Свет
Киднапираниот Французин избега од сомалиските бунтовниците
Сомалиските бунтовници го киднапираа францускиот агент за безбедност минатиот месец. Тој изјави дека избегал додека тие спиеле, а потоа пет часови се движел по улиците на еден од најопасните градови на светот одека не стигнал до претседателската палата
Марк Убрие кој на 14-та јули беше грабнат заедно со уште еден француски агент, одрекол дека убил некој од стражарите во текот на бегството. „Милитантите кои ме чуваа убаво ме хранеа. Никој не ме повреди. Никого не убив кога избегав.“, изјавил Убрие за Associated Press, пред да влезе во авионот со кој го напуштил Могадиш. Тој додал дека избегал околу полноќ, кога стражарите биел преморени и заспале. За француското радио RFI, Убрие изјавил дека се ориентирал според ѕвездите „Могадиш навечер е пуст, наидов на вооружени лица кои за среќа ме пропуштија“, додал францускиот разузнавач. „Многу сум среќен но сум загрижен за мојот колега кој се’ уште е во рацете на милитантите“, изјавил Французинот кој бил исцрпен па морале да ги придржуваат сомалиските агенти. Убрие и колегата беа киднапирани од хотел во Могадиш, од страна на припадници на бунтовничките групи Ал Шабаб и Хезбул исламија. Тие престојуваа во Сомалија во обезбедувањето на возовите на владините сили,. Тогаш киднаперите изјавија дека ќе им биде судено според исламските закони за шпионирање и за наводен заговор против исламот. Веќе две децении Сомалија е една од најопасните држави, каде господарите на војната имаат свои милиции и вооружени групи, па странците ретко патуваат таму. Последните неколку години во пораст се грабнувања за откуп на новинари и хуманитарни работници. Канадската новинарка Аманда Линдхаут и австралиецот Најџел Бренен беа држени во заложништво цела година. Офицерот Фархан Асањо, за медиумите изјавил дека во средата наутро до владините војници дошол човек кого го идентификувале и кој им рекол дека побегнал откако убил тројца од неговите стражари. Меѓутоа, портпаролот на француското министерство за надворешни работи, Ерик Шевалје, изјавил дека агентот е ослободил без насилство и без платена откупнина. Странските аналитичари сметаат дека Сомалија која е практично во безвластие последните 18 години, може да биде добар терен за Ал Каеда да ги пресели своите бази и логори за обука како што се случи во 1990-та со Авганистан. САД ја обвинуваат организацијата Ал Шабаб дека е поврзана со терористичката мрежа на Ал Каеда, но нејзините лидери тоа го одрекуваат. Аденскиот залив исто така е место на кое царуваат сомалиските пирати кои десетици бродови киднапираа и бараа високи откупи за нив, па во тие води повеќепати интервенираа, американски, руски, француски и германски поморски сили. Во главниот град Могадиш секојдневно се водат жестоки улични борби меѓу бунтовниците и владините сили, а од пред две и пол години загинаа десетици илјади лица.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Свет
Марта Кос: Проширувањето е значајно и за Словенија и за Европската Унија
Марта Кос, словенечката кандидатка за еврокомесар денеска изјави дека проширувањето е синоним за ЕУ.
„За мене, проширувањето е синоним за ЕУ, а ЕУ е синоним за мир. Понатаму, мирот претставува стабилност, безбедност, иднина, поврзаност и инклузија“, додаде Кос, претставувајќи ја својата кандидатура за еврокомесар пред Комисијата на националното собрание за ЕУ.
Таа укажа на важноста на портфолиото на проширување и за Словенија и за ЕУ и додаде дека е убедена дека нејзините вештини ќе бидат најочигледни во оваа област.
Кос пред Комитетот, чие мислење не е обврзувачко, изјави дека исполнува три клучни услови за еврокомесар: компетентност, посветеност на ЕУ и независност.
„Вредностите и целите на ЕУ се свети за мене“, рече таа, пренесува агенцијата „СТА“.
Таа посочи дека успешната интеграција на Словенија во ЕУ може да послужи како вреден пример за другите земји од Западен Балкан кои се стремат да се приклучат.
