Свет
Медведев ја користи тактиката на Обама

Рускиот претседател Дмитриј Медведев денес ги повика САД за унапредување на процесот на стратегиско нуклеарно разоружување
„Мораме стимулативно да се справиме со лимитирањето и редукцијата на стратегиските офанзивни потенцијали, и носачите и нуклеарните глави“, вели Медведев во интервју за рускиот Канал 1 кое ќе се емитува во недела.„Денес имаме шанса да напреднеме во тој процес. Ќе се справиме со ова. Исто така ги повикувам нашите американски партнери да го направат истото“, рекол тој.Изјавите на Медведев доаѓаат веднаш по веста дека неговиот американски колега ја добива годинешната Нобелова награда за мир. Норвешкиот комитет за Нобелова награда баш како главна причина за доделувањето ја споменува визијата на Обама за „свет без нуклеарно оружје“ која „силно го стимулира разоружувањето и преговорите со контрола на оружје“.Медведев и нобеловецот Обама остварија јулска средба во Москва на која беше разгледано завршувањето на договорот START-1. Меѓу другото, двајцата лидери се договорија да го намалат нивниот нуклеарен арсенал на 1.500 до 1.675 операционални боеви глави,а бројот на носачите да достигне до 1.000.Спогодбата START-1 ги обврзува Русија и САД да ги редуцираат нуклеарките до 6.000 и нивните носачи до 1.600 на држава.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Регион
(Фото+видео) Заврши собирот „Не ја даваме Србија“ – Вучиќ упати пет барања

Претседателот на Србија, Александар Вучиќ денеска на собирот „Не ја даваме Србија“ ги прочита барањата. Ги има вкупно пет, а Вучиќ рече дека нема да се откаже додека не се исполни секое од нив.
„Воспоставете целосно почитување на уставот и законите, гарантирајте ја безбедноста на граѓаните, институциите да се вратат на граѓаните, вклучително и РТС, клучен учесник во обоената револуција. Под два, утврдете ја правната одговорност на сите граѓани за време на мирните собири во Србија, особено во Ниш на 21 март. Под три, да им се овозможи на секој ученик и студент да се образува и студира ако сака. Под четири, да се откријат сторителите, поттикнувачите и помагачите во извршување на активности кои вклучуваат напади на витални државни институции и објекти и да се спречи преземање на такви активности во иднина. Под пет, да се спречи каква било активност која самоволно и незаконски ја парализира економската активност и ги спречува граѓаните да ги извршуваат своите животни активности на вообичаен начин, во согласност со јавниот ред во кој секој може да смета на фактот дека во едно демократско општество на држави, ќе ги заштитиме виталните животни интереси“, рече Вучиќ.
Говорот на Вучиќ го слушаа илјадници граѓани.
Beskrajno i veliko hvala za ovaj divni dan. Hvala svima vama sestre i braćo sa Kosova i Metohije, koji ste došli u Beograd da pokažete koliko volite Srbiju i svoj glavni grad. Hvala vama iz Republike Srpske, Crne Gore i Severne Makedonije, hvala građanima drugih delova Srbije i… pic.twitter.com/B5y330YzeZ
— Novi Beograd SNS (@SNS_NoviBeograd) April 12, 2025
Собирот е веќе завршен. Претходно, на главната сцена пред Домот на народното собрание од 13 часот настапија неколку музички групи и изведувачи. На втората сцена, на плоштадот Никола Пашиќ, настапија културно-уметнички друштва од цела Србија, а на третата сцена, кај црквата Свети Марко, беше организирана програма за деца.
Граѓаните можеа да посетат штандови за зачленување во новото движење и да одберат негово име, да остават писма за претседателот Александар Вучиќ, да добијат информации за поволните станбени кредити за млади. На штандот на Министерството за туризам и млади и Туристичката организација на Србија, можеа да добијат информации за ваучери за одмор во Србија.
Поставени беа и штандови за послужување за учесниците на собирот, како и штандови со рачни изработки на жени од сите краишта на Србија.
Тродневниот собир „Не ја даваме Србија“ започна вчера со дефиле на знамињата на Србија и локалните самоуправи.
Регион
(Видео) „Слободата владее со чаршијата“ – голем протест на српските студенти во Нови Пазар

По Нови Сад, Крагуевац, Ниш и Белград, српските студенти денеска организираат голем протест во Нови Пазар.
Собирот е под мотото „Слободата владее со чаршијата“.
Протестот трае од 11 до 23 часот.
Novi Pazar, sloboda vlada čaršijom
🥰🫶
Pazar je svetpic.twitter.com/XfdFvYsRiS
— Ferida Čustović (@BgFerida) April 12, 2025
Студентите на Државниот универзитет во Нови Пазар, кои го организираат денешниот собир, ги прочитаа барањата и одржаа 17-минутна тишина поради 16 жртви на надстрешницата во Нов Сад и загинатиот млад човек од Нови Пазар, кој загина пред неколку години кога го удри автомобил, но сите детали за таа несреќа сè уште не се разјаснети.
Novi Pazar
pic.twitter.com/eyS9tibLUs— ZEKKI
(@ZekiPejic) April 12, 2025
На повик на студентите од Нови пазар, во знак на поддршка се собраа и граѓани во Ниш.
Свет
Околу 100.000 луѓе на анти-израелски демонстрации во главниот град на Бангладеш

Околу 100.000 луѓе демонстрираа денеска во главниот град на Бангладеш, Дака, против акциите на Израел во Појасот Газа. Демонстрантите се собраа во паркот Сухраварди во близина на Универзитетот во Дака. Тие носеа стотици палестински знамиња и извикуваа слогани како „Слобода за Палестина“.
Многумина ги газеа сликите на американскиот претседател Доналд Трамп, израелскиот премиер Бенјамин Нетанјаху и индискиот премиер Нарендра Моди, обвинувајќи ги дека го поддржуваат Израел. За време на митингот беа носени симболични ковчези и слики на цивилни жртви.
Поддршка за денешниот протест изразија опозициската националистичка партија на Бангладеш, на чело со поранешната премиерка Каледа Зија и други исламистички групи и партии.
Бангладеш, земја со мнозинско муслиманско население со околу 170 милиони жители, нема дипломатски односи со Израел и официјално ја поддржува независна Палестина.