Свет
Петнаесет работници задушени од гас во кинески челичарници
Петнаесет челичарници загинале во две челичарници на север од Кина, како последица од труење со гас, соопштила владата
Осум работници починале во понеделникот во североисточниот град Далиан, додека поправале електрична опреме во тесна подземна и недоволно проветрена работилница, пренесе кинеската државана агенција Ксинхуа.Други седум работници се отруле со гас во северниот град Вуан во покраината Хебеи, исто така во понеделник. Се претпоставува дека гасот истекувал од цевка додека работниците монтирале печка во челичаната Hebei Puyang Iron and Steel Company. Во оваа несреќа настрадале вкупно 16 работници, од кои девет го преживеале труењето и во стабилна состојба биле хоспитализирани, соопштиле градските власти. И по овие несреќи, кинеската влада најави засилени мерки против работодавачите за обезбедување заштитни мерки при работата, бидејќи мината година во рударски несреќи загинаа неколку илјади кинески рудари.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Свет
Папата Лав Четиринаесетти пристигна во Либан
Папата Лав Четиринаесетти пристигна во Либан во рамки на неговата прва турнеја во странство, објави ДПА.
Светиот Отец пристигна попладнево во либанскиот главен град Бејрут, по посетата на Турција.
Посетата на папата се смета за причина за надеж за мир и стабилност во земјата загрозена од воени конфликти и зафатена од кризи.
Тој ќе се сретне со либанските лидери, ќе посети христијански објекти и ќе одржи литургија. Околу 30 отсто од населението на Либан се христијани, додека мнозинството жители се муслимани.
Свет
Четворица мртви и десет ранети на семеен собир во Калифорнија
Четири лица се убиени, а 10 се ранети во пукотница за време на семеен собир во свечена сала во Стоктон, Калифорнија, објавија ноќеска официјални лица од канцеларијата на шерифот, пренесуваат американските медиуми.
Меѓу жртвите има деца и возрасни, потврди Хедер Брент, портпаролка на канцеларијата на шерифот на округот Сан Хоакин.
Првичните информации „сугерираат дека ова можеби бил намерен инцидент“, рече Брент за време на прес-конференцијата на местото на настанот.

Локалните официјални лица објавија дека осомничениот напаѓач сè уште не е уапсен и апелираа до јавноста за помош. Детективите сè уште работат на утврдување на можниот мотив за инцидентот.
„Доколку имате какви било информации за ова лице, ве молиме веднаш да се јавите. Ако сте тоа лице, ве молиме веднаш да се предадете“, рече окружниот обвинител на округот Сан Хоакин, Рон Фреитас, на прес-конференција.
Пукањето се случило непосредно пред 18 часот во свечената сала што го дели паркингот со други деловни објекти.
Стоктон е град со 320.000 жители, сместен околу 40 милји јужно од Сакраменто.
„Семејствата треба да бидат заедно, наместо да бидат во болница, да стојат покрај своите најблиски и да се молат да преживеат“, рече градоначалничката Кристина Фугаци.
Засега, властите не објавија никакви дополнителни информации за состојбата на повредените. Претходно беше потврдено дека неколку лица се префрлени во болници.
Свет
Русија потврди дека извршила напад врз украински воени и енергетски објекти
Руското Министерство за одбрана соопшти денеска дека Москва синоќа извршила напад врз украинските воено-индустриски и енергетски објекти како одговор на тоа што го нарече „терористички напади“, објавија светските агенции.
„Како одговор на терористичките напади на Украина врз цивилни објекти на руска територија, синоќа вооружените сили на Руската Федерација извршија напад со високопрецизно оружје и беспилотни летала врз претпријатија од воено-индустрискиот комплекс на Украина и енергетски објекти кои го обезбедуваат нивното работење. Целите на нападот се исполнети. Сите целни објекти се погодени“, се вели во соопштението на министерството.
Во меѓувреме, Каспискиот козорциум за гасовод (КТК) денеска соопшти дека ги прекинал своите операции откако неговото пристаниште во Русија на брегот на Црното Море било сериозно оштетено во напад од украински воени беспилотни летала.

