг е од витално значење за воените напори на Москва бидејќи ја зајакнува воената економија на Русија со споделување на врвна технологија, како што се полупроводниците.
„Минатата година Русија увезе 90 отсто од својата микроелектроника од Кина, која се користи за производство на проектили, тенкови и авиони. Кина исто така работи на Русија да и обезбеди подобрени сателитски способности“, рече Столтенберг. „Кина вели дека сака добри односи со Западот. Во исто време, Пекинг продолжува да го поттикнува најголемиот вооружен конфликт во Европа од Втората светска војна. Не може да ги има и двете“, предупреди тој.
Столтенберг ги предупреди западните сојузници да не станат зависни од Кина како што беа од Русија. „Во минатото направивме грешка што станавме зависни од руската нафта и гас. Не смееме да ја повториме таа грешка со Кина и да зависиме од нејзините пари, суровини и технологии. Зависноста не прави ранливи“, додаде тој.
Кина ги зајакна трговските и воените врски со Русија во последниве години, бидејќи САД и нивните сојузници воведоа санкции и на двете, но особено на Москва, поради нејзината инвазија на Украина. Рускиот претседател Владимир Путин изјави во четвртокот дека планира да отпатува за Кина во мај, но не прецизираше точно кога.
Свет
САД градат привремено пристаниште во близина на Газа за испраќање хуманитарна помош
Соединетите Држави почнаа да градат пристаниште во Газа, соопшти денеска Пентагон, проект кој треба да ја олесни испораката на хуманитарна помош на палестинската територија. Пристаништето треба да профункционира на почетокот на мај.
Во март, претседателот Џо Бајден објави дека американската војска ќе изгради привремено пристаниште на медитеранскиот брег на Газа за да добива хуманитарна помош по море.
Изградбата е дел од напорите да се спречи гладувањето во палестинската енклава, која веќе пет месеци се наоѓа во средината на израелската воена кампања против Хамас, која го опустоши Појас Газа и ги потопи нејзините 2,3 милиони луѓе во хуманитарна катастрофа.
„Можам да потврдам дека американските воени бродови, вклучително и УСНС Бенавидез, почнаа да градат привремено пристаниште…“ изјави за новинарите портпаролот на Пентагон, Патрик Рајдер.
ОН предупредија дека Газа е во опасност од глад и се пожалија на „огромни пречки“ при добивањето помош и нејзино дистрибуирање низ енклавата.
Агенциите за помош и администрацијата на Бајден го молеа Израел да ја олесни испораката на помош во Газа и да им дозволи на нивните конвои безбедно поминување на територијата.
Рајдер рече дека Пентагон следи некој вид минофрлачки напад во Газа што предизвика минимална штета во близина на областа каде што се гради пристаништето, но додаде дека американските сили сè уште не почнале да преместуваат ништо во областа и дека нема американски сили на теренот.
Свет
(Видео) Големи поплави во Танзанија, загинаа 155 луѓе
Во поплавите во Танзанија загинаа 155 луѓе, а најмалку 236 се повредени, изјави денеска премиерот Касим Мајалива. Во поплавите оштетени се повеќе од 10.000 куќи.
Премиерот додаде дека обилните дождови предизвикани од Ел Нино и придружени со силен ветер доведоа до поплави и лизгање на земјиштето во различни делови на земјата.
„Многу луѓе загинаа. Имаше штета на посевите, куќите, инфраструктурата како патишта, мостови и железници“, рече Мајалива.
Поплави ја погодија и Кенија, која се граничи со Танзанија на истокот на Африка, при што загинаа повеќе од 30 луѓе, пишува Си-ен-ен.
Во Кенија врне силен дожд од средината на март, а врнежите се интензивираа минатата недела. Кенискиот Црвен крст изврши повеќе од 188 спасувачки операции од март. Властите вчера затворија некои патишта во главниот град на Кенија, а неколку населби беа поплавени.