Свет
Сенатот на САД го прифати буџетот од 1.100 милијарди долари
Американскиот сенат во неделата го прифати буџетскиот пакет во висина од 1.100 милијарди долари со кој ќе се покриваат трошоците на владата до крајот на септември 2010 г.
Пакетот е прифатен со 57 гласови „за“ и 35 „против“, пренесуваат американските медиуми. Тој содржи шест буџетски закони кои беа придодадени во последен момент, за на Сенатот да му се остави доволно време за главната расправа – законот за реформите на американскиот здравствен систем.Повеќе од половината од сумата ќе бидат наменети за владините проекти за здравствена заштита за старите лица, хендикепираните и сиромашните, ткн. проекти Медикер и Медиејд. Другите 450 милијарди долари ќе бидат распоредени за други намени, од активности на вселенската програма NASA, како и за државните железници Амтрак, за јавните училишта и за патишта. Така, на пример, NASA ќе добие 3,8 милијарди долари за програмата за вселенски летови со човечки екипаж, FBI ќе добие 7,9 милијарди долари, Управата за медицинска грижа на ветераните 45,1 милијарди, Националниот институт за здравје 31 милијарди што е за 692 милиони долари повеќе отколку во 2009 г. Од вкупно 12 буџетски закони за американската фискална година која започнува на 1-ви октомври, претходно пет беа прифатени и претседателот Барак Обама веќе ги потпиша, а остана уште за потпишување законот за воениот буџет во висина од 626 милијарди долари. Американскиот Конгрес наскоро ќе го разгледува и предлогот за зголемување на горниот лимит на вкупниот буџетски дефицит кој изнесува 1.210 милијарди долари, и со предлогот на администрацијата дела од средствата од програмата TARP кои санираните банки ги враќаат во државната каса, да се искористат за вработување. Опозициските републиканци остро го критикуваа овј пакет закони, заради зголемената потрошувачка и буџетскиот кусок, како и за податокот дека содржи и речиси пет илјади ткн. „пет проекти“, кои претставниците на двете партии ги насочуваат кон своите изборни единици а кои се вредни 3,9 милијарди долари.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Европа
(Видео) Украинци: Експлодираше главниот нафтовод што ја снабдува Москва
Главниот нафтовод што испорачува нафтени деривати во Москва експлодираше во рускиот регион Рјазан, дознава „Укринформ“ од извор во Одбранбена разузнавачка служба на Украина (ДИУ).
Според нив, вчера се случила силна експлозија на нафтоводот Рјазан-Москва, еден од главните правци за снабдување на руската престолнина со нафтени производи.
Според извори на ДИУ, откако локалните канали на Телеграм во Рјазан пријавија гласна „експлозија“ на дел од цевководот, избувна голем пожар. Пожарникарите и амбулантните возила беа испратени во рок од неколку часа за да го изгаснат пожарот, објави Укринформ.
An explosion reportedly hit the Ryazan-Moscow oil pipeline on August 26, one of the key fuel supply routes to the Russian capital. The pipeline, repurposed in 2018 by Transneft to transport gasoline—also used by Russia’s military—is now out of operation, RBC-Ukraine reports. pic.twitter.com/qF3Yz4M60X
— NOELREPORTS 🇪🇺 🇺🇦 (@NOELreports) August 27, 2025
Жителите пријавија дека полицијата и други тимови се во областа на селото Божатково во регионот Рјазан, работејќи на отстранување на последиците од експлозијата и пожарот.
Според украинските медиуми, од 2018 година, овој цевковод е пренаменет за снабдување со бензин на компанијата „Транснефт“, која исто така снабдува гориво и за руската војска.
Според ДИУ, инцидентот предизвикал протокот на нафтени производи кон Москва да биде суспендиран на неодредено време.
фото: принтскрин
Свет
Данска го повика на разговор американскиот амбасадор по извештајот за спроведувањето на операцијата за влијание во Гренланд
Министерот за надворешни работи на Данска го повика на разговори највисокиот американски дипломат во земјата откако главниот радиодифузер на земјата објави во средата дека најмалку три лица поврзани со американскиот претседател Доналд Трамп спроведуваат тајни операции за влијание во Гренланд.
