Свет
27 загинати во експлозии и престрелки во Кандахар

Четири експлозии одекнале вечерва во центарот на јужниот авганистански град Кандахар, по што се слушаат престрелки меѓу полицијата и милитанти,во кои загианле најмалку 27 лица а повеќе од 50 биле ранети
Началникот на кандахарската болница, Абдул Кајум Пикхла, изјавил дека во болницата биел донесени 27 тела меѓу кои има полицајци и цивили и уште 52 повредени лица. Официјални претставници на ирачката полиција потврдиле дека цел на најголемиот напад бил градскиот затвор во Кандахар кој е централната област на областа која ја контролираа талибаните и каде ќе биде изведена следната голема офанзива против од страна на силите на НАТО.Репортерот на Reuters јавил дека првата експлозија се случила во близина на зградата на полицискиот штаб а втората во близина на резиденцијата на Ахмад Вали Карзaи, полубраот на авганистанскиот претседател Хамид Карзаи, кој е гувернер на повинцијата Кандахар.Заменикот на началникот на полицијата во Кандахар, Мохамад Шад Фаруки, за Associated Press изјавил дека експлозиите одекнале крај еден хотел, затворот, една џамија и кај важна раскрсница во самиот центар на градот. Ахмад Вали Карзаи, кој во време на нападот бил во престолнината Кабул, потврдил дека најголемата експлозија била предизвикана во самоубиствен врз затворот, каде што се верува дека бунтовниците се обидуваат да ги ослободат затворениците.„Главната цел на нападите е затворот кој е многу добро заштитен. Се’ уште немаме информации за жртви, но тоа беше многу голема, огромна експлозија, изјавил Вали Карзаи за агенцијата.Талибаните го нападнаа затворот на периферијата на Кандахар и во 2008 г., кога ослободија околу илјада затвореници, меѓу кои талибански борци.Другите две експлозии одекнале во близина на зградата на Советот на провинцијата. Се претпоставува дека тие биле изведени со намера да се одвлече вниманието на полицајата од затворот кој бил глвната цел. Полициски зивори до Кабул рекле дека четворица бомбаши самоубијци извеле напади во Кандахар и дека биле истрелани и неколку минофрлачки гранати кон затворот, по што дошло до пресметка меѓу напаѓачите и специјалните единици на полицијата кои биле испратени кон затворот. Кандахар е вториот по големина град во Авганистан и честопати е цел на голем број талибански напади. Меѓународните сили предводени од САД објавија дека планираат во текот на годинава да извршат офанзива во околината на градот и пошироката област која е конторлирана од бунтовниците.Кандахар, исто така, е духовната престолнина на талибаните кои во 1990 г. го воведеа владеењето на строгите исламски закони. Кандахар е и родниот град на авганистанскиот претседател Хамид Карзаи, во кој живее поголем дел од неговото пошироко семејство.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Свет
Израел со одговор на Британија: Промената на ставот го наградува Хамас и им штети на мировните напори

Министерството за надворешни работи на Израел реагираше на најавата на Велика Британија дека ќе ја признае Палестина доколку Израел не преземе конкретни чекори кон прекин на конфликтот во Газа и обновување на мировниот процес што води кон решение за две држави.
„Промената на ставот на британската влада во овој момент, по францускиот потег и внатрешниот политички притисок, претставува награда за Хамас и им штети на напорите за постигнување прекин на огнот во Газа и рамка за ослободување на заложниците“, се вели во соопштението на израелското Министерство за надворешни работи на X.
Британскиот премиер Кир Стармер го објави потенцијалниот потег неколку дена откако францускиот претседател Емануел Макрон изјави дека Париз ќе ја признае палестинската држава на Генералното собрание на Обединетите нации во септември.
Во официјалното соопштение од Даунинг стрит се наведува дека признавањето на Палестина е „неотуѓиво право на палестинскиот народ“ и дека ставот на британската влада отсекогаш бил дека признавањето ќе биде дел од поширокиот мировен процес, според медиумите.
Сепак, се наведува дека поради „сè понеподносливата ситуација во Газа и намалената надеж за мировен процес“, сегашниот контекст бара порешителна акција.
Стармер истакна дека признавањето ќе следи ако израелската влада не се согласи на итен и траен прекин на огнот, јасна посветеност на мировен процес што води кон решение за две држави и недвосмислена посветеност дека нема да има анексија на територија на Западниот Брег.
Тој, исто така, повтори дека „нема еквивалентност меѓу Израел и Хамас“ и дека барањата на Велика Британија кон Хамас остануваат: ослободување на сите заложници, прифаќање на прекин на огнот, откажување од каква било политичка улога во идното управување со Газа и целосно разоружување.
Фото: принтскрин
Свет
Велика Британија: Ќе ја признаеме Палестина во септември ако Израел не се согласи со нашите услови

Велика Британија ќе признае палестинска држава во септември ако Израел не се согласи на прекин на огнот во Газа, не дозволи помош од ОН и не преземе други чекори кон долгорочен мир, објави британскиот премиер Кир Стармер, според светските медиуми.
Стармер свика редок летен состанок на кабинетот за да се разговара за ситуацијата во Газа.
Тој им рече дека Велика Британија ќе ја признае државата Палестина пред Генералното собрание на Обединетите нации, „освен ако израелската влада не преземе значајни чекори за да ја заврши ужасната ситуација во Газа, не постигне прекин на огнот, не вети дека нема да има анексија на Западниот Брег и не се обврзе на долгорочен мировен процес што ќе обезбеди решение за две држави“.
Тој исто така рече дека Хамас мора да ги ослободи сите заложници што ги држи, да се согласи на прекин на огнот, „да прифати дека нема да игра никаква улога во владата на Газа и да се обврзе на разоружување“. Во телевизиска изјава, Стармер рече дека неговата влада ќе го процени „степенот до кој страните ги исполниле овие чекори“ во септември пред да донесе конечна одлука за признавање.
Велика Британија долго време ја поддржува идејата за постоење на независна палестинска држава покрај Израел, но верува дека признавањето треба да дојде како дел од договореното решение за конфликтот.
Притисокот за формално признавање на палестинската државност се зголеми откако францускиот претседател Емануел Макрон објави дека неговата земја ќе стане првата голема западна сила што ќе признае палестинска држава.
Повеќе од 250 од вкупно 650 пратеници во Долниот дом потпишаа писмо со кое ја повикуваат британската влада да признае палестинска држава. Стармер истакна дека и покрај условите што ги поставил, Велика Британија верува дека „државноста е неотуѓиво право на палестинскиот народ“, пренесуваат агенциите.
Фото: принтскрин
Регион
Млад човек се удави во Улцињ: трагедија во Црна Гора

Млад човек се удави во Улцињ денеска, во попладневните часови, јавуваат медиумите во регионот.
Според написите, давењето се случило на „Големата плажа“.
Засега нема информации за идентитетот на загинатиот.
Според последните извештаи било подигнато црвено знаме бидејќи имало големи бранови во морето.