Повеќе од 300 луѓе загина ле во вчерашниот земјотрес во Чиле, а уште најмалку четворица настрадале во цунамито кој мини низ поголемиот дел од Пацификот не предизвикувајќи сериозни штети

Чилеанските власти страхуваат дека бројката загинати од земјотресот што во сабота наутро со магнитуда од 8,8 степени ја погоди земјата може да има уште жртви, бидејќи стотици луѓе се заробени под урнатините. Во цунамито кое го предизвика земјотресот загинале најмалку четири лица на островите Хун Фернандез, 600 километри западно од чилеанскиот брег, а забележени се материјални штети во пристанишниот град Талкахуана.Цунамито со бранови со максимална височина од 1,5 метри доцна навечер во саботата мина низ Хаваи, Австралија, Нов Зеланд и Камчатка во Русија, но без поголеми штети и човечки жртви, пред се’, благодарејќи на правовремените предупредувања од системот за алармирање. Големиот воден бран се очекува во текот на неделата да мине низ Филипините и во Јапонија каде населението е веќе.евакуирано.Катастрофалниот земјотрес според јачината се случи во сабота 7,34 минути по средноевропско време а имаше епицентар 91 километар од градот Консептион и 317 километри од главниот град Сантјаго, а на длабочина од 35 до 59,4 километри. Кусо време по првиот удар следел и втор, но со помала силина од 6,2 степени по Рихтер,  а до вечерва се забележени повеќе од десет послаби земјотреси.Според чилеанскиот министер за внатрешни работи Едмондо Перез Јома, освен загубите на човечки животи, земјотресот предизвикал и големи материјални штети. Околу 1,5 милиони разни згради претрпеле поголеми или помали оштетувања. се уништени. Покрај урнатите згради и куќи, мостови и сообраќајници, во прекин е и снабдувањето со вода и со струја, интернетските и телефонските врски се’ уште не функционираат. Во главниот град Сантјаго, во прекин е авионскиот сообраќај заради уривање на терминали на аеродромот. Затворени се и линиите во подземната железница. Во градот Косепсион кој е 91 километра од епицентарот на земјотресот, се урнал затворот, што овозможило бегање на стотици затвореници. Тешко е оштетена и градската болница и една 15-катница, под чии урнатини се страхува дека има десетици луѓе.Според агенциските извештаи, најголемиот дел од населението ширум Чиле плашејќи се од нови потреси, ноќта ја минало на отворено.