Свет
Што понесе претседателот на Еквадор од Москва?
Русите покажаа висока дипломатска способност за ширење на своето влијание и на другата страна од океанот и ги отворија прашањата за признавање на Абхазија и Јужна Осетија како и изградба на православен храм во Еквадор
Претседателот на Еквадор, Рафаел Кореа ја прогласи за успешна неговата посета на Русија, која е прва посета од таков вид во историјата на руско-еквадорските дипломатски односи.
Кореа во Москва пристигнал во средата.
По средбата со својот руски колега, Дмитриј Медведев во четвртокот, двете земји потпишале пакет документи за соработка во енергетиката и снабдувањето со нафта, а исто така ја прифатиле и декларацијата за стратегиско партнерство. Вчерашниот последен ден од посетата, Кореа го искористил за средба со премиерот Путин и со Рускиот патријарх Кирил.
Откако посетата заврши може да се каже дека Русите покажаа висока дипломатска способност за да го зајакнат своето влијание и на другата страна од океанот. Така, се отворија и прашања од типот признавање на двете поранешни грузиски територии како и изградба на православен храм во престолнината , во срцето на Еквадор.
Признавање на новите држави
Претседателот на Еквадор од Москва најави дека неговата земја е спремна да го разгледа прашањето за признавање на независноста на Јужна Осетија и Абхазија, доколку добие соодветно официјално барање.
Прва земја што ја призна независноста на двете поранешни грузиски автономни територии беше Русија. Тоа се случи во август 2008 г. кратко време по петдневната војна со Грузија, која започна кога грузиските сили ја нападнаа Јужна Осетија со цел да ја задржат контролата на територијата. Веднаш по Москва, Никарагва и Венецуела се единствените други држави кои ја признаа независноста на двете земји, штитенички на Русија.
„Што се однесува на прашањето за Јужна Осетија и Абхазија, тоа не го разгледавме во текот на посетата. Но, доколку тие два региони поднесат официјално барање до Еквадор за нивното признавање, сериозно ќе го разгледаме“, изјавил Кореа.
По ваквите изјави веднаш се огласија и властите во Јужна Осетија и Абхазија, кои веднаш ги направија потребните чекори.
„Јужна Осетија ќе поднесе официјално барање. Ќе бидеме благодарни ако лидерот на Еквадор и другите земји ја признаат нашата независност“, изјави министерот за надворешни работи на Јужна Осетија, Мурат Џиојев.
„Ние работиме на тоа поле. Абхазија веќе има направено чекори во тој правец и ќе продолжиме да работиме“, изјавил абхазискиот министер за надворешни работи, Сергеј Шамба, но не дал точен датум.
Православен храм во Кито
„Ако во најкраток можен рок би изградиле храм во Еквадор, кој би бил толку убав како овој во кој се наоѓаме, тоа би претставувало голема радост за нас“, заклучил Кореа при средбата со Рускиот патријарх Кирил во катедралниот храм „ Христос Спасител“.
Од извештајот што го објави официјалниот веб-сајт на РПЦ дознаваме дека Патријархот Кирил говорејќи за рускојазичната дијаспора, напомнил дека во почетокот на 90-тите години во градот Мачала во Еквадор се појавила малубројна православна општина, и изразил надеж дека во престолнината Кито ќе биде изграден храм, што ќе биде круна на добрите руско-еквадорски односи.
На претседателот Кореа, како што кажал, длабок впечаток му оставил и разговорот со патријархот Кирил при неговата посета на Еквадор во 2008 г. уште во времето кога не бил прогласен за патријарх.
Нарекувајќи ја политиката на државен атеизам „една од сериозните последици на социјализмот од минатитот век“, Кореа изјавил дека „Руската православна црква ги добива сите можности и основи да ја прошири својата пастирска дејност во Еквадор“.
Според зборовите на еквадорскиот лидер, без оглед на тоа што посетата траела три, од кои два работни дена, „интензивноста на посетата го навела да помисли дека таму поминал две недели“.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Свет
Трамп: Роберт Де Ниро е болен и дементен човек, има екстремно низок коефициент на интелигенција
Американскиот претседател Доналд Трамп ги критикуваше демократските конгресменки Илхан Омар и Рашида Тлаиб и актерот Роберт Де Ниро.
„Кога ги гледате Илхан Омар и Рашида Тлаиб со низок IQ како неконтролирано врескаат синоќа на многу елегантно обраќање за состојбата на нацијата, толку важен и прекрасен настан, тие имаа испакнати, крвави очи како луди луѓе, ЛУДИ, ментално растроени и болни луѓе кои, искрено, изгледаат како да треба да бидат институционализирани.
Кога некој може да се однесува така, а знаеме дека се скапани и корумпирани политичари, толку лоши за нашата земја, треба да ги вратиме таму од каде што дошле. Колку побрзо толку подобро. Тие можат само да им наштетат на Соединетите Американски Држави, не можат ништо да направат за да им помогнат“, напиша Трамп на социјалната мрежа Truth Social.
