Вооружени лица на мотори отвориле оган на автомобил на висок штабен офицер на пакистанската армија во центарот на главниот град Исламабад

Нема жртви и повредени во престрелката која се случила во густо населен станбен дел од Исламабад, а напаѓачите успеале да побегнат, изјавил за локалните медиуми претставник на пакистанската полиција Куршид Кан.„Двајца мажи на мотори отвориле оган врз автомобилот на штабниот офицер Вагара Ахмед, но тој не е погоден“, рекол Кан додавајќи дека и мајката на офицерот која била во автомобилот и возачот останале неповредени. Минатиот четврток во сличен напад беа убиени штабен офицер, помошник на силите на Обединетите нации во Судан, и неговиот возач.За овие напади досега никој не ја има преземено одговорноста, но пакистанската полиција ги припишува како составен дел од бранот терористички акти од кои најкрвав беше нападот на штабот на армијата во Равалпинди на 10 октомври.