Свет
Америка нема да соработува со Европа
САД нема да соработуваат со институциите на Европската унија(ЕУ) ако Европскиот парламент(ЕП) следната недела го одбие договорот со кој на Вашингтон му се овозможува увид во банкарските сметки на европските граѓани
„Ако ЕП се спротивстави на тој договор, што му овозможува на Вашингтон пристап до банкарските податоци на европските граѓани, не сум сигурен дека американските власти ќе сакаат повторно да расправаат по тоа прашање со Европската унија“, изјави американскиот амбасадор во Унијата, Вилијам Кенард, во писмо упатено до претседателот на ЕП, Јержи Бузек и шефовите на политичките групи.ЕП би можел следниот четврток да го отфрли договорот со кој им се овозможува на американските власти, во рамки на борбата против тероризмот, да добиваат информации за банкарските сметки на Европејците од меѓународната мрежа Свифт.Комитетот за граѓански слободи при ЕП вчера гласаше против спорниот договор, и препорача Парламентот да не го усвои документот.Комитетот смета дека овластувањата што им се даваат на американските власти не пружаат доволни гаранции за заштита на приватноста на граѓаните и тврди дека станува збор за претерано кршење на човековите права.Станува збор за привремен договор во траење од девет месеци што стапи на сила на 1. февруари, но истиот нема да се применува, ако Европскиот парламент не го одобри.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Регион
Повредени и загинати при судир на воено и цивилно возило на патот Краљево-Рашка
Борбено возило „ПАСАРС“ на војската на Србија денеска околу 13 часот и 10 минути се судрило со цивилно возило кај градот Ушќе на патот Краљево-Рашка, соопшти Министерството за одбрана.
Борбеното возило – противвоздушен самооден артилериско-ракетен систем во колона под придружба на воената полиција се движело кон Рашка.
Според првите информации има повредени и загинати, се вели во соопштението на Министерството.
Европа
Вонредна состојба во Италија, поплавени се два региони
Италија прогласи вонредна состојба денеска за два поплавени региони на северот од земјата по неколкудневните поројни врнежи.
Поројните врнежи предизвикаа поплавени патишта во двата региона. Вкупно, повеќе од 2.500 луѓе мораа да бидат евакуирани од своите домови. Зафатени се неколку градови, вклучувајќи ги Болоња, Модена и Равена, како и приморското одморалиште Римини на јадранскиот брег.
Свет
Расте бројот на загинати во израелскиот напад на Бејрут, меѓу загинатите има деца
Бројот на загинати од израелскиот напад врз јужните предградија на Бејрут, жариште на проиранското движење Хезболах, се искачи на 31, соопштија денеска властите.
„Меѓу загинатите има три деца и седум жени“, изјави либанскиот министер за здравство Фирас Абијад на прес-конференција, додавајќи дека најмалку 68 лица се повредени во петочниот штрајк.
Претходно, Министерството објави дека загинале најмалку 12 лица.
Во меѓувреме, бројот на жртви од координираните експлозии со електронски уреди во Либан на почетокот на оваа недела се зголеми од 37 на 39, соопшти Министерството за здравство.