Според неа, напредокот на Словенија и ЕУ е меѓусебно поврзан со напредокот и развојот на нејзините соседи.
Кос повика и на поблиска соработка со Националното собрание и предложи годишно обраќање до парламентот, кое ќе следи по говорот на претседателката на Европската комисија, Урсула фон дер Лајен, за состојбата на Унијата во Европскиот парламент, пренесува Танјуг.
Свет
Нетанјаху вети дека ќе ги врати жителите на северот во нивните домови
Израелскиот премиер Бенјамин Нетанјаху вети дека ќе ги врати во своите домови десетиците илјади жители евакуирани од северната погранична област со Либан.
„Реков претходно, ќе ги вратиме жителите на северот во нивните домови безбедно и токму тоа ќе го направиме“, објави Нетанјаху во кратката видео порака.
Тој не ги спомна експлозиите насочени кон Хезболах во Либан во изминатите два дена, пренесоа агенциите.
Во меѓувреме, бројот на жртвите од денешните најнови експлозии на комуникациски уреди низ Либан се зголеми од девет на 14, а повеќе од 450 луѓе се ранети, соопшти либанското Министерство за здравство.
Началникот на израелската армија, генерал-полковник Херзи Халеви изјави подоцна оваа вечер дека Израел подготвил дополнителни планови против Хезболах и е подготвен да нападне.
Израел има „многу повеќе опции“ кои се уште не се искористени во борбата против Хезболах, објави „Тајмс оф Израел“.
„Имаме многу можности кои се уште не се активирани, видовме некои од овие работи и ми се чини дека сме добро подготвени и се подготвуваме да ги реализираме овие планови“, рече Халеви и додаде дека во секоја фаза цената за Хезболах треба да биде висока, пренесе медиумот.
Свет
Уште една жртва од поплавите во Чешка, Полска и Унгарија ги зајакнуваат насипите околу реките
Чешката Република соопшти дека бројот на жртвите од катастрофалните поплави во земјата, кои ја погодија централна Европа, се искачи на четири, додека во Полска и Унгарија волонтери и персонал за итни случаи брзаат да ги зајакнат заштитните насипи околу реките, бидејќи нивото на водата почна да расте, пренесува Ројтерс.
Најлошите поплави што ја погодија централна Европа во најмалку две децении оставија зад себе трага на уништување што се протега од Романија до Полска, оставајќи затрупани градови во кал и урнатини, уништени мостови и потонати автомобили.
Домаќинствата и владите на погодените земји се соочуваат со штети кои можат да се измерат во милијарди долари, пренесува медиумот.
Со пријавена нова жртва во Чешка, бројот на загинати во Европа од поплавите се искачи на 23.
Според официјалните податоци, по седум лица загинале во Романија и Полска, а уште пет во Австрија.
Новооткриената жртва во Чешка, 70-годишна старица од село, била пронајдена на 20 метри од нејзината куќа. Таа била евакуирана во саботата, но следниот ден го напуштила центарот за евакуација за да се врати дома, објави чешката телевизија.
Во таа земја водата главно се повлекува, но нивото на водата се уште е на својот врв во некои делови на јужна Бохемија.
Во Вроцлав, Полска, голем број луѓе редат вреќи со песок од рака на рака за да се зацврстат бреговите на реката Одра. На југ од таму, тоа го прават полските војници. Највисок водостој во Вроцлав се очекува утре.
Во Унгарија, властите отворија брана во северозападниот дел на земјата за да ја пренасочат водата од реката Лејте во еден резервоар и да ги заштитат градовите.
Во Будимпешта, Дунав се очекува да се искачи на највисокото ниво – над 8,5 метри, во петок или сабота.
Во исто време, силно невреме и се заканува на Италија.
Предупредувања за силен дожд, ветрови и поплави се издадени во поголемиот дел од Италија, јавува Би-Би-Си.
Веќе се објавени извештаи за поплави во Пескара во централна Италија, додека италијанската метеоролошка служба предупредува дека невремето ќе го погоди северниот брег на регионот Емилија-Ромања.
На поплави во наредните денови предупредуваат и властите во Хрватска, Унгарија, Словачка и Полска, јавува Танјуг.