Радикалниот јеменски имама Анвар ал-Авлаки во аудиопорака ги повикал американските муслимани на бунт против власта која „војува против исламот и муслиманите“

„На муслиманите во САД сакам да им порачам: како можете да и’ бидете лојални на владата која војува против исламот и муслиманите“, се вели во гласовната порака на имамот Анвар ал-Авлаки која во четврток ја објави американскиот Центар за следење на исламистичките страници СИТЕ и телевизиската мрежа CNN.„Како вашата свест во дозволува да живеете мирно со нацијата која е одговорна за тиранијата и злосторствата извршени врз вашите браќа и сестри.“, вели имотот кој поседува и американско државјанство забележува CNN. „Дојдов до заклучок дека џихадот портив Америка е мојата должност, како и за секој муслиман кој за тоа е способен“, додал ал-Аваки, обвинувајќи ја администрацијата на американскиот претседател Барак Обама кој „ветил јаснотија, но не останал доследен на своите ветувања“.Ал-Авлаки, според американските медиуми, се сокрива во источната јеменската покраина Шабва. Постојат сомневања дека имамот е поврзан со огранокот на Ал Каеда за Арабискиот полустров (АКПА). Тој стана познат по размената на електронска пошта со американскиот психијатар мајорото Нидал Хасан кој во ноември 2009 г. изврши напад во најголемата воена база на територијата на САД, „Форт Худ“ во Тексас, кога уби 13 лица.