Убиецот кој на извршување на смртната казна чекал 25 години не починал заради тоа што имал слаби вени

Ромел Брум злосторството врз Трина Миделтон го сторил точно пред 25 години, на 21 септември 1984 г., кога ја силувал и убил 14-годишната девојка. Тој требало да биде егзекутиран во вторникот во затвор во јужниот дел од сојузната американска држава Охајо, но екипата кој требала да го изврши инјектирањето на смртоносната доза ен успеала и по неколку часа да најде вена. Најмалку 12 лица повеќе од два часа се труделе да го подготват 54-годишниот Брум за смртната казна, но дури и откако лоцирале неколку негови вени тие не биел доволно цврсти да ја приамт инекцијата. Тој бил прободен 18 пати во двете раце и едната нога, но секогаш инјекцијата погаѓала коска или мускул. Екипата требаше да ја испроба постапката со физиолошки раствор, но едноставно низ неговите вени тој не минуваше“, рекла портпаролката на затворот, Џули Валбурн. Егзекуцијата ја следеле родителите и тетката на убиената Трина.Екипата за егзекуција во затворот Охајо соопштиле дека вените на убиецот не можат да ја поднесат инјекцијата. Тие сметаат дека причина за тоа би можело да биде дехидрација или претходно конзумирање дрога. Затоа гувернерот на Охајо, Тед Стрикленд привремено го одложил извршувањето на смртната казна.Според законите на Охајо, новиот датум не може да биде одреден додека државата или семејството на убиената не вложи жалба до Врховниот суд на Охајо. Но адвокатот ма Брум кој досега успеал да избегне 15 извршувања на казната, Тим Свинеј изјавил дека бидејќи државата еднаш веќе се обидела да го егзекутира, не смее да се обиде да го стори тоа уште еднаш и се надева дека сега неговиот клиент ќе добие доживотна затворска казна. Притоа адвокатот се повикува на американскиот устав и на уставот на Охајо. За него на Брум му била нанесена болка а самиот начин на егзекуција претставувало измачување до болна и бавна смрт, спротивно на тоа што требало да се случи. Инаку, Охајо е единствената држава која има пропишано дека егзекуцијата треба да се изврши брзо и безболно и не смее да трае повеќе од 18 минути. Медиумите наведуваат дека ова е првпат во историјата егзекуцијата да биде сопрена и одложена, но не и првпат да има потешкотии при нејзиното извршување со вбризгување смртоносна инјекција. Притоа се наведува примeрот од 2006 г. кога извесен Џозеф Кларк бил убиен дури по 87 минути, а некој Кристофер Њутн во 2007 г. се измачувал еден час и 53 минути.Статистичарите наведуваат дека во Охајо на извршување на смртната казна чекаат 168 лица, дека од 1999 г. се погубени 32 лица а дека во САД на егзекутирање чекаат вкупно 3.263 лица.