Свет
Нови неволји за Лисабонскиот договор
Чешките сенатори кои се противат на Лисабонскиот договор би можеле да го одолговлечат неговото прифаќање за неколку месеци, пренесува BBC
Ова го изјавил портпаролот на чешкиот уставен суд, Властимил Гетингер, кој за BBC рекол дека целосната ревизија на Лисабонскиот одговор, од кого зависи натамошното функционирање на Евроспката Унија, може да трае девет месеци. Имено, во чешкиот горен дом Сенатот, 17 пратеници веќе потпишале петиција против договорот и имаат намера до крајот на септември да му ја предадат на Уставниот суд. „Сепак, претпоставувам дека ревизијата ќе трае четири месеци, зависно од самата петиција“, додал Гетингер.Чешкиот претседател Вацлав Клаус, инаку евроскептик, изјавил дека нема да го потпише Лисабонскиот догвор додека судот не донесе одлука за петицијата на сенаторите. Неговиот потпис ианку е неопходен за целосна ратификација на договорот.Претходно чешкиот уставен суд имаше донесено пресуда дека Лисабонскиот догвор не е во спротивност со чешкиот устав. Меѓутоа, таа пресуда зафаќаше многу широк дијапазон прашања, а не поединечни одредби од договорот. Оттаму, многумина во Чешка сметаат дека може да се случи Уставниот суд да мора да направи целосна ревизија на документот.Меѓутоа, дополнителни проблеми за Лисабонскиот договор можат да се јават доколку дражвите-членки на Европската Унија не го ратификуваат до април или мај 2010 г. Тогаш во Велика Британија се закажани парламентарните избори, на кои сите шанси за победа беспоговорно и’ се даваат на Конзервативната партија, а тие најавуваат дека договорот ќе го стават на референдум пред граѓаните, доколку не биде ратификуван кога ќе ја преземат власта. Во Ирска повторениот референдум за прифаќање на Лисабонскиот договор ќе се одржи на 2 октомври. Претходниот Ирците го отфрлија и со тоа го запреа процесот на негово стапување во сила. Унијата даде гаранција дека договорот нема да ги зафаќа важните елементи на ирската независност, но тие гаранции се’ уште не се ставени во текстот на договорот, забележуваат ирските противници на Лисабонскиот договор.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Свет
Бајден зборуваше за дебатата со Трамп, но и за детали од неговиот личен живот
Американскиот претседател Џозеф Бајден денеска изјави дека ќе учествува на дебата со Доналд Трамп, неговиот републикански противкандидат на ноемвриските избори.
„Не знам кога“, изјави Бајден во интервјуто со Хауард Стерн и додаде дека со нетрпение го очекува тоа, пренесе Ројтерс.
Бајден раскажуваше семејни приказни и рече дека пелтечењето било подготовка за тешките удари во животот. Тој рече дека пелтечењето како дете било најдоброто нешто што му се случило. Додаде дека на крајот го надминал пелтечењето, но дека повремено му се враќа кога зборува во јавност.
Интервјуто со Хауард Стерн се случи додека Бајден присуствуваше на политички настан во Њујорк.
За време на интервјуто, тој презентираше многу биографски детали, обидувајќи се да се претстави пред гласачите. Бајден, исто така, рече дека неговиот татко, Џозеф Робинет Бајден постариот, ретко покажувал љубов и раскажал приказна што напраавил кога бил нокаутиран додека играл рагби кога бил во четврто одделение.
„Татко ми излезе со нас и рече Џои стани. Само стани. Мора да станеш“, раскажал Бајден.
Свет
(Видео) Снимка од Ердоган хит на социјалните мрежи: Телохранител му подаде чешел на турскиот претседател, а потоа цела делегација мораше да застане
Видео од турскиот претседател Реџеп Таип Ердоган како се чешла стана хит на социјалните мрежи.
Ердоган, кој во четвртокот дојде на прославата на Уставниот суд во Анкара, цело време беше придружуван од телохранител кој ненадејно му подава чешел пред да влезе во салата. Турскиот лидер застана и почна да се чешла додека целата делегација, вклучително и претседателот на Уставниот суд, чекаше.
— Pluton (@Pluton45873221) April 26, 2024
Откако заврши со средувањето на косата, Ердоган му го даде чешелот на еден од своите советници, а потоа продолжи да се шета со претседателот на Уставниот суд, Кадир Озкај, насмеан.
Ердоган присуствуваше и на прославата на 62-годишнината од формирањето на Уставниот суд.
Свет
Се слушнало тропање и силни вибрации: Боинг изгубил дел за време на лет, извршил принудно слетување
Авионот на „Делта ерлајнс“ кој утрово полета од аеродромот „Џон Кенеди“ во Њујорк мораше да се сврти и да се врати на аеродромот поради дефект на опремата за итни случаи, пренесува „Индекс“.
Летот 520 на „Делта ерлајнс“ безбедно се врати на аеродромот околу 8:35 часот откако екипажот пријавил вибрации, соопшти Федералната управа за авијација (ФАА). Пилотите веднаш по полетувањето пријавиле во контролата на летање дека почувствувале чудни вибрации и слушнале звук на тропање.
Авионот летал 33 минути пред да се врати на ЏФК, пишува „ABC7 New York“.
„Откако леталото безбедно слета, беше забележано дека во одреден момент отпадот за итни случаи паднал“, рече портпаролот на „Делта“. За време на инцидентот во „Боингот 767“ имало 176 патници, двајца пилоти и пет стјуардеси. Нема извештаи за повредени.
Патниците биле префрлени во друг авион, кој полетал во 10:59 часот, околу три часа подоцна. Авионот чиј дел за итни случаи паднал е стар 33 години и нема да биде во служба додека „Делта“ не ја процени неговата соодветност. Од ФАА велат дека ќе го истражат целиот инцидент.