Свет
САД погубија уште еден затвореник

Маж од сојузната американска држава Индијана осуден пред десет години по пресметка со полицијата во Сан Франциско во четврток бил погубен во Тексас заради убиство на полицаец
Џошуа Максвел пред погубувањето се извинил за сторените злосторства додавајќи сека со неговото погубување ништо нема да се реши. Сепак, пресудата за убиството на полицаецот Руди Лопез во 2000 г. синоќа била извршена. Триесет иедно годишниот Максвел е четвртиот затвореник кој е погубен оваа година во Тексас, кој инаку годишно има најголем број извршени смртни казни од сите сојузни американски држави. Оваа егзекуција не била проследена со поднесување жалби и тужби во последен момент, а американскиот Врховен суд минатата седмица одбил да го загледа овој случај, пренесуваат американските медиуми.Во 2000-та Максвел и неговата девојка Тесa Мекфарланд во повеќе држави од САД извршија повеќе грабежи и злосторства кои завршија со престрелка во која е убиен полицаецот Лопез. Тие биле уапсени една седмица по убиството, во спектакуларна полициска потера по нив и престрелка по улиците на Сан Франциско. Пред да го убијат полицаецот, двојката извршила уште едно убиство, на механичарот Роби Бот. Фарланд која сега иам 30 години издржува доживотна затворска казна во Тексас, откако исто така ги призна злосторства. На почетокот од процесот и таа била обвинета за убиство а смртната казна ја избегана откако направила договор со обвинителите.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Свет
Високите температури во Европа однесоа осум животи, додека температурата на континентот надминува 40 степени

Шумски пожар во Шпанија и високите температури во другите делови на Европа однесоа уште осум животи, додека температурата на континентот надминува 40 степени.
Двајца земјоделци загинаа во пожар во близина на градот Коско во Каталонија, во Италија двајца мажи загинаа на плажите на Сардинија, а маж во осумдесеттите години почина од срцев застој во Џенова.
Десетгодишно американско девојче се сруши и почина за време на посетата на Версајската палата во Париз, објавува Би-Би-Си.
Француската министерка за еколошка транзиција, Агнес Паније-Рунаше, изјави дека во Франција се регистрирани уште два смртни случаи поврзани со топлината и дека повеќе од 300 луѓе побарале итна помош.
Во Шпанија и Англија, јуни беше најтопол откако се водат мерењата. Шпанската метеоролошка служба објави дека просечната температура од 23,6 степени минатиот месец го сруши рекордот, надминувајќи го нормалниот просек за јули и август.
Франција го забележа својот втор најтопол јуни откако започнаа евиденциите во 1900 година. Јуни 2023 година беше потопол.
Топлотните бранови стануваат сè почести поради климатските промени предизвикани од човекот, според Меѓувладиниот панел на ОН за климатски промени.
Беше објавено дека екстремно топлото време ќе се појавува почесто и ќе станува уште поинтензивно како што планетата продолжува да се затоплува.
Свет
Кина: Европската Унија не треба да бара конфронтација

Кинескиот министер за надворешни работи Ванг Ји ја предупреди својата европска колешка Каја Калас за опасноста од „конфронтација“, се вели во соопштението од неговото министерство во вторник, додека Пекинг се обидува да се претстави како стабилна противтежа на Вашингтон.
Кина и Европската Унија „не треба да се сметаат едни за други за соперници поради нивните разлики, ниту да бараат конфронтација поради нивните несогласувања“, изјави вчера Ванг Ји на состанокот во Брисел со највисокиот дипломат на ЕУ. Калас вчера изјави дека Пекинг треба да престане да ја загрозува европската безбедност, наведувајќи ги кибернападите, мешањето во демократските процеси и нефер трговските практики.
Европа „се соочува со неколку предизвици“, рече Ванг Ји, од кои ниту еден „во минатото, сегашноста или иднината не бил предизвикан од Кина“.
Ванг генерално се обиде да го прикаже Пекинг како противтежа на администрацијата на американскиот претседател Доналд Трамп, која се закани со царини за стоки увезени од Европа. „Патот што го избраа Соединетите Американски Држави не треба да се прикажува како одраз на Кина“, рече тој. „Кина не е како Соединетите Американски Држави“, додаде тој.
Двете страни разговараа и за други прашања како што се Украина, израелско-палестинскиот конфликт и нуклеарната програма на Иран, се вели во соопштението на кинеското Министерство за надворешни работи. Пекинг и Брисел мора да покажат меѓусебно почитување, рече Ванг, додавајќи дека Европа треба да промовира „поактивна и попрагматична“ политика кон Кина.
Ванг вчера се сретна и со претседателката на Европската комисија, Урсула фон дер Лајен, и со белгискиот министер за надворешни работи.
„Кина и ЕУ мора да го поддржат мултилатерализмот и слободната трговија и да работат заедно за справување со глобалните предизвици како што се климатските промени“, и рече Ванг на претседателката на ЕК.
Ванг Ји ќе ги посети Германија и Франција пред самитот ЕУ-Кина на кој ќе учествуваат кинескиот претседател Си Џинпинг и неколку високи европски претставници.
Свет
Астрономите следат непознат објект кој можеби доаѓа од друг ѕвезден систем

Астрономите следат објект што се движи кон нас, а кој би можел да доаѓа од друг ѕвезден систем, објави АП. Научниците открија нешто што би можело да биде само третиот познат меѓуѕвезден објект што поминува низ нашиот Сончев систем, соопшти синоќа Европската вселенска агенција (ЕСА).
Безопасниот објект моментално е во близина на Јупитер, стотици милиони километри од Земјата, и се движи кон Марс, но според научниците не би требало да се приближи повеќе од тоа до Сонцето.
Сè уште е прерано да се утврди дали објектот – моментално означен како A11pl3Z – е карпест астероид или ледена комета, или каква е неговата големина и облик. Потребни се дополнителни набљудувања за да се потврди неговото потекло. НАСА соопшти дека внимателно ја следи ситуацијата.
Астрономот Жозеп Триго-Родригез од Институтот за астрофизика во близина на Барселона, Шпанија, верува дека станува збор за меѓуѕвезден објект врз основа на неговата необична траекторија и екстремна брзина додека се движи низ Сончевиот систем. Тој проценува дека има дијаметар од приближно 40 километри.
Првиот потврден меѓуѕвезден посетител бил во 2017 година. Именуван е Оумуамуа, што на хавајски значи „извидник“, во чест на опсерваторијата на Хаваи што го открила. Првично бил класифициран како астероид, но поради подоцнежните карактеристики бил класифициран како комета, иако неговата издолжена форма продолжува да ги збунува научниците.
Вториот познат објект за кој е потврдено дека доаѓа од друг ѕвезден систем е 21/Борисов, откриен во 2019 година и речиси сигурно е комета.