Јавниот радиодифузер DR објави во средата дека владини и безбедносни извори, кои не ги именуваше, како и неидентификувани извори во Гренланд и САД, веруваат дека најмалку тројца Американци поврзани со Трамп спроведуваат тајни операции за влијание на таа територија.
Се вели дека нивната приказна се базира на информации од вкупно осум извори, кои веруваат дека целта е да се ослабат односите со Данска од самото гренландско општество.
Данската телевизија објави дека не може да разјасни дали Американците работеле по сопствена иницијатива или по наредба на некој друг.
„Свесни сме дека странските актери продолжуваат да покажуваат интерес за Гренланд и неговата позиција во Кралството Данска“, рече данскиот министер за надворешни работи Ларс Локе Расмусен.
Тој го изјави ова во соопштение испратено од неговото министерство по е-пошта.
„Затоа, не е изненадувачки ако во иднина доживееме надворешни обиди да влијаат врз иднината на Кралството. Секој обид за мешање во внатрешните работи на Кралството, секако, ќе биде неприфатлив“, рече Расмусен.
„Во таа насока, го замолив Министерството за надворешни работи да го покани вршителот на должноста амбасадор на САД на состанок во Министерството“, рече министерот.
Тој додаде дека соработката меѓу владите на Данска и Гренланд е „тесна и заснована на меѓусебна доверба“.
Фото: принтскрин
Свет
Кина ќе претстави ново оружје против беспилотни летала
На 3 септември во Пекинг, на парадата по повод 80-годишнината од крајот на Втората светска војна, Кина за прв пат ќе претстави ново микробраново оружје дизајнирано за борба против беспилотни летала.
Три системи од типот микробраново оружје со голема моќност (HPM) ќе бидат прикажани на плоштадот Тјенанмен.
Станува збор за инсталации кои емитуваат силни импулси и на тој начин ефикасно ја онеспособуваат електрониката на беспилотните летала.
Според достапните податоци, овие уреди можат да уништат роеви беспилотни летала на растојание од неколку стотици метри, а нивната примарна намена е блиска одбрана на воените бази и клучната инфраструктура од масовни напади од евтини беспилотни летала.
Извештаите од тестовите за слични технологии беа објавени во јануари оваа година, што укажува дека Кина го забрзала развојот на нова генерација оружје насочено кон електронско војување.
Во јуни, кинеските медиуми објавија и за создавање графитна ракета, специјален проектил наменет за уништување на електричните мрежи. Содржи 90 цилиндрични подмуниции кои, кога ќе ја погодат целта, ослободуваат јаглеродни нишки и предизвикуваат краток спој во високонапонските системи.
Фото: принтскрин
(Видео) Филипче: Со ВМРО-ДПМНЕ на власт основните трошоци се зголемени за 4.300 денари, а минималната платата за 1.800 денари
ВМРО-ДПМНЕ за една година ја доведе државата во најголема економска несигурност што сме ја виделе досега, а граѓаните живеат сé...
„Кандидатурата на Мециновиќ за Скопје е договор на Левица да им помогне на СДС и ДУИ“, велат од ВМРО-ДПМНЕ
„Јасно е дека кандидатурата на Амар Мециновиќ е дил на Левица за помош на ДУИ и СДС, со математика Орце...
Убиство во Кавадарци, тројца уапсени
Денеска во 04:56 часот во ОВР Кавадарци било пријавено дека на заден влез од казино на улицата „Никола Минчев“ во...
Муцунски за „Политико“: Државата не е подготвена за уставните измени што ги бара Бугарија без цврсти гаранции од ЕУ дека тоа ќе биде последното такво барање
Во рамки на работната посета на Брисел, министерот за надворешни работи и надворешна трговија, Тимчо Муцунски, даде интервју за политичкиот...
