Свет
Русија ги запира туристичките летови во вселената
Русија во среда најави дека ќе ја запре својата програма на вселенски туризам, бидејќи ќе имаат тешкотии со превезување на професионалните екипажи на Меѓународната вселенска станица (ISS) откако САД решија да ја „пензионираат“ својата флота ракетоплани
Американската вселенска агенција NASA планира само уште четири летови на нејзините ракетоплани до Меѓународната вселенска станица, пред трајно да ги приземји своите три спејс-шатла. Русија која на станицата испраќа посади со своите еднократни бродови од типот „Сајуз“ со три членови на екипажот, затоа годинава ќе го дуплира бројот лансирања на четири бидејќи постојаниот екипаж од професионални астронаути на неодамна проширената станица ќе се зголеми на шестмина.„Годинава ќе биде последната мисија на ракетоплани и од тој момент Русија ќе стане не само единствената нација која таму ќе ги превезува екипажите, туку и единствената држава која ќе ја одржува безбедност ана екипажите“, изјави Сергеј Крикаљов, директор на рускиот центар за обука на астронаути на прес-конференција во Ѕвездениот град близу Москва. Крикаљов додал дека што се однесува до вселенските туристи, на вселенската станица ќе има шест астронаути, па оттаму ќе биде според него невозможно да се превезуваат туристи во време кога треба да се направат смените на екипажите, па затоа и овие комерцијални летови извесно време нема да се извршуваат.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Свет
Русија потврди дека извршила напад врз украински воени и енергетски објекти
Руското Министерство за одбрана соопшти денеска дека Москва синоќа извршила напад врз украинските воено-индустриски и енергетски објекти како одговор на тоа што го нарече „терористички напади“, објавија светските агенции.
„Како одговор на терористичките напади на Украина врз цивилни објекти на руска територија, синоќа вооружените сили на Руската Федерација извршија напад со високопрецизно оружје и беспилотни летала врз претпријатија од воено-индустрискиот комплекс на Украина и енергетски објекти кои го обезбедуваат нивното работење. Целите на нападот се исполнети. Сите целни објекти се погодени“, се вели во соопштението на министерството.
Во меѓувреме, Каспискиот козорциум за гасовод (КТК) денеска соопшти дека ги прекинал своите операции откако неговото пристаниште во Русија на брегот на Црното Море било сериозно оштетено во напад од украински воени беспилотни летала.
Свет
162 лица загинаа во поплавите во јужен Тајланд
Портпаролот на тајландската Влада, Сирипонг Ангкасакулкиат денеска изјави дека 162 лица го загубиле животот во поплавите во јужен Тајланд, пренесуваат агенциите.
Околу еден милион домаќинства и повеќе од три милиони луѓе се погодени во поплавите во 12 провинции во јужен Тајланд предизвикани од обилните дождови во последните неколку дена.
Тајландскиот премиер Анутин Чарнвиракул претходно прогласи вонредна состојба во провинцијата Сонгкла. Поплавите го погодија и најголемиот град во јужен Тајланд, Хат Јаи.
Свет
Без струја останаа повеќе од 600.000 луѓе по руските напади во Украина
Повеќе од 600.000 луѓе останаа без електрична енергија во Украина по руските напади со ракети и беспилотни летала, соопшти украинското Министерство за енергетика.
„Како резултат на нападите, повеќе од 500.000 потрошувачи во Киев и повеќе од 100.000 потрошувачи во неговиот регион останаа утринава без електрична енергија“, наведе Министерството.
Како што беше додадено, речиси 8.000 луѓе во регионот на Харков останаа без електрична енергија. Нападите започнаа синоќа и продолжија утрово.

