Свет
Мексико Сити дозволи геј бракови
Мексико Сити стана првиот главен град во католичката Латинска Америка кој дозволи хомосексуални бракови во понеделникот, кога градските власти го одобрија законот за комплетни брачни права за геј паровите, објави Ројтерс
Оваа легислација оди за чекор понатаму од онаа во 2006 година кога градските власти ја одобрија „граѓанската заедница“ за хомосексуалните парови со што им беа дадени еднакви фамилијарно социјални бенефиции и безбедносни мерки како и на хетеросексуалните двојки. Во последна минута, лево ориентираните пратеници во собранието на градот ја победи конзервативната опозиција и дозволи на геј паровите да им се дозволи брак и посвојување на деца.Активистите во собранието експлодираа во радост. Некои од геј мажите и жените се гушкаа, разменија бакнежи и го вееја знамето со виножитото кое ги симболизира геј правата.„Ставивме крај на сегрегацијата и стигматизацијата на еден цел сектор во општеството, со што им дадовме еднакви брачни права,“ изјави за Ројтерс, Дејвид Разу, легислатор од лево ориентираната Социјално Демократсkа Партија, која го промовираше законот.Законот сега треба да биде потпишан од градоначалникот на Мексико Сити, Марчело Ебрард, кој подржал и други прогресивни мерки како легализацијата на абортусот во некои случаи. Хомосексуалноста, затскриена во поголемиот дел од земјата, „излезе од плакарот“ во Мексико Сити каде геј и лезбејската населба е преполна со геј барови и парови кои јавно ја изразуваат својата ориентација, иако дискриминацијата е се’ уште присутна.Конзервативните пратеници гласаа против законот и локалните црковни лидери најверојатно ќе пробаат да го притиснат Ебрард да постави вето на законот. Католичката црква на Мексико изјави дека легализирањето на геј бракот е неморално и ќе уништи фамилии. „ Препознавањето на хомосексуалните заедници како бракови оди против јавното добро и емоционалниот развој на нашите деца,“ изјави Џовани Гуитерез од Националната Партија за Акција.Мексико Сити се придружи на неколкуте градови во Америка и Европа кои го направија овој чекор. Аргентина стана првата држава во Латинска Америка која ги дозволи „граѓанските заедници“ за двојките од ист пол, низ земјата во 2002 година. Соседниот Уругвај исто така ги одобри геј „граѓанските заедници“ и стана првата земја која во Латинска Америка им одобри на геј паровите да посвојуваат деца.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Свет
Бајден зборуваше за дебатата со Трамп, но и за детали од неговиот личен живот
Американскиот претседател Џозеф Бајден денеска изјави дека ќе учествува на дебата со Доналд Трамп, неговиот републикански противкандидат на ноемвриските избори.
„Не знам кога“, изјави Бајден во интервјуто со Хауард Стерн и додаде дека со нетрпение го очекува тоа, пренесе Ројтерс.
Бајден раскажуваше семејни приказни и рече дека пелтечењето било подготовка за тешките удари во животот. Тој рече дека пелтечењето како дете било најдоброто нешто што му се случило. Додаде дека на крајот го надминал пелтечењето, но дека повремено му се враќа кога зборува во јавност.
Интервјуто со Хауард Стерн се случи додека Бајден присуствуваше на политички настан во Њујорк.
За време на интервјуто, тој презентираше многу биографски детали, обидувајќи се да се претстави пред гласачите. Бајден, исто така, рече дека неговиот татко, Џозеф Робинет Бајден постариот, ретко покажувал љубов и раскажал приказна што напраавил кога бил нокаутиран додека играл рагби кога бил во четврто одделение.
„Татко ми излезе со нас и рече Џои стани. Само стани. Мора да станеш“, раскажал Бајден.
Свет
(Видео) Снимка од Ердоган хит на социјалните мрежи: Телохранител му подаде чешел на турскиот претседател, а потоа цела делегација мораше да застане
Видео од турскиот претседател Реџеп Таип Ердоган како се чешла стана хит на социјалните мрежи.
Ердоган, кој во четвртокот дојде на прославата на Уставниот суд во Анкара, цело време беше придружуван од телохранител кој ненадејно му подава чешел пред да влезе во салата. Турскиот лидер застана и почна да се чешла додека целата делегација, вклучително и претседателот на Уставниот суд, чекаше.
— Pluton (@Pluton45873221) April 26, 2024
Откако заврши со средувањето на косата, Ердоган му го даде чешелот на еден од своите советници, а потоа продолжи да се шета со претседателот на Уставниот суд, Кадир Озкај, насмеан.
Ердоган присуствуваше и на прославата на 62-годишнината од формирањето на Уставниот суд.
Свет
Се слушнало тропање и силни вибрации: Боинг изгубил дел за време на лет, извршил принудно слетување
Авионот на „Делта ерлајнс“ кој утрово полета од аеродромот „Џон Кенеди“ во Њујорк мораше да се сврти и да се врати на аеродромот поради дефект на опремата за итни случаи, пренесува „Индекс“.
Летот 520 на „Делта ерлајнс“ безбедно се врати на аеродромот околу 8:35 часот откако екипажот пријавил вибрации, соопшти Федералната управа за авијација (ФАА). Пилотите веднаш по полетувањето пријавиле во контролата на летање дека почувствувале чудни вибрации и слушнале звук на тропање.
Авионот летал 33 минути пред да се врати на ЏФК, пишува „ABC7 New York“.
„Откако леталото безбедно слета, беше забележано дека во одреден момент отпадот за итни случаи паднал“, рече портпаролот на „Делта“. За време на инцидентот во „Боингот 767“ имало 176 патници, двајца пилоти и пет стјуардеси. Нема извештаи за повредени.
Патниците биле префрлени во друг авион, кој полетал во 10:59 часот, околу три часа подоцна. Авионот чиј дел за итни случаи паднал е стар 33 години и нема да биде во служба додека „Делта“ не ја процени неговата соодветност. Од ФАА велат дека ќе го истражат целиот инцидент.