Свет
Најмалку 41 загинат и 80 ранети во бомбашки напад во Ирак
Четириесет иеден шиитски аџија кои се упатиле кон светилиштето во Кербала ги загубиле животите а близу 80 се ранети во нападот во близината на Багдад, соопштила ирачката армија
Според првичните информации со кои располага рачката војска, нападот најверојатно го извела жена самоубиец која го активирала експлозивот додека верниците застанале да се освежат во Буб ал-Чам, приградска населба на главниот ирачки град.Во соопштението што го пренесува France Presse, ирачките власти потврдиле дека според нивните информации моменталната бројка загинати аџии изнесува 13 а ранети 38. Аssiciated Press, пак, повикувајќи се на полициски извори ја коригираше информацијата сооптувајќи дека загинати се 41 аџија и околу 106 се ранети.Генерал-мајорот Касим ал-Мусави, портпарол на командата на Багдад, изјавил за агенцијата дека официјално се потврдени 19 жртви и 80 ранети.Деновиве стотици илјади шиитски аџии се упатуваат кон Кербала, 110 километри јужно од Багдад. На 5-ти февруари во спомен на 40-от ден од имамот Хусеин, внукот на пророкот Мухамед, син на Али кој загинал во 680 г. во битката со војската на омедејскиот калиф Јазид во пустината кај Кербала. Според традицијата, верниците пешачат до светилиштето и таму се камшикуваат во знак на покајание што не му помогнале на имамот.Празникот Ашура кој се слави кон крајот на декември, во Ирак и Пакистан беше повод за повеќе напади врз шиитите. Тие со овој десетдневен празник ја одбележуваат годишнината од загинувањето на големиот имам Хусеин, Муслиманите сунити не го признаваат Хусеин за наследник на Мухамед, што е основата за расколот во исламот.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Свет
Бакингемската палата ја објави здравствената состојба на кралот Чарлс: познато кога ќе се врати на должностите
Кралот Чарлс ќе продолжи со јавните ангажмани следната недела откако е постигнат охрабрувачки напредок во лекувањето на ракот, објави Бакингемската палата.
За кралот тоа нема да биде целосно враќање на официјалните ангажмани, но палатата испраќа позитивни сигнали, јавува Би-Би-Си.
Следниот вторник кралот ќе започне со симболично патување во центар за лекување рак, пренесува медиумот.
Неговите летни планови вклучуваат државна посета, каде што ќе биде домаќин на императорот и царицата на Јапонија.
Во наредните недели, соопштија од палатата, тој ќе преземе неколку надворешни ангажмани.
Свет
Стари книги обложени со отров отстранети од Француската национална библиотека
Властите отстранија четири книги од Француската национална библиотека поради можноста нивните корици да содржат отровен арсен. Имено, некои книги од 19 век, печатени во Британија, имаат смарагдно зелени корици. Арсенот често се користел за боење книги во тоа време.
Научниците од Универзитетот во Делавер во САД ги класифицираа отстранетите томови како потенцијално опасни, но библиотеката вели дека ракувањето со овие книги би предизвикало само мала штета на здравјето. „Ги ставивме во карантин овие дела. Ќе ги анализираме во лабораторија за да можеме да процениме колку арсен е присутен во секој том“, рече портпаролот на Француската национална библиотека, а пренесе Би-би-си.
Списокот на потенцијално опасни книги е составен од „Poison Book Proect“ , иницијатива покрената од научници од Универзитетот во Делавер во соработка со музејот Винтертур во Делавер. Од 2019 година, тимот тестираше стотици корици книги за тешки метали и состави листа на наслови кои се потенцијално опасни.
Издавачите од викторијанската ера користеле арсен за да ги обојат кориците. Светската здравствена организација (СЗО) предупреди на долгорочна изложеност на арсен во водата за пиење и храната, велејќи дека супстанцијата е многу токсична. Сепак, таа не дала никакви упатства за ракување со предмети што го содржат овој отров.
Во 2022 година, библиотекарите во Лидс, Англија открија ретка книга со арсен. Библиотекар ја открил потенцијално отровната книга додека ја споредувал збирката на библиотеката со базата на податоци на проектот „Poison Book“.
Свет
Мигранти плаќале 18.000 евра за превоз преку Ла Манш, биле сексуално експлоатирани
Виетнамска криминална мрежа беше пресечена со акција на полициите на Франција и Англија, со поддршка на Европол.
Оваа група шверцувала мигранти преку Ла Манш и организирала нивна сексуална и трудова експлоатација како и перење пари.
Главниот организатор, идентификуван како десна рака на водачот на оваа банда, го организирал шверцот, додека друг нивни соучесник бил задолжен за собирање пари и организирање на транспортот на мигрантите, кои плаќале од 15.000 до 18.000 евра за превоз преку каналот , соопшти Европол.
На пат од Полска за Франција, некои од мигрантите шверцувале метамфетамин во парискиот регион, снабдувајќи ги азиските групи за шверц на дрога со седиште во областа во замена за намалена цена на патувањето.
Уапсени се 16 членови на оваа група и одземени се разновидна луксузна стока, 100.000 евра во кеш и уште 298.000 евра на банкарски сметки.