Макрон до Нетанјаху: Обвинувањата за антисемитизам се навреда за Франција
Францускиот претседател Емануел Макрон испрати писмо до израелскиот премиер Бенјамин Нетанјаху во кое остро реагираше на неговите обвинувања дека Париз...
Пожар кај „Зебра“, огнот зафатил возило
Пожар избувнал ноќеска во главниот град во близина на трговскиот центар Зебра. Според последните информации огнот се проширил и зафатил...
Премиерот на Канада: Путин се плаши да се сретне со Зеленски
Рускиот претседател Владимир Путин се плаши да се сретне со украинскиот претседател Володимир Зеленски за да разговара за условите за...
Зеленски: Од украинска страна сè ќе биде што е можно поподготвено за да се стави крај на војната
Украинскиот претседател Володимир Зеленски објави дека во текот на оваа недела претставниците на таа земја ќе имаат повеќе меѓународни контакти,...
Трамп: Нема да има светска војна, но ќе има економска
Претседателот на САД, Доналд Трамп, изјави дека е подготвен да воведе економски санкции врз Русија доколку рускиот претседател Владимир Путин...
Министерството за одбрана реагира на соопштението на СДСМ: Лицемерно, со манипулација на факти и со целосно извртување на вистината
„Лицемерно, со манипулација на факти и со целосно извртување на вистината – така се карактеризира соопштението од политичката партија СДСМ...
Откриено е што САД ѝ нудат на Русија: „Сакаа да објават ударна вест веднаш по Алјаска“
Американски и руски владини претставници разговараа за неколку енергетски договори на маргините на мировните преговори за Украина што се одржаа...
(Видео) Боинг со 250 патници принудно слета во Русија, имаше дефект на моторот
Авион на „Ер Чајна“ што леташе од лондонски Хитроу до Пекинг утрово изврши непланирано слетување во Русија по дефект на...
Влада: Се конкретизираат работите за изградба на третата фаза од пругата од Крива Паланка до границата со Бугарија како и изградба на тунелот како гранична точка
„По средбата на високо ниво меѓу вицепремиерот и министер за транспорт Александар Николоски и вицепремиерот и министер за транспорт на...
„Не било доволно папаја, манго, аспарагус и други егзотични овошја, Министерството за одбрана набавува кафе и алкохол за 31.000 евра“, велат од СДСМ
„Додека стандардот на граѓаните постојано опаѓа и семејствата едвај врзуваат крај со крај, владата на Христијан Мицкоски и ВМРО-ДПМНЕ продолжува...
„Народот денес е побогат од времето на СДС, единствена разлика е што нема милиони за Филипче и Заев од државниот буџет“, реагира ВМРО-ДПМНЕ
„Венко Филипче одамна изгубил чувство за реалноста, очигледно некаде по првиот тендер како министер за здравство, но сега откако беше...
Кривична пријава за градоначалникот на Делчево: вработил лице што исполнувало услови за пензија
Надворешната канцеларија за криминалистички работи Делчево на 25.08.2025 до ОЈО Делчево поднесе кривична пријава против Г.Т. (54) од Делчево поради...
Алиу: Очекувам објективни резултати од анализата на кардиолошките и на кардиоваскуларните интервенции
Министерот за здравство Азир Алиу утрово одржа состанок со интерната комисија задолжена за изготвување прелиминарна анализа на кардиолошките и на...
Славевски најави мерки за поттикнување поповолно кредитирање за купување станови
Директорот на Агенцијата за катастар на недвижностите, Иван Живковски, денеска оствари работна средба со гувернерот на Народната банка, Трајко Славевски....
Во текот на изминатото деноноќие изгаснати 20 пожари во Македонија
Во текот на изминатото деноноќие, на ден 25/26.08.2025 година, на територијата на Македонија имаше вкупно 23 пожари на отворен простор,...
Уапсен возач во Кичево – усмртил пешак на пешачки премин и избегал од местото на несреќата
Полицијата уапси возач во Кичево кој со возило удрил во пешак и избегал, а пешакот подоцна починал во болница во...
