Свет
Филипинскиот вулкан почна да грми, се очекува ерупцијата
Најактивниот вулкан во Филипините, Мајон, почна да прави огромна бучава во средата; властите предупредија за потенцијална опасна ерупција која може да се случи во секое време, објави Ројтерс
Вулканот Мајон, познат по својот облик на скоро совршен конус, веќе една недела активно изфрлува пепел, огнена кал и карпи. Властите евакуираа 50,000 жители од населените области околу вулканот. Претседателот на Филипините, Глорија Макапагал Аројо пристигна во средата во провинцијата Албаи, каде што е лоциран вулканот Мајон, за да го преиспита планот за подготвеност на владата во случај на катастрофа. Таа накратко говореше со некои од евакуираните луѓе и учествуваше во делењето на помошта.Властите рекоа дека ги мониторираат индикациите за хазардна ерупција, како континуираните прскања на лава, бучавата и експлозиите на прав комбинирани со сулфур диоксид кои излегуваат од вулканот.„Не можеме точно да предвидиме кога големиот биг бенг ќе се случи, но активностите на вулканот се се’ поинтензивни откако го прогласивме 4-от степен на ниво на тревога во неделата, “ изјави за Ројтерс, главниот вулканологист во државата, Ренато Солидум. Филипинските власти потенцираа дека се подготвени да го прогласат и највисокото ниво на тревога, доколку започне да се гледа хазардната ерупција која се карактеризира со повисоки прскања на пепел и екстензивна лава која тече по падините на вулканот.Степенот 4 индицира дека се заканува ерупција додека највисокиот степен на опасност е 5-от степен кој значи дека опасна ерупција е во тек.Доколку се случи огромна ерупција не се очекува истата да влијае врз земјоделието во земјата бидејќи бројот на фармите во овој реон е мал. Таа нема да има ниту влијание врз индустријата бидејќи во таа област нема ниту една голема фабрика. Но сепак ерупцијата може да влијае врз локалниот туризам, поради тоа што овој крај е популарен за туристите. Најдеструктивната ерупција на вулканот Мајон се случила во февруари 1841 година, кога лавата уништила цел еден град и убила 1200 луѓе.Воените трупи ограничија зона од 10 км каде никој не смее да влегува и поставија 24-часовно набљудување за да ги спречи луѓето да се враќаат во нивните домови. Беа испратени и медицински тимови до областите каде што се поставени засолништата.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Свет
(Видео) Заплови „Фуџијан“, најновиот и најмоќен кинески носач на авиони
Најновиот кинески носач на авиони „Фуџијан“ официјално е пуштен во служба, што претставува значаен чекор во напорите на Пекинг да ја достигне поморската моќ на САД, јави кинеската државна телевизија CCTV. На церемонијата на островот Хаинан присуствувал и претседателот Шји Џинпинг, кој симболично го активирал катапултот на палубата.
„Фуџијан“ е трет и технолошки најнапреден носач на авиони во кинеската флота, прв опремен со електромагнетни катапулти (EMALS) – технологија што досега ја поседува само американскиот „USS Gerald R. Ford“. Со тоа се овозможува полетување на авиони со поголем товар и поголем дострел.
President Xi Jinping on Wednesday attended the commissioning and flag-presenting ceremony of the Fujian, China's first aircraft carrier equipped with electromagnetic catapults, in south China's Hainan Province, according to Xinhua.
Xi, also general secretary of the Communist… pic.twitter.com/uTKFz6n1pD
— Global Times (@globaltimesnews) November 7, 2025
Иако користи конвенционален погон, за разлика од американските нуклеарни носачи, „Фуџијан“ со истиснина од 80.000 тони се смета за најмоќниот кинески брод досега и извор на национална гордост. Во Кина веќе се гради и четврти носач, познат како „Тип 004“, кој се очекува да има и нуклеарен погон.
Свет
Захарова му одговори на Руте: Објавете го списокот на „глобални правила“ што наводно ги кршиме
Портпаролката на руското Министерство за надворешни работи, Марија Захарова, реагираше на изјавата на шефот на НАТО, Марк Руте, на тема Русија и кршењата на глобалните правила. Таа му наложи да го објави целосниот список на таканаречените правила, чие кршење неосновано ѝ се припишува на Москва.
„Прво, за какви „глобални правила“ зборуваме? Барам нивниот целосен список да биде објавен на веб-страницата на НАТО. Досега никој не знае за какви правила зборува Руте“, напиша дипломатката на својот Телеграм канал.
Второ, Русија, Кина, како и поголемиот дел од светот, отсекогаш изјавувале посветеност на меѓународното право, додека НАТО постојано го крши тој закон со своите агресивни дејствија и нелегитимни коалиции, изјави таа, потсетувајќи на нападите врз Ирак, бомбардирањето на Југославија и другите воени интервенции.
„Трето, не се сеќавам дека некоја од земјите-членки на НАТО изјавила дека ја суспендира соработката, на пример, како што изјави Руте, со Кина. Неодамна се одржа самитот САД-Кина – не слушнав дека Руте го критикувал американскиот претседател за тоа“, изјави таа.
Порано, Руте изјави дека Русија не е сама во намерата да ги прекрши глобалните правила, истакнувајќи дека оваа земја соработува со Кина, Северна Кореја, Иран и други земји.
Кремљ изјави дека Русија не претставува закана за никого, но дека нема да ги игнорира дејствијата што се потенцијално опасни за нејзините интереси.
