Контролорите на летањето на њујоршкиот меѓунaродeн аеродром Кенеди (JFK) се суспендирани бидејќи му дозволиле на дете да си игра контролор и да „крене“ авиона, соопшти во среда попладне американската управа за цивилно воздухопловство FAA

„Се очекуваат резултатите од истрагата, вработените вклучени во инцидентот се суспендирани и веќе не го контролираат воздушниот сообраќај. Таквото однесување е неприфатливо и не е во склад со професионалното ниво кое се очекува од сите вработени“, стои во соопштението на FAA што го пренесуваат американските медиуми. Меѓутоа се’ уште не е познато што точно се случувало при овој инцидент. Рeгионалниот телевизиски канал Fox Boston ексклузивно емитувала снимка од контролната кула. На неа е забележано како детето, кои сепорд гласот има најмногу десет години, дава упатство „Џет Блу 171, можете да полетате“. Покрај детето имало и возрасно лице а дијалогот бил продолжен и детето дало дозвола за полетување на авиони на три лета: Џет Блу 171 за Сакраменто, Аеро Мексико 403 за Мексико и на Џет Блу 195 за Лас Вегас.„ЕјМексико можете да полетате, адиос!„ повторно се слуша гласот на дететот на снимката на телевизијата, а женски глас на пилот или копилот возвраќа „Адиос!“.Влегувајќи во забавата, детето на пилотите на летот за Лас Вегас им довикува „Патот е слободен, адиос амигос!“ .Инцидентот се случил кога во САД е училишен распуст, што го коментира и втор глас на возрасно лице на снимката со „Ете што се случува кога децата не се во училиште.“, а трет глас се надоврзува „Ќе ги донесам и јас моите.“