„Всушност, тие треба да се качат на брод со Роберт Де Ниро, уште еден болен и дементен човек за кој верувам дека има екстремно низок коефициент на интелигенција и нема апсолутно никаква идеја што прави или зборува, а дел од тоа е сериозно КРИМИНАЛНО!
Кога го гледав како се расплакува синоќа, како дете, сфатив дека можеби е уште поболен од лудата Роузи О’Донел, која моментално е во Ирска обидувајќи се да сфати како да се врати во нашите прекрасни Соединети Држави.
Единствената разлика помеѓу Де Ниро и Роузи е што таа е веројатно малку попаметна од него, што не е мал подвиг. Добрата вест е дека Америка е поголема, подобра, побогата и посилна од кога било досега, а тоа ги излудува“, заклучи Трамп.
Регион
(Видео) Вучиќ утрово го посети Дачиќ: Неговата состојба е нешто подобра
Српскиот претседател Александар Вучиќ утрово, на пат кон Казахстан, објави дека го посетил министерот за внатрешни работи Ивица Дачиќ и дека неговата здравствена состојба е малку подобра. Вучиќ го објави ова од авионот, пренесува РТС.
„Го посетив Ивица утрово. Лекарите велат дека неговата состојба е малку подобра. Верувам во него, а сега на пат кон Казахстан за одлични резултати за нашата Србија“, напиша Вучиќ на својот профил на Инстаграм.
Тој додаде дека закрепнувањето на Дачиќ е во тек, но дека претпазливоста е сè уште неопходна.
„Секако, претпазливоста е сè уште неопходна и ништо не е сигурно, но е подобро, на радост на неговото семејство и на сите луѓе што го сакаат“, рече Вучиќ.
Свет
Клинтонови ќе сведочат за врските со Епстин по заканата со санкции
Четвртина век по напуштањето на Белата куќа, Бил и Хилари Клинтон се само неколку часа од нова правна пресметка со републиканците во Претставничкиот дом. Тие се подготвуваат да сведочат во конгресната истрага за осудениот сексуален престапник Џефри Епстин.
По месеци борба да избегнат сведочење во она што го нарекоа републикански заговор, тие се согласија да сведочат само кога Претставничкиот дом се приближи кон гласање дали да ги повика на одговорност за непочитување на Конгресот, објави Си-ен-ен.
Се очекува на Клинтонови да им се придружат и нивните адвокати, Дејвид Кендал и Шерил Милс, кои работеа на деталите за можните прашања. Сведочењето е закажано за Чапаки, Њујорк, каде што живеат Клинтонови. Хилари Клинтон треба да сведочи денес, а Бил Клинтон е закажано да сведочи утре.
Местото беше договорено помеѓу Кендал и претставникот Џејмс Комер, претседателот на Комитетот за надзор на Претставничкиот дом, за да се избегне понижувањето и преседанот на повикување на поранешен претседател на Капитол Хил на сослушување. „Никој не сугерира дека Клинтонови направиле нешто нелегално“, рече Комер. „Само имаме многу прашања.“
За да се подготват, Клинтонови се повлекоа, понекогаш заедно, понекогаш одделно, за да ги освежат сеќавањата на годините на Епстин, но исто така и да подготват одбрана и линии на напад против потенцијално непријателски настроени испрашувачи. Републиканците се обидоа да ги третираат како целина, но одделните сведоштва ги нагласуваат потенцијално огромните разлики во информациите што можеа да му ги понудат на одборот.
Real face of Bill Clinton in the newly released Epstein files.
Sick. Disgusting. pic.twitter.com/IOrVJ29qnP
— Saniyaa (@Saniya_physic) February 18, 2026
Според анализата на Си-ен-ен, Бил Клинтон патувал со приватниот авион на Епстин најмалку 16 пати, а во досиејата објавени од Министерството за правда на САД, тој бил фотографиран со жени во џакузи. Тој бил фотографиран и со Гислен Максвел, поранешната девојка на Епстин и трговец со луѓе.
Хилари Клинтон изјави дека никогаш не го запознала Епстин. Бил Клинтон никогаш не бил обвинет во врска со Епстин, а неговиот портпарол постојано повторуваше дека тој ги прекинал врските со него пред апсењето на Епстин во 2019 година и дека не бил свесен за какво било кривично дело.
Се очекува испрашувањето на Бил Клинтон да биде долго, можеби подолго од петте часа што ги сведочеше соработникот на Епстин, Лес Векснер, минатата недела. Сведочењето ќе биде снимено, а персоналот на републиканскиот одбор планира да ги објави видеата во рок од неколку дена.
(Видео) Вучиќ утрово го посети Дачиќ: Неговата состојба е нешто подобра
Српскиот претседател Александар Вучиќ утрово, на пат кон Казахстан, објави дека го посетил министерот за внатрешни работи Ивица Дачиќ и...
