Свет
CIA наредила напад врз мисионерско семејство
Роднините на мисионерско семејство кое е убиено во 2001 г. ја обвинуваат владата на САД за забошотување на случајот кога според нив Агенцијата на перуанската војска и’ наредила да го урне авионот во кој биле членовите на семејството
Џим и Вероника Боуерс работеле како мисионери во џунглите во северно Перу, заедно со нивните две деца, едното на шестгодишна возраст и другото бебе. Со мал авион се враќале во кампот кога почнал да ги следи летало на CIA. Мислејќи дека станува збор за авион на криумчари на дроги, Агенцијата им наредила на перуанските воени воздухопловни сили да го урнат авионот. Семејството тврди дека доволно било да ја проварат бројката на опашката од авионот од кој ќе можеле да видат дека станува збор за воздухоплов во сопственост на црквата. На снимката од разговорот на агентите на CIA којашто е објавена во САД се слуша дека и кај нив имало дилема за какво авион станува збор, и откако два часа го недлетувале авионот на семејството Боуерс решиле тој да биде соборен. Еден од агентите се предомислил кога почнало пукањето, но Вероника Боуерс веќе била погодена со куршум кој минал низ нејзиното тело и влегол во бебето кое го држела в скут. Пилотот Кевин Доналдсон иако бил ранет во двете нозе, сепак успеал да слета во реката. По девет години истрага против 16 агенти на CIA биел поднесени дисциплински мерки, иако Агенцијата и натаму тврди дека никој од агентите не го прекршил законот. Телевизијата ABC се повикува на анонимен извор дознала дека еден од агентите добил само дисциплинска мерка – писмена опомена која е ставена во неговото досие.Но таткото на убиената Вероника Боуерс, за американските медиуми изјавил дека почнува со нова кампања, бидејќи не е задоволен од „лагите и забошотувањата“. Тој смета дека за овој случај некои лица треба да добијат затворски казни.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Свет
Бакингемската палата ја објави здравствената состојба на кралот Чарлс: познато кога ќе се врати на должностите
Кралот Чарлс ќе продолжи со јавните ангажмани следната недела откако е постигнат охрабрувачки напредок во лекувањето на ракот, објави Бакингемската палата.
За кралот тоа нема да биде целосно враќање на официјалните ангажмани, но палатата испраќа позитивни сигнали, јавува Би-Би-Си.
Следниот вторник кралот ќе започне со симболично патување во центар за лекување рак, пренесува медиумот.
Неговите летни планови вклучуваат државна посета, каде што ќе биде домаќин на императорот и царицата на Јапонија.
Во наредните недели, соопштија од палатата, тој ќе преземе неколку надворешни ангажмани.
Свет
Стари книги обложени со отров отстранети од Француската национална библиотека
Властите отстранија четири книги од Француската национална библиотека поради можноста нивните корици да содржат отровен арсен. Имено, некои книги од 19 век, печатени во Британија, имаат смарагдно зелени корици. Арсенот често се користел за боење книги во тоа време.
Научниците од Универзитетот во Делавер во САД ги класифицираа отстранетите томови како потенцијално опасни, но библиотеката вели дека ракувањето со овие книги би предизвикало само мала штета на здравјето. „Ги ставивме во карантин овие дела. Ќе ги анализираме во лабораторија за да можеме да процениме колку арсен е присутен во секој том“, рече портпаролот на Француската национална библиотека, а пренесе Би-би-си.
Списокот на потенцијално опасни книги е составен од „Poison Book Proect“ , иницијатива покрената од научници од Универзитетот во Делавер во соработка со музејот Винтертур во Делавер. Од 2019 година, тимот тестираше стотици корици книги за тешки метали и состави листа на наслови кои се потенцијално опасни.
Издавачите од викторијанската ера користеле арсен за да ги обојат кориците. Светската здравствена организација (СЗО) предупреди на долгорочна изложеност на арсен во водата за пиење и храната, велејќи дека супстанцијата е многу токсична. Сепак, таа не дала никакви упатства за ракување со предмети што го содржат овој отров.
Во 2022 година, библиотекарите во Лидс, Англија открија ретка книга со арсен. Библиотекар ја открил потенцијално отровната книга додека ја споредувал збирката на библиотеката со базата на податоци на проектот „Poison Book“.
Свет
Мигранти плаќале 18.000 евра за превоз преку Ла Манш, биле сексуално експлоатирани
Виетнамска криминална мрежа беше пресечена со акција на полициите на Франција и Англија, со поддршка на Европол.
Оваа група шверцувала мигранти преку Ла Манш и организирала нивна сексуална и трудова експлоатација како и перење пари.
Главниот организатор, идентификуван како десна рака на водачот на оваа банда, го организирал шверцот, додека друг нивни соучесник бил задолжен за собирање пари и организирање на транспортот на мигрантите, кои плаќале од 15.000 до 18.000 евра за превоз преку каналот , соопшти Европол.
На пат од Полска за Франција, некои од мигрантите шверцувале метамфетамин во парискиот регион, снабдувајќи ги азиските групи за шверц на дрога со седиште во областа во замена за намалена цена на патувањето.
Уапсени се 16 членови на оваа група и одземени се разновидна луксузна стока, 100.000 евра во кеш и уште 298.000 евра на банкарски сметки.