Свет
Русија и САД во заедничка борба против шверцот со наркотици

„САД и Русија ќе соработуваат во борбата против шверцот на дрога“, изјавил денеска директорот на руската федерална служба за контрола на нелегалниот промет со наркотици Виктор Иванов, додавајќи дека Москва очекува од Вашингтон податоци за 50 авганистански „наркобосови“
Иванов на прес-конференција во Москва соопштил дека неодамна во рамки на руско-американската комисија што ја основаа лидерите на двете земји, Дмитриј Медведев и Барак Обама, се одржани разговори на работната група за борба против нелегалниот промет со дроги. Притоа на американските стручњаци им е предложено да ја посетат руско-казахстанската граница, додека на руските им е понудена посета на американско-мексиканската, пренесуваат руски медиуми.Според Иванов, причината за производство на хероинот во Авганистан во толкав обем лежи во постојаните воени дејствија. „Во последните осум години, откако во Авганистан влезе странскиот воен контингент, во оваа земја производството на наркорици порасна за 40 пати“, соопштил Иванов, додавајќи дека притоа 99 отсто од опиумскиот мак се одгледува во области во кои се води огромното мнозинство од судирите.Според податоците на руските разузнавачи од март годинава, во Авганистан во илегални складови имало меѓу два и три тони хероин, а за време на спроведувањето на операцијата „Долготрајна слобода“ во земјата се произведени 37.300 метрички тони опиум.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Европа
(Видео) Фрлени молотови коктели кај рускиот конзулат во Франција, се огласи Захарова

Рускиот конзулат во Марсеј, Франција, рано утринава бил нападнат со молотов коктел, а нема информации за жртви, јавува Anadolu.
Инцидентот се случил околу осум часот по локално време на авенијата Амброаз-Паре, улица на која се наоѓаат бројни странски конзулати, објави BFMTV.
‼️ ⚡️Une explosion a tonné à l’intérieur du consulat russe à Marseille — BFM TV
«Il y a environ 30 pompiers et policiers travaillant sur les lieux», rapportent les médias. pic.twitter.com/NgsR7Df3Jw
— Camille Moscow 🇷🇺 🌿 ☦️ (@camille_moscow) February 24, 2025
Два молотови коктели биле фрлени во дворот на конзулатот, но за среќа не е забележана штета или повредени, јавуваат медиумите повикувајќи се на полициски извори.
Во тек е истрага за мотивите за нападот.
Портпаролката на руското Министерство за надворешни работи Марија Захарова потврди дека имало експлозија кај рускиот конзулат во Марсеј, опишувајќи ја како потенцијален терористички напад.
Москва ја повикува Франција темелно да го истражи инцидентот и да ја зголеми безбедноста во руските дипломатски претставништва, рече таа.
Свет
Лавров: Можно е прекин на огнот во Украина доколку преговорите ја задоволат руската страна

Москва е подготвена да преговара за Украина, но ќе ги прекине воените операции само доколку исходот од потенцијалните преговори ја задоволи руската страна, изјави денеска рускиот министер за надворешни работи Сергеј Лавров.
„Подготвени сме да преговараме и со Украина и со Европа, со сите претставници кои со добра волја сакаат да помогнат да се постигне мир, но ќе ги прекинеме воените операции само кога овие преговори ќе дадат солиден и одржлив резултат што ќе ја задоволи Руската Федерација“, рече Лавров.
Тој посочи дека Москва забележала дека ставот на многу земји во однос на ситуацијата во Украина станал „пореален“ и дека сега има разбирање дека е неопходно да се елиминираат причините за конфликтот, пренесува РИА Новости.
Рускиот министер за надворешни работи Сергеј Лавров е во посета на Турција за да разговара за неговата неодамнешна средба со американската делегација за ставање крај на војната во Украина, како и за придонесот што Анкара може да го даде во тој процес, изјави неименуван функционер од турското Министерство за надворешни работи.
Свет
Каја Калас: Европа мора да ја поддржи Украина сега повеќе од кога било досега

Европа мора да ја поддржи Украина сега повеќе од кога било досега, изјави денеска високата претставничка на ЕУ за надворешна политика и безбедност Каја Калас. Претходно денеска, Калас објави дека министрите на ЕУ го одобриле 16-тиот пакет санкции против Русија, кој таа го опиша како „најсеопфатен“ досега, пренесува Ројтерс.
„Тие влијаат на сè, од бродови на флота во сенка до контролори на игри што се користат за контрола на беспилотни летала. Сега ги имаме најсеопфатните санкции досега, што ги ослабува руските воени напори“, рече Калас на социјалната мрежа X.
Калас, исто така, рече дека утре ќе отпатува во САД за да разговара со американскиот државен секретар Марко Рубио за руско-американските преговори за Украина.
„Можете да разговарате за што сакате со рускиот претседател Владимир Путин, но ако се работи за Европа или Украина, тогаш Украина и Европа треба да се согласат со овој договор“, рече Калас.