Украинскиот претседател Володимир Зеленски изјави дека некој што сака преговори намерно не пука во луѓе со балистички ракети.

„Украина се бори за нормален и безбеден живот што го заслужува, за мир кој е праведен и сигурен. Сакаме оваа војна да заврши. Но, Русија не го сака тоа и продолжува со својот терор од воздух: во текот на изминатата недела над 1.050 напади со беспилотни летала, околу 1.300 воздушни бомби и повеќе од 20 проектили беа лансирани над Украина за уништување градови и убивање луѓе“, напиша тој денеска на Телеграм.

Тој додаде дека е неопходно светот да биде пообединет и посилен за да се запрат руските напади.

„Зајакнувањето на нашата противвоздушна одбрана, поддршката на армијата и ефективни безбедносни гаранции кои ќе го спречат враќањето на руската агресија – тоа е она на што треба да се фокусираме. Правдата мора да победи. Ние веруваме во моќта на единството и сигурно ќе го вратиме мирот“, напиша тој.

Италијанската полиција уапси 50-годишен маж осомничен дека се обидел да киднапира две деца пред основно училиште во Милано.

Неименуваниот маж првично се обидел да киднапира 10-годишно девојче, кое на училиште дошло со својата сестра близначка во придружба на мајката, а потоа уште едно малолетно лице.

Според очевидци, мажот рекол „Сакам дете“, а и покрај обидите на присутните да го исплашат, влегол во училиштето во обид да се скрие, пренесува РАИ.

Портпаролот на Белата куќа, Керолин Левит, изјави дека американскиот претседател Доналд Трамп буквално и фигуративно го изел ручекот наменет за украинскиот претседател Володимир Зеленски.

„Претседателот уживаше во ручекот. Тој буквално и фигуративно го изеде ручекот на претседателот Зеленски. Тоа беше негова одлука (да ја откаже официјалната вечера со Зеленски – уред). Тој чувствуваше дека претседателот Зеленски не е во позиција да преговара за мир во моментот“, рече Левит одговарајќи на прашање од водителката на „Фокс њуз“, Лаура Инграун, чија одлука беше да се откаже ручекот.

На социјалните мрежи беше споделена и фотогарфија од менито наменето за украинскиот лидер. Како што се гледа на неа, Зеленски требаше да јаде пролетна салата од млада зелка, пилешко печено со рузмарин.

Во петокот, 28 февруари, средбата меѓу американскиот претседател Доналд Трамп и украинскиот претседател Володимир Зеленски во Овалната соба во Вашингтон заврши со неочекуван вербален судир, што резултира со откажување на планираното потпишување на договорот за минерали.

Трамп и американскиот потпретседател Џеј-Ди Венс го обвинија Зеленски за недостиг на благодарност за американската воена помош, а Зеленски ја напушти Белата куќа порано од предвиденото.