Американскиот федерален суд го осудил водачот на еден од најмоќните мексикански наркокартели Хуарес, на 27 години затвор, поради криумчарење на најмалку 200 тони кокаин во САД, јави Reuters

Гилберт Салинас Дориа ја призна вината во декември минатата година, откако мексиканските им го предаде на американските правосудни органи во март 2007 г.Медиумите наведуваат дека Дориа признал дека во две мексикански сојузни држави кои граничат со Тексас, примил најмалку 200 тони кокаин од картелот Хуарес во периодот меѓу 1994 и 1999 г.Дориа обезбедувал натамошен транспорт и испорака на кокаин на нарко-дистрибутерите на големо во Њујорк и во другите американски градови.Кон крајот на октомври, уште еден мексикански нарко-бос – на злогласниот наркокартел Сонора, пред американскиот суд во сојузната држава Денвер призна дека е виновен. Мигуел Анхел Каро Квинетро кој го предводи картелот Сонора повеќе од една деценија во САД прокриумчарил стотици тони марихуана и кокаин во текот на ’80-те . Тој признал дека е виновен за рекетирање и шверц на дрога, за што може да биде осуден на 20 години затвор.Претходно картелот го водел неговиот брат кој во 1985 г. бил уапсен во Костарика, а во Мексико отслужува 40-годишна казна затвор заради убиство. Потоа Мигел го преземал водството на картелот и во 2000-та го направил еден од најголемите шверцерски синџири за дрога во САД. Бил уапсен во Мексико во 2001 г. и откако ја отслужил казната за нелегална трговија со дроги, годинава им е предаден на американските власти.Откако стапи на функција мексиканскиот претседател Фелипе Калдерон, на САД му се предадени околу 190 осомничени за шврецување наркотици.