Свет
Седумнаесет загинати во Пакистан во напади врз полицијата
Најмалку 17 лица се убиени во два одвоени напада врз пакистанските полицајци, јавија во четврток светските агенции
Пет лица се убиени во напад на вооружени напаѓачи врз командата на полицијата на Сојузната разузнавачка агенција (FIA) во градот Лахоре. Еден од напаѓачите бил убиен а се’ уште нема прецизни информации дали нападот се случил внатре во зградата и дали повторно имало заложничка криза, јавува репортерот на Reuters. Во истиот град утрово била нападната и полициската академија, но нема никакви информации за жртви.Кусо време пред овие напади во градот Кохат, бомбаш-самоубиец активирал експлозивна направа пред полициска станица, при што загинале десет лица, меѓу кои има и деца, соопштиле полициски извори. Се претпоставува дека овие напади на исламистичките бунтовници во кои загинаа стотина лица се во серијата напади врз полициски и армиски згради, како одмазда за офанзивата што пакистанската армија ја презема против талибаните во северозападната провинција Јужен Вазиристан долж границата со Авганистан. Во овој планински племенски регион се наоѓаат добро утврдени упоришта на талибаните и исламистичките милитанти кои се поврзани со терористичката Ал Каеда.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Свет
Харис: Убиството на Синвар нуди шанса да се стави крај на војната во Појасот Газа
Американскиот потпретседател и кандидат на демократите Камала Харис изјави денеска, по убиството на лидерот на Хамас, Јахја Синвар, дека овој момент нуди шанса да се стави крај на војната во Појасот Газа.
„Правдата е задоволена. Синвар е одговорен за убиството на илјадници невини луѓе, вклучувајќи ги и жртвите на 7 октомври и заложниците убиени во Газа“, рече Харис.
Таа изрази надеж дека наскоро ќе започне „ден потоа без Хамас“ на власт во палестинската енклава, пренесува Ројтерс.
Регион
Во Србија пронајдени три деца киднапирани во Романија
Киднапирани деца од Романија, денеска биле пронајдени во српскиот град Ниш. Министерот за внатрешни работи Ивица Дачиќ денеска за ова ја информирал министерката за внатрешнира работи на Романија.
Случајот во последните денови ја брануваше романската јавност.
Имено, министерот Дачиќ ја информирал својата романска колешка дека припадниците на Министерството за внатрешни работи, Управата за криминалистичка полиција, Службата за сузбивање криминал и Техничката управа, во соработка со Полициската управа во Ниш, постапувајќи по пријава за кривично дело киднапирање извршено во Романија, уапсен е романски државјанин А.М.(1970) поради сомнение дека ги грабнал неговите три малолетни деца, исто така романски државјани на возраст од 11, 9 и 8 години.
Свет
По Германија и Франција ги враќа граничните контроли
Франција најави воведување привремени гранични контроли со шест земји, од 1 ноември 2024 година до 30 април 2025 година, пишува Луксембург Тајмс.
Како што пишува овој медиум, Франција и најавила на Европската комисија гранични контроли на границите со Луксембург, Белгија, Германија, Шпанија, Италија и Швајцарија.
Минатиот месец, Германија повторно ги воведе граничните контроли со Луксембург, поставувајќи контролни пунктови долж автопатите каде Германија ја дели својата граница со Луксембург. Како и Франција и Германија ги карактеризираше своите активности како неопходен одговор на тековните безбедносни закани.