Свет
Доставени протоколите до турскиот Парламент за нормализација на односите со Ерменија

Турската Влада денеска до Големото народно собрание на Турција ги доставила за ратификација двата протоколи за нормализација на билатералните односи со соседна Ерменија
Како што јави телевизијата Си-Ен-Ен, предвидено било турскиот министер за надворешни работи, Ахмет Давутоглу да ги информира пратениците за содржината на протоколите, по што ќе има одвоени средби со претставници на сите пратенички групи.Давутоглу и шефот на ерменската дипломатија, Едуард Налбандијан на 10 октомври во Цирих ги потпишале протoколите за развој на билатералните односи и за воспоставување на дипломатски односи меѓу Турција и Ерменија.Со Протoколот за развој на билатералните односи се предвидувало во рок од два месеци по стапувањето на сила на овој документ да биде отворена границата меѓу Турција и Ерменија, да започнат редовни консултрации меѓу министерствата за надворешни работи на двете земји, да се воспостават меѓусебни сообраќајни врски и трговска и економска соработка и да се развива договорно-правната сфера.Со вториот Протоколот се воспоставуваат дипломатски односи меѓи Анкара и Ереван и двете страни се обврзуваат да отворат дипломатско-комзуларни претставништва во другата земја.Поптишувањето на протоколите било поздравено од меѓународната заедница, но наишло на остри критики од страна на опозициските партии во Турција и во Ерменија.Турската опозиција оценила дека протоколите претставуваат „абдикација“ на Анкара пред притисокот на големите сили, како и дека 10 октомври ќе стане „црн ден за Турција“, бидејќи со потпишувањето на документите „се оставаат на цедило турските браќа во Азербејџан“.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Свет
Американскиот сенатор Греам: Го молам Ватикан да размисли Трамп да биде папа

Американскиот сенатор Линдзи Греам, републиканец од Јужна Каролина, во објава на „Икс“ напиша дека Трамп треба да биде новиот папа.
„Бев возбуден кога слушнав дека претседателот Трамп е отворен за идејата да стане следниот папа. Навистина би бил кандидат во сенка, но би ги замолил конклавата и католичките верници да бидат со отворен ум за оваа можност! Првата комбинација папа – претседател на САД има многу предности. Ние го следиме белиот чад… Трамп MMXXVIII!“, напиша тој на „Икс“.
Доналд Трамп вчера изјави дека би сакал да биде папа. „Би сакал да бидам папа. Тоа би бил мојот прв избор“, му рече американскиот претседател на новинар, кој го праша за конклавата.
Тој продолжи нагласувајќи дека нема фаворит, но посочи дека Тимоти Долан, надбискупот на Њујорк, би можел да биде добар избор. „Не знам. Немам фаворит. Но, морам да кажам дека имаме кардинал од место наречено Њујорк, кој е многу добар, па ќе видиме што ќе се случи“, рече Трамп.
Греам е познат по значајните промени во политичките ставови, особено во врска со Доналд Трамп и надворешната политика.
Европа
Осумнаесет општински службеници во Истанбул завршија во затвор

Турски суд затвори 18 службеници на градската власт во Истанбул поради обвиненија за корупција продолжувајќи ја репресијата против опозицијата поради која беше затворен и градоначалникот Екрем Имамоглу.
Имамоглу, главен политички ривал на претседателот Ердоган и водечки на анкетите, беше затворен во март во очекување судење по обвиненијата за корупција. Тој се соочува и со обвиненија за помагање терористичка група.
Градоначалникот ги негира сите обвиненија, а неговото апсење ги предизвика најголемите протести во Турција во последната деценија, економски превирања и обвинувања за политизирано судство. Владата ги отфрла овие тврдења и вели дека судството е независно.
НТВ објави дека 34 од 52 лица приведени за време на викендот биле ослободени со кауција. Турските медиуми пред четири дена објавија дека властите привеле десетици вработени во општина Истанбул како дел од правните истраги насочени кон Имамоглу проширувајќи ја репресијата против опозицијата, која почна кон крајот на минатата година.
Меѓу приведените се генералниот секретар, началникот на кабинетот на Имамоглу и претседателот и заменик-претседателот на Управата за водоснабдување и канализација.
Европа
Шведската полиција уапси осомничен за пукањето во кое загинаа три лица

Шведската полиција објави дека привела осомничено лице по пукањето во кое загинаа три лица во градот Упсала во вторникот.
Лицето е осомничено за убиство и е едно од неколкуте лица што се испрашуваат како дел од истрагата, изјавија полицајци за новинарите.
Пукањето се случило во фризерски салон во Упсала, додадоа тие.
Полицијата соопшти дека инцидентот се смета за изолиран и не е поврзан со големите прослави на Валпургиската ноќ, што се очекуваат во Упсала в среда.