Свет
Израел ги демантираше обвинувањата на Турција
Израелското министерство за надворешни работи ја оценува како „незауздана критика“ изјавата на турскиот премиер, кој претходно рече дека Израел го загрозува светскиот мир
Турскиот премиер Тајип Реџеп Ердоган вчера изјави дека Израел го загрозува светскиот мир, користејќи прекумерна сила против Палестинците и нарушувајќи го воздушниот простор на Либан, како и со криење на детали за нуклеарната програма.„Израел ја почитува Турција и се стреми кон продолжување на развојот на односите меѓу двете земји, но ние очекуваме рециопроцитет“, се наведува во соопштението на израелското министерство, по посетата на Либан, што вчера ја оствари турскиот премиер. Таму Ердоган ги повика постојаните членови на Советот за безбедност на ОН да извршат притисок на Израел поради нуклеарниот програм и тоа да го направат на ист начин како што се прави притисок врз Иран.„Оние што го предупредуваат Иран, мораат исто така да го предупредат и Израел. Ако пропуштиме да покажеме фер однос во регионот, проблемите ќе го погодат не само регионот, туку ќе се прошират и на друго место. Нередите на Блискиот Исток се нереди на светот“, истакна Ердоган, пренесуваат израелските медиуми.„Израел има полно право да ги штити своите граѓани од ракетите и теророт на Хамас и Хезболах, а Турците се последни што можат да кажат за моралноста на државата“, се вели во израелската одбрана.До неодамна Турција беше најблискиот сојузник на Израел од муслиманскиот свет. Меѓутоа, минатата година, поради израелската офанзива на појасот Газа, Анкара зазеде став против Израел, што доведе до влошување во односите.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Свет
Пентагон испраќа милијарда долари воена помош за Украина
Пентагон е подготвен брзо да испрати пакет воена помош од милијарда долари за Украина, изјавија неколку американски претставници, додека горниот дом на американскиот Конгрес ја започнува расправата за долгоочекуваниот нацрт-закон за финансирање на Украина и другите сојузници на САД, којa веќе го помина долниот дом.
Членовите на Конгресот беа длабоко поделени околу средствата, поради што претседателот на Претставничкиот дом, Мајк Џонсон, формираше сојуз од двете водечки партии за усвојување на законот.
Пакетот за странска помош од 95 милијарди долари беше усвоен од Претставничкиот дом во саботата, а денеска или утре се очекува одобрување од Сенатот.
Од вкупниот пакет помош околу 61 милијарда долари се наменети за Украина.
Регион
(Видео) Атина прекриена со сахарска прашина, нереални сцени во градот
Атина и јужните делови на земјата повторно беа обвиени со сахарска прашина, со нијанси на жолта и портокалова боја што создава нереална атмосфера во градот.
Облаци од прашина, пренесени преку Средоземното Море од Северна Африка, го обвиле Акропол и другите знаменитости на Атина, пишува „АП“.
Силните јужни ветрови носеа прашина од Сахара, па во последните часови од денот грчката престолнина изгледаше како да е користен филтер за фотографирање, пренесува Euronews.
🚨🇬🇷
HAPPENING NOW
The sky is totally orange over Athens, Greece
— Alex Barnicoat (@mrbarnicoat) April 23, 2024
Во среда се прогнозира разведрување на небото со поместување на ветровите и поместување на прашината и опаѓање на температурите.
Дневниот максимум во делови од јужниот остров Крит надмина 30 степени Целзиусови, повеќе од 20 степени Целзиусови над она што беше забележано во поголемиот дел од северна Грција.
Корисниците на социјалната мрежа Икс објавија видеа од необична „портокалова“ појава од територијата на цела Атина.
Веста за Атина во „портокалово“ многу брзо се прошири низ светските медиуми, а видеата ги споделија и профили на социјалните мрежи кои се занимаваат со глобални актуелни вести.
Свет
Уапсен заменикот на Сергеј Шојгу, осомничен е за примање мито
Рускиот заменик министер за одбрана Тимур Иванов е приведен под сомнение дека примил поткуп, соопштиРускиот истражен комитет.
„Заменик-министерот за одбрана на Русија, Тимур Владимирович Иванов, е приведен поради сомнение дека сторил кривично дело примање поткуп“, се наведува во соопштението објавено на каналот Телеграм на Истражниот комитет, пренесува РИА.
Во 2012 година, Иванов беше вицепремиер на Московскиот регион.
Од 2013 до 2016 година, тој беше генерален директор на АД Оборонстрој.
Во мај 2016 година со претседателски указ е назначен за заменик министер за одбрана.