Свет
Плач од деца и црковни песни одекнуваа низ ноќта во Хаити

Во катран црната ноќ на Хаити, се слуша плач од деца на сите страни и одекнуваат религиозни песни од собрани групи луѓе по улиците, кои се молат за безбедност и солидарност, пренесе Ројтерс
Пеењето и плескањето, најчесто од жени, оддава ехо низ улиците додека луѓето се молат за мртвите и го повикуваат Господ да ги поштеди од натамошно страдање, откако земјотресот кој го погоди Хаити, уби илјадници и го срамни со земја главниот град, Порт-о-Пренс.Иако пеењето дава мала утеха, пискавите вресоци и липања од повредените деца (некои од нив лежат на улиците со крвави рани) потсетуваат на неизмерното страдање во Хаити.„Ах Боже, кој ќе и’ помогне на мојата земја сега?“, рече Мануел Дехеус, бизнисмен од Хаити кој се вратил од Доминиканската Република за да ја провери својата фамилија, своите пријатели и имотот што го поседува.„Светот сега мора да ни помогне. Ова не можеме да го средиме самите“, додаде тој, не можејќи да поверува во катастрофата што ја гледа пред себе.Илјадници мртви тела лежат низ улиците, некои недопрени, други покриени со чаршафи или парче облека.Мировниците на Обединетите нации се во шок. Околу 9.000 кои беа стационирани во Хаити шетаат по улиците и изгледаат збунети и загрижени за своите околности.„Се уште не сум и се јавил на мојата сопруга. Таа веројатно мисли дека сум мртов“, рече еден од војниците на ОН. „Помошта мора да дојде однадвор бидејќи способноста на хуманитарните организации е скршена“, рече за Reuters Мајк Стуарт, директор на хуманитарната организација „Надеж за Хаити“, која постави мини-болница надвор од Вила Креоле за да се помогне на повредените.Додека се приспособуваат на катастрофата која ги снајде, жителите на Порт-о-Пренс се исто така преплашени од можните последователни потреси.Реагирајќи на гласини дека ќе има цунами, неколку илјади жители на Хаити во текот на ноќта во паника се упатиле кон повисоките делови од предградијата на главниот град Порт-о-Пренс, пренесуваат американски медиуми, кои имаат свои дописници на Хаити.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Свет
Канадскиот премиер: Путин се плаши

Канадскиот премиер Марк Карни, на заедничка прес-конференција со германскиот канцелар Фридрих Мерц, рече дека Владимир Путин се плаши да се сретне со Володимир Зеленски за да разговара за условите за завршување на војната.
Карни истакнува дека Зеленски е подготвен за средба со Путин на која било неутрална територија. Тој, исто така, вели дека Зеленски не очекува Путин да дојде во Киев или дека самиот ќе патува во Москва за таква средба.
„Сепак, секоја неутрална локација би била прифатлива“, рече Карни.
Тој додаде дека е клучно сојузниците да продолжат да ѝ даваат поддршка на Украина додека не се одржи тој состанок.
Фото: ЕПА
Свет
Пукање во католичко училиште во САД: две деца убиени, напаѓачот се самоубил

Најмалку две лица се убиени, а 20 се повредени во пукање во католичкото училиште „Благовештение“ во Минеаполис, Минесота, САД, потврди полицијата.
Како што е потврдено, две деца, на возраст од 8 и 10 години, се убиени.
More than 20 people were injured and at least two were killed in a tragic shooting incident at Annunciation Catholic Church and its school, located in the southeast neighborhood of Minneapolis, Minnesota, USA, during a morning school Mass.
Among the injured, at least 14 people… pic.twitter.com/9f9WTH2Dof— khaled mahmoued (@khaledmahmoued1) August 27, 2025
Напаѓачот е исто така мртов. Полицијата верува дека напаѓачот, кој си го одзел животот на паркингот пред училиштето, дејствувал сам. Полицијата соопшти дека имал околу 20 години, но сè уште не е познато дали бил поранешен ученик во училиштето.
Вооружен со три оружја, вооружениот човек отворил оган низ прозорците кон децата и другите верници за време на мисата по повод првата недела од школувањето по празниците.
Гувернерот на Минесота, Тим Волц, потврди дека пукањето се случило во католичко училиште и го опиша инцидентот како „страшен чин на насилство“.
Претседателот на САД, Доналд Трамп, објави дека е целосно информиран за инцидентот и дека ФБИ брзо реагира и е на местото на настанот. „Молете се за сите погодени“, напиша Трамп на Truth Social.
Свет
Застрелан младоженец на пукање на свадба во Турција

Младоженец почина од повредите здобиени во пукотница на неговата свадба во северна Турција.
Додека младенците се враќале дома по церемонијата, младоженецот, 23-годишниот Али К., бил ранет од истрели наводно испукани од роднина, жена, на неговата сопруга, објави државната агенција Анадолу.
Жената е приведена, а во нејзината градина се пронајдени две нерегистрирани оружја, соопшти агенцијата.
Обвинителите отворија истрага за инцидентот, кој се случил во градот Шебинкарахисар во покраината Гиресун.
Пукањата на свадби се вообичаени во северна Турција. Минатата недела, еден маж беше убиен, а две лица беа повредени на свадба во североисточната покраина Трабзон.
Свадбата беше откажана, а две лица, меѓу кои и еден полицаец, беа приведени во врска со инцидентот, објавија локалните медиуми.