Свет
Умре напаѓачот на Пентагон
Вооружениот напаѓач на американското министерство за одбрана почина од здобиените повреди при престрелката со обезбедувањето на влезот на Пентагон
Како што јавуваат американските медиуми напаѓачот е идентификуван како 36-годишниот Џон Патрик Бедел од Холистер во Калифорнија. Тој на според началникот на безбедност на Пентагон, Ричард Кивил на безбедносниот контролен пункт на излез од станицата на подземната железница во Вашингтон од капутот извадил пиштол и пукал во полицајците, при што полесно ранил двајца од нив. Кај него биле пронајдени 25 магацини со муниција, што насочува дека најверојатно бил подготвен за подолга престрелка. Мотивите за нападот се’ уште не се познати..Associated Press пренесува дека има индиции дека напаѓачот Бедел имал некои нерасчистени сметки и недоразбирања со американската армија. Наводно, тој се сомневал во фактите врзани со терористичките напади врз САД од 11-ти септември 2001 г. На интернетската страница на корисникот под име JPatrickBedell напишал дека „решил да види да се спроведува правдата“ во случајот на смртта на полковникот од маринците, полковникот Џејмс Сејбоу, кој е пронајден мртов во дворот на неговата куќа во Калифорнија во 1991 г. Оваа смрт била, прогласена за самоубиство но долго време била извор на теории на заговор. Овој корисник напишал дека полковникот бил „чекор поблиску до востановување на вистината за случувањата како што се разурнувањата од 11-ти септември“.Истиот корисник напишал дека е против владините закони за марихуана, вклучувајќи го и неговиот случај од 2006 г. пред судот во округот Оринџ во Калифорнија, заради одгледување марихуана и давање отпор на полициски офицер.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Свет
Еден загинат и 11 повредени во руски напад со дронови врз Киев, меѓу нив и дете
Најмалку едно лице загина синоќа, а 11 се повредени во руски напад со дронови врз Киев, соопштија градските власти.
Градоначалникот Виталиј Кличко изјави дека меѓу повредените е тринаесетгодишно момче.
Воената администрација на Киев ги предупреди жителите и на заканата од напад со балистички ракети и ги повика да останат во затворен простор.
Шефот на воената администрација на Кијева, Тимур Ткаченко изјави дека еден човек загинал во нападот, како и дека бројот на повредени не е конечен.
Свет
Трамп ги поништил сите уредби и документи потпишани од Бајден
Американскиот претседател Доналд Трамп соопшти дека ги поништил сите уредби и документи потпишани од неговиот претходник на функцијата, демократот Џозеф Бајден, бидејќи користел уред за автоматско потпишување.
Кои се правните последици од одлуката на Трамп засега не е јасно.
„Секој документ кој го потпишал Поспаниот Џо користејќи автоматско пенкало, што е околу 92 проценти од нив, со ова се поништува и повеќе нема никаква правна сила или ефект“, напиша републиканскиот претседател на својата платформа Трут Соушл.
Свет
Преговорите со САД за мировниот план за прекин на конфликтот со Русија ќе почнат наскоро, вели Зеленски
Украинскиот претседател Володимир Зеленски изјави дека на преговорите со Соединетите Американски Држави за мировниот план за прекин на конфликтот со Русија, кои, како што наведе, наскоро ќе започнат, земјата ќе ја претставуваат началникот на Генералштабот на вооружените сили на Украина, Андреј Гнатов и секретарот на Советот за национална безбедност и одбрана Рустем Умеров.
Во синоќешното видео обраќање, Зеленски рече дека претставници на Министерството за надворешни работи и украинската разузнавачка служба ќе бидат меѓу членовите на украинската делегација, пренесува „Униан“.
Тој додаде дека во моментов се во тек подготовки за состанок со американската страна.
„Преговорите наскоро ќе започнат, а наши претставници ќе бидат таму – началникот на Генералштабот, претставници на Министерството за надворешни работи, секретарот на Советот за национална безбедност и одбрана и нашата разузнавачка служба. Состаноци со американската страна ќе се одржат во блиска иднина“, нагласи Зеленски.
Украинската делегација досега ја предводеше Андриј Јермак, кој вчера поднесе оставка од функцијата шеф на претседателскиот кабинет.