Фото: принтскрин
Свет
Порака до Трамп?; Северна Кореја лансираше балистичка ракета
Северна Кореја денес лансираше балистичка ракета која падна во близина на ексклузивната економска зона на Јапонија, изјави јапонската премиерка Санае Такаичи.
Како што е наведено, досега не се пријавени штети на авиони или бродови, пренесува Кјодо.
Во Токио, Такаичи изјави дека им наредила на надлежните владини агенции брзо да ги достават потребните информации до јавноста и да обезбедат безбедност низ целата земја.
Агенцијата потсетува дека лансирањето се случи само еден ден откако Пјонгјанг ги осуди најновите санкции на САД против осум севернокорејски поединци и два субјекта за перење пари поврзани со сајбер криминал.
Фото: принтскрин
„Влен“: Почна вистинското чистење на Скопје од ѓубрето и старата политика
По месеци на давење на градот во лоша миризба, ѓубре, запуштеност и пропаганда, од коалицијата „Влен“ велат дека почнало вистинското...
Албанија усвои закон за родова рамноправност по бурна расправа
Албанскиот парламент доцна синоќа го усвои Законот за родова рамноправност, по повеќечасовна и остра дебата. Законот беше изгласан со 77...
Сенатот ја изблокира резолуцијата што ќе го спречеше Трамп да ја нападне Венецуела
Републиканците во американскиот Сенат ја блокираа резолуцијата што ќе му забранеше на претседателот Доналд Трамп да ја нападне Венецуела без...
Променливо облачно време со повремени локални врнежи од дожд
Времето денес ќе биде променливо облачно со повремени локални врнежи од дожд, особено во северозападните и северните делови. Ќе дува...
Мицкоски: Македонија останува посветена на европскиот пат, но без двојни стандарди и политички притисоци
Македонија останува посветена на европскиот пат, но без двојни стандарди и политички притисоци, изјави премиерот, Христијан Мицкоски. Тој вели дека...
Со букет цвеќе Ѓорѓиевски ја испрати Арсовска и ја презема градоначалничката функција
Со куса средба и букет свежо цвеќе заврши примопредавањето на должноста градоначалник на Град Скопје меѓу досегашната градоначалничка Данела Арсовска...
Јаневска ќе ја почитува одлуката на Мицкоски доколку реши да ја смени
Министерката за образование и наука Весна Јаневска одговарајќи на новинарско прашање, дали доколку има реконструкција на владата таа ќе остане...
(Видео) Мицкоски ќе ја реконструира партијата, па потоа Владата: Фокусирани сме на партискиот конгрес на 6 декември
Реконструкција на Владата нема да има пред партискиот конгрес на владејачката партија ВМРО-ДПМНЕ, кој е закажан за 6 декември. Премиерот...
Бомба најдена во автомобил во гаража во Скопје, сопственикот на возилото добил заканувачка порака, МВР влегло во објектот
Ноќеска, околу 1 часот по полноќ, непознато лице влегло во гаража од семејна куќа во скопската населба Бит-пазар, во сопственост...
„Скопје го менуваме од корен“: Ѓорѓиевски го презеде раководењето со Градот
Новиот градоначалник на Скопје, Орце Ѓорѓиевски, денеска го прими уверението и најави дека од вечерва почнува акцијата за чистење на...
(Видео) Николоски: Го потпишавме договорот за изградба на заедничкиот пограничен тунел со Бугарија, железничкиот Коридор 8 има стратешко, економско и безбедносно значење за Балканот и Европа
Железничкиот Коридор 8 е еден од најважните трансевропски транспортни коридори, кој има стратешко, економско и геополитичко значење за целиот Балкан...
(Видео) ДИК ги објави конечните резултати од вториот круг на локалните избори
Државната изборна комисија (ДИК) на денешната седница ги објави конечните резултати од вториот круг на локалните избори 2025 година за...
АХВ заплени небезбедна храна со непознато потекло по спроведен вонреден инспекциски надзор
По добиена пријава, со интервенција од Единицата за економски и компјутерски криминал при СВР Скопје, Агенцијата за храна и ветеринарство...
Црна Гора сè поблиску до Европската Унија: познат е можниот датум за влез
Црна Гора го доби својот најповолен извештај за напредокот во европската интеграција откако ги започна преговорите за пристапување со Европската...
Пронајдено безживотно тело на млада жена во Тетово, Обвинителството изврши увид
Дежурен јавен обвинител од Основното јавно обвинителство Тетово вчера изврши увид на лице место на локацијата каде беше пронајдено безживотно...
(Видео) Украина нападна клучна рафинерија длабоко во Русија, се шират снимки
Украинските војници наводно нападнале и оштетиле руска рафинерија за нафта во Волгоград преку ноќ, додека експлозии потресле неколку други енергетски...
Израелски заложник за држењето во Газа: Бев гол, само му се молите на Бога да престане
Ром Браславски, неодамна ослободен израелски заложник, тврди дека бил подложен на „ужасна“ и понижувачка сексуална злоупотреба додека бил во заробеништво...
Итен состанок во Белгија за беспилотните летала: „Тие се видени над воени бази“
Советот за национална безбедност на Белгија денес ќе одржи итен состанок откако мистериозни дронови предизвикаа хаос во воздушниот сообраќај и...
САД во ОН ја претстави нацрт-резолуцијата за планот на Трамп за Газа
САД им претставија на своите партнери во Советот за безбедност на ОН нацрт-резолуција со која се обидуваат да го поддржат...
Хамас предаде уште едно тело на Црвениот крст во Појасот Газа
Хамас ги предаде останките на уште еден заложник на Меѓународниот комитет на Црвениот крст во Појасот Газа. Според Хамас, останките...