Клинтонови ќе сведочат за врските со Епстин по заканата со санкции
Четвртина век по напуштањето на Белата куќа, Бил и Хилари Клинтон се само неколку часа од нова правна пресметка со...
(Видео) Бројот на жртви во поплавите во Бразил се искачи на 46: потрагата по исчезнатите е во тек
Бројот на жртви од катастрофалните поплави во бразилската држава Минас Жераис се искачи на 46, соопштија пожарникарите во среда. Поплавите...
Ким Џонг Ун најави зајакнување на нуклеарниот арсенал
Севернокорејскиот лидер Ким Џонг Ун најави зајакнување на нуклеарниот арсенал на земјата и развој на нови стратешки системи за оружје,...
„Следните 72 часа се клучни“: Се огласи доктор од клиниката каде што се лекува Дачиќ
Српскиот вицепремиер и претседател на Социјалистичката партија на Србија, Ивица Дачиќ, вчера беше хоспитализиран на Клиниката за пулмологија на Клиничкиот...
Ивица Дачиќ итно хоспитализиран, во тешка состојба
Српскиот министер за внатрешни работи и вицепремиер Ивица Дачиќ вчера вечер беше хоспитализиран со билатерална пневмонија, тој е во сериозна...
Уставниот суд: Нема постапка за пензиите, запрена за Кривичниот законик
По 5. седница на Уставниот суд, претседателот Дарко Костадиновски и судијата проф. Осман Кадриу информираа за одлуките по предмети од...
Преживеаните музичари од „Пулс“ сведочеа дека не виделе кој ги наместил и активирал прскалките кобната ноќ: „Пожарот почна на рефренот, тргнав кон врата која беше заклучена“
Со опис на првите искри, паниката и стампедото во кое животот го загубија 63 лица, денеска продолжи судењето за пожарот...
Петрушевски: Тужбата за клевета нема да го испере Заев, стојам зад секој кажан збор
Тужбата за клевета нема да го испере Заев, ниту ќе ја сокрие вистината, вели пратеникот од ВМРО-ДПМНЕ, Бране Петрушевски, по...
Заев поднесе тужби против Бране Петрушевски и Жан Митрев
Поранешниот премиер и лидер на СДСМ, Зоран Заев поднел тужби против Бране Петрушевски и Жан Митрев за како што вели,...
Стојаноски за платите на функционерите: се намалуваат за над 10.000 денари, законското решение е согласно Устав
„Поднесовме предлог на измена на шест закони, со овој пакет на закони се опфаќаат Законот за пратениците, Законот за плата...
Политичарите да се воздржат од коментирање на одлуката за притворот на Груби, апелира Здружението на јавните обвинители
Здружението на јавните обвинители апелира до сите политички партии и функционери да го почитуваат и да не го загрозуваат начелото...
(Видео) „Обвинителството се заплетка со притворот за Груби, се покажа дилот, сè е договорено“, вели Кузеска
„Политичкиот дил ВМРО-ДУИ со Груби веќе на сите им è јасен, граѓаните знаат што се случува. Разоткриенo е секое делче...
Обвинителите бараат итно да се повлече од дневен ред точката за намалување на нивните плати: Се загрозува независноста со економски притисок
Здружението на јавните обвинители утрово испрати итка рекација до Собранието во која бараат да биде повлечена од дневен ред на...
Претседателот на Албанија во тридневна посета на Македонија, посебен режим на сообраќајот во Скопје
В четврток, петок и сабота, во официјална посета на Република Северна Македонија ќе престојува Бајрам Бегај, претседател на Република Албанија....
Вчера за првпат откако функциниора „Безбеден град“ не е регистрирано ниту едно минување на црвено светло
Првпат откако функциниора системот „Безбеден град“, на 24.02.2026 не е регистриран ниту еден прекршок за минување на затворен семафор –...
Утре без струја неколку скопски населби
Поради реализација на инвестициски зафат, а со цел подобрување на квалитетот во снабдувањето со електрична енергија, во четврток 26.02.2026 година,...
Отворени се 22 нови рути кои ја поврзуваат Македонија со цела Европа, објави Николоски
Вицепремиерот Николоски на својот фејсбук профил објави мапа со воспоставени 22 нови авио дестинации кон Европа од двата домашни аеродроми....
Додека Артан Груби гледа телевизија дома, во ДУИ преовладува паничен напад од прв до последен, велат од „Вреди“
Артан Груби е црната кутија на ДУИ. Не е обичен поранешен функционер во куќен притвор, туку човекот што ги знае...
Британската влада ќе објави доверливи документи за назначувањето на поранешниот принц Ендру
Британската влада ќе објави доверливи документи за назначувањето на поранешниот принц Ендру за трговски претставник, што е резултат на жестока...
