Свет
Арапите и муслиманите во САД страхуваат од одмазда
Арапи и муслимани во САД стравуваат напади, откако воениот психијатар од арапско потекло уби 13 војници во воената база Форт Худ во Тексас, пренесува Reuters
Според последните сведочења на очевидци мајорот др. Нидал Малик Хасан, при отворањето на оганот врз војниците во тексашката база Форт Худ, извикал „Алах акбар“! (Бог е голем).Тој е роден во САД, а неговите родители се палестински имигранти.Хасан пишува агенцијата, со четири прострелни рани бил во кома. Според лекарите, раните се сериозни и не се знае дали ќе преживее. Мотивите за нападот се уште не се познати, но полицијата го проверува неговото живеалиште, компјутерот и личните предмети.Според американските аналитичари, во известувањето на медиумите од масакрот во американската воена база премногу била истакнувана етничката припадност и религијата на напаѓачот. Ендру Грант Томас од Институтот за расни и етнички истражувања во Охајо вели дека некои политичари го злоупотребуваат случајот за да ги рашират стравовите од исламскиот екстремизам.Во саботата претставници на арапски и муслимански заедници во САД тврдат дека страхуваат од одмазднички напади, и покрај тоа што портпаролот на Министерството за правда изјави дека нема информации за такви инциденти по нападот. Овие зедници во САД го осудија нападот и изразија сочувства до семејствата на убиените и ранетите. Тие истакнаа дека не постои политичка или религиозна идеологија којашто оправдува вакво насилство.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Свет
(Видео) Се урна американски Ф-16
Американски борбен авион F-16C Fighting Falcon на воздухопловни сили „Thunderbirds“ се урна во оддалечена пустинска област јужно од аеродромот Трона, на работ на Националниот парк „Death Valley“.
Пилотот претрпел полесни повреди. Снимките објавени на социјалните мрежи го покажуваат моментот кога авионот се урнал и пилотот се катапултирал.
An F-16C fighter jet belonging to the US Air Force Thunderbirds crashed near Trona Airport in California.
Follow: https://t.co/7Dg3b41hTx pic.twitter.com/bKrgKNOTa0
— PressTV Extra (@PresstvExtra) December 3, 2025
Во објава на Икс, официјалниот профил на американските воздухопловни сили „Thunderbirds“ го потврди инцидентот:
— Thunderbirds (@AFThunderbirds) December 3, 2025
„На 3 декември 2025 година, околу 10:45 часот наутро, пилот на Thunderbird безбедно се катапултираше од авионот F-16C Fighting Falcon за време на обука во контролиран воздушен простор во Калифорнија. Пилотот е во стабилна состојба и добива постојана медицинска нега. Инцидентот е под истрага, а дополнителни информации ќе бидат објавени од Канцеларијата за односи со јавноста на 57-то крило“, рекоа тие.
Свет
Нови израелски напади врз Газа: погодени шатори за бегалци, повеќе мртви
Петмина Палестинци вчера беа убиени, а неколку други беа повредени кога израелските авиони гаѓаа шатори и импровизирани засолништа за раселени лица западно од Кан Јунис во Газа, според медицинскиот персонал во болницата во Полски Кувајт. Нападите го погодија крајбрежното подрачје на Ал-Маваси.
Спасувачите изјавија за Би-би-си дека ги пронашле телата во кампот Ал-Наџат, група шатори во кои се сместени стотици раселени лица во последните месеци.
Сведоци рекоа дека првиот напад погодил шатор во зоната за раселување Ал-Маваси, по што следеле експлозии во близина на болницата, предизвикувајќи паника кај семејствата што престојуваат таму.
Израелската војска соопшти дека „гаѓала терорист на Хамас во јужниот дел на Појасот Газа“. Додаде дека нападите дошле откако петмина израелски војници биле ранети во областа Рафа во Газа.
„Терористичката организација Хамас изврши флагрантно кршење на договорот за прекин на огнот, за време на кој терористите ги нападнаа силите на ИДФ распоредени во областа Рафа“, се вели во соопштението на израелската војска. Израелскиот премиер Бенјамин Нетанјаху претходно изјави дека ќе „одговори соодветно“ на нападот.
Свет
Мадуро потврди дека разговарал со Трамп
Венецуелскиот претседател Николас Мадуро во средата потврди дека пред околу 10 дена имал „срдечен и полн со почитување“ телефонски разговор со американскиот претседател Доналд Трамп. Мадуро, исто така, во телевизиско обраќање рече дека се преземаат чекори кон дијалог меѓу двете земји.
„Пред околу 10 дена, Белата куќа се јави во палатата Мирафлорес и јас разговарав по телефон со претседателот Доналд Трамп. Ако овој повик значи дека преземаме чекори кон дијалог со почит, од држава до држава, од земја до земја, тогаш добредојдовте во дијалогот, добредојдовте во дипломатијата, бидејќи секогаш ќе бараме мир“, додаде тој.
Претседателот Трамп го потврди разговорот во неделата. „Не би рекол дека поминал добро или лошо. Беше телефонски повик“, рече американскиот претседател на бродот „Ер Форс Уан“.
Разговорот доаѓа во време кога САД го засилија притисокот врз Венецуела со големо воено распоредување на Карибите, воздушни напади врз бродови за кои се сомнева дека шверцуваат дрога на море, предупредувања за воздушни патувања и повторени разговори за напади на венецуелска територија.
Трамп ја обвинува Венецуела дека води операција за трговија со дрога што го преплавува американскиот пазар, обвинение што Каракас го негира, велејќи дека вистинската цел на Вашингтон е промена на режимот и контрола на нафтените резерви на Венецуела.

