Свет
Тунел за шверц на наркотици откриен на мексиканско-американската граница
Мексиканските власти под границата со САД откриле недоизграден тунел, што водел кон Сан Диего, изјавила американската служба за борба со наркотиците, пренесуваат американските медиуми
Подземниот премин со должина од околу 300 метри бил опремен со лифт, вентилациски систем и осветлување. Влезот му бил во мексиканскиот град Тихуана. На американска територија биле прокопани приближно 250 метри, но излезот се уште не бил готов.Мексиканските власти уапсиле над дванаесет лица во тунелот, чија длабочина била меѓу 20 и 30 метри.Властите сметале дека тој бил изграден за околу две години.Според извештај на американската Влада, цитиран од американските медиуми, искористен бил само мал дел од финансиската помош за Мексико и земјите од Централна Америка во нивната борба против организираниот криминал.Поради бирократски пречки, условите на Конгресот и подготвителна работа ви самите држави за кои помошта била предвидена, кон крајот на септември биле потрошени едвај 26 милиони долари од предвидените 1,4 милијарда.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Свет
Белгија издвојува девет милиони евра за украинската енергетска инфраструктура
Белгија ќе додели дополнителна помош од девет милиони евра за да придонесе за поправка на оштетената енергетска инфраструктура во Украина, најави белгиската министерка за развојна соработка, Каролин Генез.
„Преку ОН, Белгија ќе придонесе за поправка на енергетската инфраструктура околу градот Харков, кој сега секојдневно трпи бомбардирање од руската армија. Со воена поддршка, овие средства ќе помогнат да се изгради отпорноста на Украина“, рече министерот, пренесува RTBF.
Според неа, Белгија ќе одвои средства за поддршка на проекти во рамките на Програмата за развој на Обединетите нации, која е специјализирана за економски развој.
Свет
Генералното собрание на ОН го повика Советот за безбедност да ја прими Палестина за членка
Генералното собрание на Обединетите нации ги зајакна правата на Палестина во рамките на организацијата и повика таа да биде прифатена како членка, пренесува Би-Би-Си.
Палестина има статус на земја-набљудувач не-членка од 2012 година, што дозволува некои права помалку од полноправна членка.
За членството може да одлучува само Советот за безбедност на ОН.
САД неодамна ставија вето на кандидатурата за полноправно членство, но гласањето денска може да се смета како гест на поддршка за Палестинците.
Палестинскиот претседател Махмуд Абас ја поздрави резолуцијата, велејќи дека таа ги поддржува палестинските напори за уште едно гласање за ова прашање од страна на Советот за безбедност.
Свет
Шпанија, Ирска и Словенија ќе ја признаат Палестина на 21 мај
Шпанија, Ирска и Словенија планираат симболично да ја признаат Палестинската држава на 21 мај, изјави шефот за надворешна политика на ЕУ, Жозеп Борел.
Тој го потврди датумот во интервју за шпанското јавно радио, откако ирскиот јавен радиодифузен сервис РТЕ објави дека тоа е моментот кога сите три земји планирале да дејствуваат.
Словенечката влада вчера соопшти дека донела декрет за признавање на палестинска држава, што ќе биде внесен во нејзиниот парламент до средината на јуни.
Потоа, најверојатно ќе има повеќе нации што ќе го следат примерот бидејќи и Белгија одлучи да го стори тоа, додаде Борел.