Две лица се егзекутирани во Кина, откако беа осудени за учество во манатогодишните немири во Тибет, потврди кинеското Министерство за надворешни работи, пренесува Reuters

Тибетските активисти за автономија на Тибет и ослободување од киенската управа на планински регион во границите на западна Кина, во понеделник соопшти дека Лобсан Гијлцен и Лојак (Тибетанците понекогаш користат само едно име) биле ликвидирани по обвинение дека подметнале пожар при немирите во главниот провинциски град Ласа, во март минатата година. Тибетски протестите предводени од будистичките свештеници против кинеското владеење избувнаа на 14 март 2008 г., беа проследени и со вандализам при што имаше и многу повредени Кинези. Во немирти загинаа најмалку 19 лица, според податоците на кинеските власти, што предизвика големи протести низ тибетските области. Тибетски активисти во егзил тврдат дека биел убиени повеќе од 200 лица. Ма Жаоксу, портпарол на кинеското Министерство за надворешни работи, не дал никакви појаснувања за егзекуциите, само потврдил дека тие се поврзани, како што рекол – со ланското насилство во Ласа. Притоа го обвинил тибетскиот духовен водач во егзил Далај Лама дека има вина и одговорноста за насилствата и жртвите. „При процедурата правата на обвинетите беа целосно почитувани. За двајцата криминалци кои беа егзекутирани, правдата беше строго спроведена и при првата и при втората постапка која беше и пред Врховниот народен суд“, изјавил Ма на прес-конференција. Минатата седмица петстотини Тибетанците, повеќето будистички монаси и монахињи, изведоа протестен марш низ градот Дарамсала во северна Индија, каде што е сместена тибетската влада во егзил, демонстррирајќи врз насилството и убиствата што кинеските власти го извршиле при четирите протести на Тибетанците минатата година.