Три лица загинаа на новогодишната ноќ од експлозии на петарди и пиротехнички средства во Германија, јавија денеска медиумите.

24-годишен маж загина од експлозија на рачно изработена петарда со голема моќност во германската покраина Северна Рајна Вестфалија, објави весникот „Билд“.

Вториот инцидент се случил во покраината Саксонија, кога 45-годишен маж активирал пиротехничка бомба од категоријата Ф4, која може да ја добијат само лица со специјална дозвола.

Тој се здобил со тешки повреди на главата и набрзо починал во болница, потврдил портпаролот на полицијата.

Уште еден млад човек загина во Хамбург во експлозија на рачно изработена експлозивна направа.

Папата Франциско ја започна 2025 година со обновување на својот повик до верниците да го отфрлат абортусот, повикувајќи на цврста посветеност за заштита и почитување на животот од зачнување до природна смрт.

Во средата папата отслужи nовогодишна миса во базиликата Свети Петар, посветена на Богородица, пишува АП.

Во својата проповед, тој се молеше сите да научат да се грижат за секое родено дете и да го чуваат скапоцениот дар на животот: животот во утробата, животот на децата, животот на страдалниците, сиромашните, постарите, осамените и оние што умираат“.

„Барам цврста заложба за почитување на достоинството на човечкиот живот од зачнувањето до природната смрт, за секој човек да може да го цени својот живот и секој да гледа кон иднината со надеж“, рече тој.

Тој се пожали во првите месеци од неговото назначување во 2013 година дека црквата станала опседната со „малкуумни правила“ за контроверзни прашања како што е абортусот.

Сега отворено го споредува абортусот со некој што вработил убиец за да „реши проблем“, пишуваат медиумите.

Неодамна, во Белгија, тој го критикуваше тогашниот закон за абортус како „смртоносен закон“.

За папата, кој страда од респираторни проблеми, овогодинешната сезона беше уште поголем предизвик бидејќи 2025 година ќе биде јубилејна или света година во Ватикан. Станува збор за прослава на верата што се одржува во Рим еднаш во четвртина век, а која се очекува да донесе 32 милиони аџии во Рим во текот на 2025 година.

Британската полиција денеска соопшти дека пронашла жена која исчезнала од градот Ковентри пред 52 години.

Шејла Фокс, која исчезна од Ковентри во 1972 година кога имала 16 години, е безбедна и живее во друг дел од земјата, соопшти полицијата на Вест Мидленд.

Во декември, полицијата упати нов апел за помош во пронаоѓањето на Фокс и објави нејзина фотографија од времето на нејзиното исчезнување на нивната веб-страница и социјалните мрежи.

Во рок од неколку часа по објавувањето, граѓаните ја контактирале полицијата со информации за Шила Фокс, пишува Би-Би-Си.

„Секое исчезнато лице има приказна, а нивните семејства и пријатели заслужуваат да знаат што се случило со нив и, се надевам, да се обединат со нив“, рече наредникот Џена Шо, кој учествуваше во истрагата за случајот, пренесува Танјуг.

Засега не е познато под кои околности Фокс исчезнала во 1972 година.