Свет
САД преземаат мерки за уништување на смртоносниот вирус на грип
Иако тврдеа дека е мала опасноста оти смртоносниот вирус на грип, што по грешка е пратен на илјадници лаборатории ширум светот ќе предизвика зараза, американските власти преземаат мерки тој што е можно побрзо да се уништи.
Иако тврдеа дека е мала опасноста оти смртоносниот вирус на грип, што по грешка е пратен на илјадници лаборатории ширум светот ќе предизвика зараза, американските власти преземаат мерки тој што е можно побрзо да се уништи. До сега не е откриено дека е некој заразен со овој вирус во САД и мала е веројатноста тој да се пренесе, рече Џули Гербердинг, директор на Центарот за контрола и спречување на болести. Сепак, од повеќе од 4.000 лаборатории во 18 земји е побарано да потврдат дека ги уништиле примероците на вирусот на грипот познат како „H2N2“, што со невнимание е пратен како дел од опремата за тестирање. До сега околу илјада лаборатории пратиле изјави со кои потврдуваат дека ги уништиле примероците што ги примиле. „Во овој момент немаме докази за каква било опасност по здравјето на кој било“, но работиме на случајот за да бидеме сигурни“, изјави Гербердинг. „Го осигуравме преземањето на сите мерки за да се идентификува секоја лабораторија што би можела да го има вирусот и тој брзо да се уништи. Правиме се што можеме, не преземајќи никаков ризик овој вирус некого да зарази или да се прошири“, изјави директор на Центарот за контрола и спречување на болести. Од вирусот на груп „H2N2“ во 1957 година умреа до четири милиони луѓе. Проблем е што по 1968 година, кога исчезна, не беше вклучуван во вакцината против грип и никој роден по оваа година не е имун на тој вирус. Светската организација на ОН побара порано лабораториите ширум светот да ги уништат примероците со вирусот кои, поради невнимание, им ги испрати американската организација Колегиум на американските патолози. Такви примероци лабораториите рутински користат за тестирање на своите можности за откривање на вируси и бактерии, но со бенигни микроби. Колегиумот на американските патолози управува со тестовите и со фабриката „Меридиан Биосајенс“ од Синсинати договори во нивно име да дистрибуира опрема за тестирање. Гербердинг изјави дека е речиси „неверојатно да се поверува“ дека „Меридиан Биосајенс“ незнаејќи го дистрибуирала опасниот вирус и оти нејзината здравствена организација го истражува случајот. Портпаролот на Колегиумот на американските патолози изрази жалење поради случајот и рече дека организацијата никогаш намерно не би го пратила смртоносниот вирус. Колегиумот утврди дека „Меридиан Биосајенс“ е одговорен за праќање на примероците. Портпаролот на Белата куќа Скот Меклелин изјави дека решавање на проблемот е приоритетна задача и оти со овој вирус не смее да се ризикува. /крај хин/тт
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Свет
Рјабков: Русија нема доверба во НАТО
Геополитичките проекти со НАТО сега се невозможни, Москва нема доверба во Алијансата и кај нас предизвикува политичка и емотивна одбивност, изјави денеска рускиот заменик министер за надворешни работи Сергеј Рјабков.
„Геополитички дизајн од секаков вид со НАТО е невозможен. НАТО не е пандан способен за преговори, тоа е групација во која не само што немаме ни најмала доверба, туку ни предизвикува политички и, дури би рекол, емотивна одбивност“, рече Рјабков во интервју за ТАСС.
Тој посочи дека Русија ќе работи со оние „кои се подготвени да преговараат на еднаква основа“.
„Големиот евроазиски простор, концептите на евроазиската безбедност, се она што доаѓа во центарот на вниманието на архитектонските проекти во однос на политиката и геополитиката. Според нас, тоа е она на што пред се треба да се фокусираме“, посочи Рјабков.
Свет
Ирански командант: Три европски земји ќе одговараат за помошта кон Израел
Командантот на силите Кудс, Есмаил Кани изјави дека трите европски земји кои ги распоредија своите воени авиони за да го одбранат Израел од одмаздничката операција организирана од Иран ќе одговараат.
– Франција, Германија и Велика Британија не треба да мислат дека распоредувањето на авионите таа ноќ е крај на проблемот. Да, таа ноќ заврши, но ќе одговорат во догледно време – изјави бригадниот генерал Есмаил Кани.
Според него, Соединетите Американски Држави и целата западна воена алијанса на НАТО придонеле со сите свои воени капацитети за одбрана на Израел од иранската операција „Вистинско ветување“, пренесува иранската агенција „Тасним“.
– Седум или осум поморски групи се распоредени во Црното Море за да се спречи (иранската) операција – рече тој, додавајќи дека во таа операција се вклучени и повеќе од 200 авиони.
Кани оцени дека Иран ја покажа својата сила, непоколебливост и моќ на целиот свет при нападот на територијата на Израел.
– Победата на операцијата „Вистинско ветување“ не е ограничена само на бројот на ракети и беспилотни летала кои стигнаа до окупираните територии – рече Кани и ги повика земјите од регионот да учат од, како што наведе, „неспособноста на САД да го заштитат израелскиот режим за време на иранската операција“ и да не се потпираат на Вашингтон.
На 13 април Техеран истрела повеќе од 300 беспилотни летала и проектили кон Израел, како одговор на нападот врз иранскиот конзулат во сирискиот главен град Дамаск на 1 април, кога беа убиени седум членови на Иранската револуционерна гарда.
Иран тврди дека нападот „Вистинско ветување“ предизвикал голема штета на израелските воени бази.
Регион
Изгласана новата влада на Хрватска: Пленковиќ по трет пат стана премиер
Пратениците во хрватскиот Сабор вечерва гласаа за доверба на новата влада на премиерот Андреј Пленковиќ. За доверба на Владата гласаа 79 пратеници, против беа 61 пратеник, а еден беше воздржан.
Претседателот и членовите на Владата потоа дадоа заклетва пред пратениците, со што Андреј Пленковиќ го започна третиот последователен мандат како премиер.
Во Собранието денеска беше претставена четиригодишната програма на новата Влада, која се заснова на „успешна, витална, праведна, одржлива и суверена Хрватска“.
Во новиот мандат, владата на Пленковиќ најавува просечна нето плата од 1.600 евра, минимална бруто плата од 1.250 евра, како и отворање на 125.000 нови работни места.
До крајот на мандатот на новата влада, пензиите треба да се зголемат за најмалку 30 отсто, со што просечната пензија би изнесувала најмалку 750 евра.
Новата влада наместо досегашните 16 ќе има 18 министерства и седум потпретседатели.