Свет
Обама телефонски интервенира во Копенхаген
Телефонски повик од Барак Обама до неколку клучни луѓе на самитот во Копенхаген го вратил најважниот состанок на вистинскиот пат, пишува „Ајриш тајмс“
Претставникот на САД за клима, Тод Стерн, кој ја предводи американската делегација во Копенхаген, објавил вчера дека Обама му се јавил на премиерот на Етиопија, Мелес Зенави, на премиерот на Бангладеш, Шеик Хасина, со цел да најде решение за безизлезната ситуација.
Данската министерка за клима и енергија, Кони Хедегард, која претседава со Конференцијата, вели дека претставничка група министри за заштита на околината работеле многу напорно до доцна во ноќта за да ги надминат пречките во преговарачкиот процес.
Но, времето одминувало, а денеска треба да пристигнат 120 претседатели на држави. „Ако се треба да биде дискутирано на пленарна седница со стотици луѓе присутни, тогаш нема да успееме. Сите го знаат тоа, сите можат да го видат тоа“, изјавила Хедегард.
Таа додава: „Сега треба да го доведеме ова до крај, или да продолжиме до бесконечност, комплицирајќи ги работите со секоја конференција која ја имаме. Приоритет е да се донесе политички договор.“
Шведскиот министер за заштита на околината, Андреас Каригрен, во својот говор, рече дека очекува да се постигне договор, но дека е фрустриран од „блокадата во последните неколку дена“, но, коментира Ајриш Тајмс, „тој беше доволно внимателен да не ја спомне африканската група, што ги бојкотира преговорите.“
Запрашан дали ако ЕУ ја подигне заштитата на околината според планираното, за 20 отсто до 2020 година, сепак ќе биде постигнат успех, Каригран вели дека доколку САД и Кина не се согласат на истото, тогаш „сме се продале многу евтино“, додавајќи дека ЕУ учествува едвај со една десетина во загадувањето на планетата.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Свет
Бајден зборуваше за дебатата со Трамп, но и за детали од неговиот личен живот
Американскиот претседател Џозеф Бајден денеска изјави дека ќе учествува на дебата со Доналд Трамп, неговиот републикански противкандидат на ноемвриските избори.
„Не знам кога“, изјави Бајден во интервјуто со Хауард Стерн и додаде дека со нетрпение го очекува тоа, пренесе Ројтерс.
Бајден раскажуваше семејни приказни и рече дека пелтечењето било подготовка за тешките удари во животот. Тој рече дека пелтечењето како дете било најдоброто нешто што му се случило. Додаде дека на крајот го надминал пелтечењето, но дека повремено му се враќа кога зборува во јавност.
Интервјуто со Хауард Стерн се случи додека Бајден присуствуваше на политички настан во Њујорк.
За време на интервјуто, тој презентираше многу биографски детали, обидувајќи се да се претстави пред гласачите. Бајден, исто така, рече дека неговиот татко, Џозеф Робинет Бајден постариот, ретко покажувал љубов и раскажал приказна што напраавил кога бил нокаутиран додека играл рагби кога бил во четврто одделение.
„Татко ми излезе со нас и рече Џои стани. Само стани. Мора да станеш“, раскажал Бајден.
Свет
(Видео) Снимка од Ердоган хит на социјалните мрежи: Телохранител му подаде чешел на турскиот претседател, а потоа цела делегација мораше да застане
Видео од турскиот претседател Реџеп Таип Ердоган како се чешла стана хит на социјалните мрежи.
Ердоган, кој во четвртокот дојде на прославата на Уставниот суд во Анкара, цело време беше придружуван од телохранител кој ненадејно му подава чешел пред да влезе во салата. Турскиот лидер застана и почна да се чешла додека целата делегација, вклучително и претседателот на Уставниот суд, чекаше.
— Pluton (@Pluton45873221) April 26, 2024
Откако заврши со средувањето на косата, Ердоган му го даде чешелот на еден од своите советници, а потоа продолжи да се шета со претседателот на Уставниот суд, Кадир Озкај, насмеан.
Ердоган присуствуваше и на прославата на 62-годишнината од формирањето на Уставниот суд.
Свет
Се слушнало тропање и силни вибрации: Боинг изгубил дел за време на лет, извршил принудно слетување
Авионот на „Делта ерлајнс“ кој утрово полета од аеродромот „Џон Кенеди“ во Њујорк мораше да се сврти и да се врати на аеродромот поради дефект на опремата за итни случаи, пренесува „Индекс“.
Летот 520 на „Делта ерлајнс“ безбедно се врати на аеродромот околу 8:35 часот откако екипажот пријавил вибрации, соопшти Федералната управа за авијација (ФАА). Пилотите веднаш по полетувањето пријавиле во контролата на летање дека почувствувале чудни вибрации и слушнале звук на тропање.
Авионот летал 33 минути пред да се врати на ЏФК, пишува „ABC7 New York“.
„Откако леталото безбедно слета, беше забележано дека во одреден момент отпадот за итни случаи паднал“, рече портпаролот на „Делта“. За време на инцидентот во „Боингот 767“ имало 176 патници, двајца пилоти и пет стјуардеси. Нема извештаи за повредени.
Патниците биле префрлени во друг авион, кој полетал во 10:59 часот, околу три часа подоцна. Авионот чиј дел за итни случаи паднал е стар 33 години и нема да биде во служба додека „Делта“ не ја процени неговата соодветност. Од ФАА велат дека ќе го истражат целиот инцидент.