Свет
Американските и српските агенти запленија три тони кокаин

Во заедничка акција на американската агенција за борба против дроги DEA и српската полиција во четврток навечер е прекинат значаен криумчарски синџир
Заплената на 2,8 тони кокаин се случила во водите на Атлантикот, на еден од патиштата за шверцување дроги од Јужна Америка кон Европа.Белградски Blic повикувајќи се на полициски извори наведува дека како продолжение на заедничката акција на американските и српските агенции, во Србија и во Европа се одвива широка акција на апсење на криминалци инволвирани во овој голем шверцерски канал. Според весникот, српските државјани во неколку европски градови се јавуваат како организатори на криумчарењето на кокаинот. Дрогата била наменета за западноевропскиот пазар и со голем чистина, па неговата цена се на улиците се проценува на 250 милиони евра. Од DEA од порано предупредуваа дека Србија е еден од главните канали за подмирување на европскиот пазар со кокаин од Јужна Америка и хеорин од Турција. Во петокот за истиот западноевропски пазар беа откриени шест пакета со 200 килограми кокаин кои биле сокриени на бродот на дното од контејнер со банани. Пратката беше откриена во јужното италијанско пристаниште Џиоа Тауро крај Реџо ди Калабрија а испратена од Еквадор. Неговата пазарна вредност е проценета на околу 24 милиони евра.Дрогата била откриена во заедничка акција на италијанската царина и финансиската полиција во рамките не редовни засилени контроли на веќе познатите меѓународни рути за криумчарење дроги од Јужна Америка кон Западна Европа.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Свет
САД почнаа да ги наплаќаат новите царини на Трамп од 10%

Американските царински службеници почнаа да ја наплаќаат едностраната царина од 10 отсто на претседателот Доналд Трамп за сите увозни производи од многу земји, а повисоките давачки за стоките од 57 главни трговски партнери треба да започнат следната недела.
Меѓу земјите кои први беа погодени од царината од 10 отсто се: Австралија, Велика Британија, Колумбија, Аргентина, Египет и Саудиска Арабија.
Во среда треба да стапат во сила повисоките „реципрочни“ царини на Трамп од 11% до 50%.
Увозот во Европската унија ќе биде погоден со царини од 20 отсто, додека кинеската стока ќе биде погодена со царини од 34 отсто, со што вкупниот износ на новите царини на Трамп за Кина ќе достигне 54 отсто.
Канада и Мексико се ослободени од најновите царини на Трамп, бидејќи тие сè уште подлежат на царина од 25 отсто поврзана со американската криза со фентанил за стоки што не се во согласност со правилата за потекло меѓу САД, Мексико и Канада.
Американскиот претседател ги исклучи стоките како челик и алуминиум, автомобили, камиони и автоделови од ова, бидејќи тие подлежат на специјални царини за национална безбедност од 25%.
Неговата администрација, исто така, објави список со повеќе од 1.000 категории производи ослободени од тарифи. Ова го вклучува увозот на сурова нафта, нафтени деривати и други енергетски производи, фармацевтски производи, ураниум, титаниум, дрва и полупроводници и бакар, чија вредност се проценува на 645 милијарди долари увоз во 2024 година.
Свет
Бројот на загинати во земјотресот во Мјанмар се искачи на 3.354 лица

Бројот на загинати во земјотресот во Мјанмар се искачи на 3.354, додека 4.850 лица се повредени, а 220 се водат како исчезнати, јавија утринава локалните медиуми.
Во исто време, шефот за хуманитарна помош на ОН, Том Флечер, ја пофали работата на хуманитарните организации и организациите во заедницата кои водат одговор на ситуацијата со земјотресот.
Според ОН, повеќе од една третина од населението на Мјанмар сега има потреба од хуманитарна помош.
Флечер вчера беше во Мјанмар, во вториот по големина град Мандалај, кој се наоѓа во близина на епицентарот на земјотресот.
Земјотрес со јачина од 7,7 степени според Рихтеровата скала го погоди Мјанмар на 28 март, а епицентарот се наоѓал на околу 16 километри од Мандалеј, вториот по големина град во земјата.
Уништени се згради во неколку градови и населени места, вклучувајќи железнички и патен мост на автопатот Јангон-Мандалај.
Се случи и силен последователен потрес од 6,4 степени според Рихтеровата скала.
Свет
Полска ја затвора вратата; „Не им верувајте на Путин и Лукашенко, тие ве лажат“

Полскиот премиер Доналд Туск денеска најави „информативна кампања“ во седумте земји од кои доаѓаат повеќето мигранти за да ги спречат да влезат во Полска преку Белорусија.
Поради оваа миграција, која, по Варшава, беше оркестрирана од Минск и Москва, на крајот на март, Полска го ограничи правото на азил на странците по пристигнувањето на границата со Белорусија.
Туск исто така рече дека „илјадници војници, граничари и полицајци, камери и дронови го следат секој метар од границата 24 часа на ден“.
Туск не прецизираше во кои земји ќе се одвива „информативната кампања“ што ја најави.
Најголем дел од мигрантите кои сакаат да влезат во Полска се од Блискиот Исток и Африка.
„Нашата порака ќе биде едноставна: полската граница е затворена! Не им верувајте на шверцерите, не верувајте му на белорускиот претседател Лукашенко, не му верувајте на Путин! Ве лажат кога велат дека ова е патот до Европа. Тоа не е точно! рече Туск.
Според полските граничари, повеќе од 30.000 луѓе се обиделе илегално да ја преминат границата со Белорусија во 2024 година.
Полска постави метална гранична ограда висока пет метри со софистицирани уреди за надзор и распореди илјадници војници по неа.